வோடாபோனின் புதிய ரீசார்ஜ் ப்ளான், 299 ரூபாய்க்கு புதிய திட்டம்!

ஓவ்வொரு மாதமும் புதிய புதிய ரீசார்ஜ் திட்டங்களை அறிவித்து வருகிறது வோடாபோன் நிறுவனம். அந்த வகையில், இன்று 299 ரூபாய்க்கு ஒரு புதிய திட்டத்தை அறிமுகப்படுத்தியுள்ளது. 70 நாட்கள் வேலிடிட்டி கொண்ட இந்த திட்டத்தில் அளவற்ற தொலைபேசி அழைப்புகளை வழங்கவுள்ளது, வோடாபோன். ஆனால் 3GB டேட்டா, 1000 மெசெஜ் என திட்டத்தில் இடம்பெற்றிருக்கும் வசதிகளை அறிவித்துள்ளது. இந்த டேட்டா மற்றும் மெசேஜ் அளவு மொத்த ப்ளான் வெலிடிட்டி நாட்களுக்கும் அவ்வளவு தான். இந்த திட்டம், இன்றிலிருந்து இந்தியாவில் அறிமுகமாகவுள்ளது. 

வோடாபோன் 299 ரூபாய் திட்டம், வெலிடிட்டி மற்றும் வசதிகள்:

வோடாபோன் நிறுவனம் இன்றைக்கு புதிதாக அறிவித்துள்ள இந்த 299 ரூபாய் திட்டம், அளவற்ற தொலைபேசி அழைப்புகளை மையப்படுத்தியே அறிமுகப்படுத்தப்பட்டுள்ளது.

மொத்தம் 70 நாட்கள் வேலிடிட்டி கொண்டுள்ள இந்த திட்டத்தில், அளவற்ற தொலைபேசி அழைப்புகள் இலவசம். மேலும், இந்த வேலிடிட்டி நாட்களில் 3GB டேட்டாவையும் 1000 மெசேஜ்களையும் இலவசமாக் வழங்கவுள்ளது.

இந்த திட்டம் தற்போதைக்கு மும்பை, குஜராத் மற்றும் ப்ஞ்சாப் ஆகிய இடங்களில் மட்டும்தான் அறிமுகமாகியுள்ளது

அளவற்ற டேட்டாவிற்காகவும், வோடாபோன் நிறுவனம் சமீபத்தில் ஒரு திட்டத்தை அறிமுகப்படுத்தியுள்ளது. 229 ரூபாய் மதிப்பு கொண்ட இந்த திட்டத்தின் வேலிடிட்டி 28 நாட்கள். இந்த வேலிடிட்டி நாட்கள் முழுவதும் அளவற்ற தொலைப்பேசி அழைப்புகளை தரவுள்ள இந்த திட்டத்தில், நாள் ஒன்றிற்கு 2GB டேட்டா மற்றும் 100 மெசேஜ்கள் இலவசம்.