இனி ஆப் ஸ்டோர்ல எதை தேடினாலும் விளம்பரமா தான் இருக்கும்! ஆப்பிள் எடுத்த அதிரடி முடிவு! கடுப்பில் யூசர்கள்

இன்னைக்கு ஆப்பிள் (Apple) யூசர்களுக்கு கொஞ்சம் கவலையளிக்கக்கூடிய, ஆனா ஆப்பிள் கம்பெனிக்கு கல்லா கட்டக்கூடிய ஒரு நியூஸ் தான் பார்க்கப்போறோம். வழக்கமா நம்ம ஐபோன்ல ஆப் ஸ்டோர்ல போயிட்டு ஏதாவது ஒரு ஆப் பேரைத் தட்டுனா, முதல்ல ஒரு விளம்பரம் வரும், அதுக்கப்புறம் தான் நம்ம தேடுன ஆப் வரும். ஆனா, இனிமே அப்படி இருக்காது!

ஆப்பிள் நிறுவனம் வெளியிட்டுள்ள லேட்டஸ்ட் அப்டேட் படி, 2026-ஆம் ஆண்டு முதல் ஆப் ஸ்டோர் தேடல் முடிவுகள்ல (Search Results) இன்னும் அதிகமான விளம்பரங்களை கொண்டு வரப்போறாங்க. இப்போதைக்கு ஒரு தேடலுக்கு ஒரு விளம்பரம் தான் டாப்ல வரும். ஆனா புது மாற்றம் வந்த பிறகு, ஸ்க்ரோல் பண்ண பண்ண இடையிடையேயும் விளம்பரங்கள் வந்து நச்சரிக்கும்னு சொல்லப்படுது.

ஏன் ஆப்பிள் திடீர்னு இப்படி பண்ணுது?

ஆப்பிள் தரப்புல என்ன சொல்றாங்கன்னா, ஆப் ஸ்டோர்ல நடக்குற டவுன்லோடுகள்ல 65% தேடல் மூலமா தான் நடக்குது. அதனால, சின்ன சின்ன டெவலப்பர்களுக்கும் தங்களோட ஆப்ஸை மக்கள்கிட்ட கொண்டு போய் சேர்க்க இது ஒரு நல்ல வாய்ப்புன்னு சொல்றாங்க. ஆனா நிஜமான காரணம் என்னன்னா, ஆப்பிள் தன்னோட விளம்பர வருமானத்தை (Ad Revenue) பல பில்லியன் டாலர் அளவுக்கு உயர்த்த பிளான் பண்ணியிருக்காங்க.

இந்த மாற்றத்தால டெவலப்பர்களுக்கு ஒரு நல்ல விஷயம் என்னன்னா, அவங்க ஏற்கனவே ரன் பண்ணிட்டு இருக்கிற விளம்பரங்கள் ஆட்டோமேட்டிக்கா இந்த புது இடங்களுக்கும் எலிஜிபிள் ஆகிடும். இதுக்காக அவங்க தனியா எந்த செட்டிங்ஸும் மாத்த வேணாம். அதே சமயம், விளம்பரம் எந்த இடத்துல வரணும்னு அவங்க முடிவு பண்ண முடியாது; அதை ஆப்பிளோட அல்காரிதம் தான் முடிவு பண்ணும்.

பயனர்களோட பாயிண்ட் ஆஃப் வியூல பார்த்தா, இது கொஞ்சம் எரிச்சலூட்டுற விஷயம்தான். ஏற்கனவே ப்ரீமியம் விலை கொடுத்து ஐபோன் வாங்குற நமக்கு, ஆப் ஸ்டோர்லயும் விளம்பரங்களை திணிக்கிறது பலருக்கும் பிடிக்கல. ஆனா ஆப்பிள் என்னவோ தங்களோட பிசினஸ்ல ரொம்ப தெளிவா இருக்காங்க.

2025-ஐ முடிச்சுட்டு 2026-ல நுழையும்போது, iOS 26.2 அப்டேட்டோட இந்த மாற்றங்கள் உங்க போனுக்கு வரும். இது ஆப்பிளோட லாபத்தை உயர்த்துமா இல்ல யூசர்களை அதிருப்தி அடையச் செய்யுமாங்கிறதை பொறுத்திருந்து தான் பார்க்கணும்.