இந்தியாவில் மோட்டோ பட்ஸ் 2 பிளஸ் அறிமுகம்: ஹை-ரெஸ் ஆடியோ, 40 மணிநேர பேட்டரி, விலை மற்றும் அம்சங்கள்
மோட்டோரோலா நிறுவனம் இந்தியாவில் தனது 'மோட்டோ பட்ஸ் 2 பிளஸ்' (Moto Buds 2 Plus) ட்ரூ வயர்லெஸ் ஸ்டீரியோ (TWS) இயர்போன்களை அறிமுகப்படுத்தியுள்ளது. பார்சிலோனாவில் நடைபெற்ற MWC 2026-ல் மோட்டோ பட்ஸ் 2 உடன் முதன்முதலில் அறிமுகப்படுத்தப்பட்ட இந்த இயர்போன்கள், சவுண்ட் பை போஸ் (Sound by Bose) தொழில்நுட்பம், எல்ஹெச்டிசி (LHDC) கோடெக் ஆதரவுடன் கூடிய ஹை-ரெஸ் ஆடியோ மற்றும் 55dB அடாப்டிவ் ஆக்டிவ் நாய்ஸ் கேன்சலேஷன் (ANC) ஆகிய அம்சங்களைக் கொண்டுள்ளன. மேலும், இவை புளூடூத் 6.0 இணைப்பு, டூயல் டிவைஸ் பேரிங் மற்றும் சார்ஜிங் கேஸுடன் சேர்த்து மொத்தம் 40 மணிநேர பேட்டரி ஆயுளை வழங்குகின்றன.