ரூ.649 ஐபோன் ஃபாரெவர் ப்ளானை நிறுத்தியது வோடபோன் ஐடியா...! 

பேஸ்புக்கில் பகிரலாம் ட்வீட் பகிர் Snapchat ரெட்டிட்டில் கருத்து
ரூ.649 ஐபோன் ஃபாரெவர் ப்ளானை நிறுத்தியது வோடபோன் ஐடியா...! 

iPhone 5s மற்றும் அதற்கு மேற்பட்ட மாடல்களைக் கொண்ட பயனர்களுக்கு ரூ. 649 ஐபோன் ஃபாரெவர் ப்ளானை வோடபோன் ஐடியா வழங்கியது

ஹைலைட்ஸ்
  • வோடபோன் இந்தியா தளம், ஐபோன் ப்ளானை நிறுத்தியதை உறுதிப்படுத்தியுள்ளது
  • வோடபோன் ரெட் கீழ் ஐபோன் ஃபாரெவர் திட்டம் தொடங்கப்பட்டது
  • ஐடியா செல்லுலார் சந்தாதாரர்கள் நிர்வனா வரிசையின் கீழ் ஐபோன் ப்ளானை பெற்றன

வோடபோன் ஐடியா, ரூ. 649 ஐபோன் ஃபாரெவர் ப்ளான் வழங்குவதை நிறுத்தியது. இந்த ப்ளான், ஐபோன் பயனர்களுக்கு சிறப்பு பலன்களை வழங்குவதற்காக கடந்த ஆண்டு தொடங்கப்பட்டது. வோடபோன் மற்றும் ஐடியா செல்லுலார் சந்தாதாரர்களுக்கான போஸ்ட்பெய்ட் போர்ட்ஃபோலியோவின் கீழ் கிடைத்த இந்த திட்டம், 90 ஜிபி அதிவேக டேட்டா மற்றும் அன்லிமிடெட் குரல் அழைப்புகளை வழங்கியது. இது iPhone 5s மற்றும் அதற்கு மேற்பட்ட மாடல்களை ஆதரித்தது மற்றும் தற்செயலான உடல் சேதத்தை உள்ளடக்கியது. வோடபோன் சந்தாதாரர்கள் வோடபோன் ரெட் கீழ் ஐபோன் ஃபாரெவர் ப்ளானை பெற முடிந்தாலும், ஐடியா வாடிக்கையாளர்களுக்கு அதன் நிர்வணா போஸ்ட்பெய்ட் ப்ளான்களின் மூலம் வழங்கப்பட்டது.

Vodafone India மற்றும் Idea Cellular வலைத்தளங்களின் பட்டியல்கள், ரூ. 649 ஐபோன் ஃபாரெவர் ப்ளான் இனி கிடைக்காது என்று காண்பிக்கின்றன. வோடபோன் தற்போது ரூ. 598, ரூ. 749, மற்றும் குடும்ப பயன்பாட்டிற்கான ரூ. 999 ப்ளான்களையும் வழங்குகிறது. அதே சமயம், தனிப்பட்ட திட்டங்கள் ரூ. 399, ரூ. 499, மற்றும் ரூ. 999-க்கு வழங்குகிறது. மறுபுறம், ஐடியா நிர்வணா 399 மற்றும் நிர்வணா 499 போஸ்ட்பெய்ட் ப்ளான்களை மட்டுமே கொண்டுள்ளது.

தொலைதொடர்பு மையப்படுத்தப்பட்ட வலைத்தளமான DreamDTH, வோடபோன் இந்தியா ரூ. 649 ஐபோன் ஃபாரெவர் ப்ளானை நிறுத்தப்படுவதை உறுதிப்படுத்தியுள்ளது என்று தெரிவித்துள்ளது. ஐடியா செல்லுலார் இந்த ப்ளான் இனி வாடிக்கையாளர்களுக்கு கிடைக்காது என்றும் கூறியுள்ளது. மேலும், இந்த அப்டேட் ஜனவரி 15 முதல் நடைமுறைக்கு வந்தது.

வளர்ச்சியைப் பற்றிய கூடுதல் தெளிவுக்காக வோடபோன் ஐடியாவை அணுகியுள்ளோம், மீண்டும் அறிவிப்பு வந்தவுடன் இந்த அறிக்கையை புதுப்பிப்போம்.

மாற்று, பழுது மற்றும் மேம்பாடுகள் போன்ற பலன்களுடன் ஐபோன் பயனர்களைப் பூர்த்தி செய்யும் நோக்கில் ரூ. 649 ஐபோன் ஃபாரெவர் ப்ளான், கடந்த ஆண்டு பிப்ரவரியில் தொடங்கப்பட்டது. பயனர்கள் தங்களது தற்போதைய ஐபோன் மாடல்களை வேறுபட்ட செலவை செலுத்துவதன் மூலம் மேம்படுத்த, ஆப்ஷன் வழங்கப்பட்டது. இதேபோல், இந்த ப்ளான் பயனர்களுக்கு 18 மாதங்களுக்கும் மேலான ஐபோனை மேம்படுத்த அல்லது பழுதுபார்ப்பதைத் தேர்வுசெய்தது.

வோடபோன், அமேசான் பிரைம் மற்றும் வோடபோன் ப்ளேவிற்கும் அணுகலை வழங்கியது. மேலும், ரூ. 649 ஐபோன் ஃபாரெவர் ப்ளான் 90 ஜிபி அதிவேக டேட்டா மற்றும் அன்லிமிடெட் குரல் அழைப்பு பலன்களுடன் தொகுக்கப்பட்டது.

கருத்து

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பிற மொழிக்கு: English
 
 

விளம்பரம்

Advertisement

© Copyright Red Pixels Ventures Limited 2020. All rights reserved.
Listen to the latest songs, only on JioSaavn.com