இந்தியாவில் விற்பனையைத் தொடங்கும் எம்.ஐ-யின் புதிய டிவி மாடல்கள்!

மிகவும் எதிர்பார்க்கப்பட்ட எம்.ஐ நிறுவனத்தின் தொலைக்காட்சி வரிசைகள் தற்போது இந்தியாவில் விற்பனைக்கு வெளியாகியுள்ளது. இதன் மூலம் தற்போது எம்.ஐ டிவி 4X ப்ரோ (55 இன்ச்) மற்றும் எம்.ஐ டிவி 4A ப்ரோ (43 இன்ச்) இந்தியச் சந்தைகளில் விற்கப்பட உள்ளன.

சீன நிறுவனமான எம்.ஐ-யின் தயாரிப்புகளுக்கு இந்தியர்களிடையே நல்ல வரவேற்பு கிடைத்து வரும் நிலையில் இந்த புதிய ஸ்மார்ட் தொலைக்காட்சிகள் மூலம் வாடிக்கையாளர்களை கவர மூடிவெடுத்துள்ளது அந்நிறுவனம். இந்தப் புதிய வகை தொலைக்காட்சிகளை ஃப்ளிப்கார்ட், எம்ஐ.காம் மற்றும் எம்ஐ ரீடெயில் கடைகளில் வாங்கலாம்.

கடந்த வாரம் எம்ஐ சவுண்டு பார்களுடன் இந்தியாவில் அறிமுகம் செய்யப்பட்ட எம்ஐ ஸ்மார்ட் தொலைக்காட்சிகள் பாட்ச்வால் யுஐ மூலம் இயங்குகிறது.

மேலும் தற்போது விற்பனைக்கு வந்துள்ள எம்.ஐ டிவி 4X ப்ரோ (55 இன்ச்) மற்றும் எம்.ஐ டிவி 4A ப்ரோ (43 இன்ச்) என இரண்டு மாடல்களும் மெல்லிசான ஸ்கிரீனைக் கொண்டது. இதில் 20 வாட்ஸ் ஸ்பீக்கர்களும், வாய்ஸ் கமாண்டும் அடக்கம். மேலும், எம்.ஐ டிவி 4X ப்ரோ (55 இன்ச்) 39,999 ரூபாய்க்கும், எம்.ஐ டிவி 4A ப்ரோ (43 இன்ச்) 22,999 ரூபாய்க்கு இன்று (15.1.19)  மதியம் 12 மணி முதல் விற்பனையைத் தொடங்கும் என எம்ஐ நிறுவனம் சார்பாக அறிவிக்கப்பட்டுள்ளது.

இதில் எம்.ஐ டிவி 4X ப்ரோ (2160x3840 பிக்சல்) 4K UHD டிஸ்பிளேவைக் கொண்டது. 64 பிட் அமோலாஜிக் பிராசஸரின் உதவியுடன் இயங்கும் இந்தத் தொலைக்காட்சிக்கு 2ஜிபி ரேமும் 8 ஜிபி சேமிப்பு வசதியும் இருக்கும். அத்துடன் ப்ளூ-டூத் மற்றும் வை-ஃபை வசதியும் சேர்க்கப்பட்டுள்ளது குறிப்பிடத்தக்கது.

அதேபோல் 43 இன்ச் எம்.ஐ டிவி 4A ப்ரோ-வைப் பொறுத்தவரை (1920x1080 பிக்சல்) டிஸ்ப்ளேவும் 1ஜிபி ரேமுடன் வெளியாகுகிறது. 8 பிட் கலர் டெப்துடன் விற்பனைக்கு வருகிறது இந்தத் தொலைக்காட்சி.

What's good about the new Xiaomi TVs and soundbar? We discussed this on Orbital, our weekly technology podcast, which you can subscribe to via Apple Podcasts or RSS, download the episode, or just hit the play button below.