பேஸ்புக் - இன்ஸ்டாகிராம் பக்கங்களில் சரீகமா நிறுவன பாடல்களை சேர்த்துக் கொள்ளலாம்.
Photo Credit: Akhil Arora/Gadgets 360
சமூக வலைதளங்களில் முன்னணியாக திகழும் பேஸ்புக்கும், இசை நிறுவனமான சரீகமாவும் ஒப்பந்தம் ஏற்படுத்தியுள்ளன. இது ஒரு லட்சத்துக்கும் மேற்பட்ட பாடல்களின் தொகுப்பை பேஸ்புக் மற்றும் இன்ஸ்டாகிராம் தளங்களுக்கு கொண்டு வருகிறது.
அதாவது பேஸ்புக் மற்றும் இன்ஸ்டாகிராம் இரண்டிலும் உங்கள் ஸ்டேட்டஸ் மற்றும் ஸ்டோரிகளில் சரீகமாவுக்கு சொந்தமான இசையை இப்போது சேர்க்கலாம். சரீகமா நிறுவனம் திரைப்பட பாடல்கள், பக்தி இசை, கஜல்கள் மற்றும் இந்தி-பாப் ஆகியவற்றை 25 மொழிகளில் ரசிகர்களுக்கு அளித்து வருகிறது. இதில் பிரபல பாடகர்களான லதா மங்கேஷ்கர், கிஷோர் குமார், முகமது ரஃபி, ஆஷா போஸ்லே, குல்சார், ஜக்ஜித் சிங் மற்றும் ஆர்.டி. பர்மன் ஆகியோரது பாடல்களும் அடங்கும்.
பேஸ்புக்கில், சரீகமா தற்போதுள்ள இந்திய இசை நிறுவனங்களான டி-சீரிஸ், யஷ் ராஜ் பிலிம்ஸ் மற்றும் ஜீ மியூசிக் கம்பெனியுடன் இணைந்துள்ளது.
இவை அனைத்தும் கடந்த ஆண்டு மார்ச் மாதம் பேஸ்புக்குடன் ஒப்பந்தத்தில் கையெழுத்திட்டன.
வீடியோக்கள் மற்றும் கதைகளுக்கான ஸ்டிக்கர்களாக, நேரடி பாடல் மற்றும் 15-வினாடி தனிப்பயனாக்கக்கூடிய துணுக்குகளுக்கான விருப்பத்துடன், உங்கள் பேஸ்புக் சுயவிவரத்திற்கும் கூட. சரேகாமாவின் தொகுப்பு ஏற்கனவே நேரலையில் உள்ளது. இதனை தேடிப்பார்த்து ஸ்டேட்டஸ் மற்றும் ஸ்டோரிகளில் வைத்து மகிழலாம்.
"இப்போது மில்லியன் கணக்கான பேஸ்புக் பயனர்கள் எங்கள் பரந்த பட்டியலிலிருந்து அவர்கள் உருவாக்கும் மற்றும் பகிர்ந்து கொள்ளும் கதைகள் மற்றும் வீடியோக்களில் சரீகமா இசையைச் சேர்க்க முடியும்" என்று சரேகாமா இந்தியாவின் நிர்வாக இயக்குனர் விக்ரம் மெஹ்ரா கூறினார்.
பேஸ்புக் இந்தியாவின் இயக்குநரும் கூட்டாண்மைத் தலைவருமான மனீஷ் சோப்ரா கூறியதாவது:
“பேஸ்புக்கில், இசை என்பது சுய வெளிப்பாட்டின் ஒரு அங்கம் என்றும் மக்களை நெருக்கமாகக் கொண்டுவருவது மற்றும் நீடித்த நினைவுகளை உருவாக்குவது என்றும் நாங்கள் நம்புகிறோம். உலகெங்கிலும், எங்கள் தளங்களில் உள்ளவர்கள் தங்களின் விருப்பமான இந்திய இசையைப் பயன்படுத்தி அவர்களின் உள்ளடக்கத்தை மேலும் வளப்படுத்த அனுமதிக்கும் சரீகமாவுடன் கூட்டாளராக இருப்பதில் நாங்கள் மிகவும் பெருமிதம் கொள்கிறோம். ”
இவ்வாறு மனீஷ் சோப்ரா தெரிவித்துள்ளார். பிறகென்ன... பேஸ்புக்கில் இசை வெள்ளம் இன்னும் அதிகமாக பாயட்டும்...
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.