ஏர்டெல் வாடிக்கையாளர்களுக்கு ப்ரீ நெட்ஃபிளிக்ஸ் ஆஃபர்!

கடந்த ஆகஸ்ட் மாதத்தில் ஏர்டெல் நிறுவனம் தனது போஸ்ட்பெய்டு மற்றும் பிராட்பாண்ட் பிளான்களுடன் நெட்ஃபிளிக்ஸ்-க்கான இலவச இணைப்பையும் வாடிக்கையாளர்கள் பெறலாம் என அறிவித்திருந்தது. இருப்பினும் இந்த பிளான்களுக்கான விலை விபரங்களை அறிவிக்காமல் இருத்தது.

இந்தநிலையில், சரியாக ஒரு மாதம் கழித்து தற்போது, விலை விபரங்களை அறிவித்த ஏர்டெல் நிறுவனம், மை ஏர்டெல் ஆப் மூலம் நெட்ஃபிளிக்ஸ்-க்கான இலவச இணைப்பை பெற்றுக்கொள்ளலாம் என்றும் அறிவித்துள்ளது. மேலும், இது போஸ்ட்பெய்டு வாடிக்கையாளர்கள் மட்டுமே பயன்பெறும் வகையில் உள்ளது. பிராட்பாண்ட் வாடிக்கையாளர்களுக்கு எந்த ஒரு அறிவிப்பும் வரவில்லை.

இந்த ஆஃபர் ரூ.499, ரூ.649, ரூ.799, ரூ.1,199, ரூ.1,599, ரூ.1,999 மற்றும் ரூ.2,999 உள்ளிட்ட போஸ்ட்பெய்டு பிளான்களை பெறுபவர்களுக்கு மட்டுமே பொருந்தும் என ஏர்டெல் நிறுவனம் தெரிவித்துள்ளது. இந்த ஆஃபரில் ஏர்டெல் வாடிக்கையாளர்கள், நெட்ஃபிக்ஸில் ரூ.500க்கான பிளான்களை 3 மாதம் இலவசமாக பெற்றுக்கொள்ளலாம். இந்த இலவச இணைப்பு மூலம் ஒருவர் ஒரு மொபைலில் மட்டுமே நெட்ஃபிளிக்ஸை பயன்படுத்த முடியும். மேலும் வீடியோவை ஸ்டாண்டர்ட் தரத்தில் மட்டுமே பார்க்க முடியும்.

இந்த இலவச நெட்ஃபிளிக்ஸ் ஆஃபரை பெற,

1. மை ஏர்டெல் ஆப்-பில் ஏர்டெல் தேங்கஸ் பேனரை அழுத்த வேண்டும்.
2. அதில், நெட்ஃபிளிக்ஸ் கிப்ட் ரூ.1,500 என்று உள்ளதில் சென்று கிளைம் பட்டனை அழுத்த வேண்டும்.
3. பின்னர் அதில், லாகின் ஐடி இருந்தால், லாகின் செய்யலாம் அல்லது நெட்ஃப்ளிக்ஸில் புதிதாக அக்கவுண்ட் ஓப்பன் செய்ய வேண்டும்.
4. இதன் பின்னர், ரூ.1,500-க்கான 3 மாத பிளான் உங்கள் நெட்ஃபிளிக்ஸில் அக்கவுண்ட்டில் ஏறிவிடும்.

இந்த வழிமுறைகளை பின்பற்றி 3 மாத இலவச நெட்ஃபிளிக்ஸ் இணைப்பை பெறலாம். இதற்காக எந்த ஒரு தனி கட்டணமும் செலுத்த தேவையில்லை.