நகைப்பிரியர்களுக்கு குட் நியூஸ்: ஜூன் மாத தொடக்கத்திலேயே அதிரடியாக குறைந்த தங்கம் விலை - இன்றைய நிலவரம்!

கடந்த மே மாதம் முழுவதும் ஏறி இறங்கி போக்கு காட்டி வந்த தங்கம் விலை, புதிய மாதமான இன்று ஜூன் 1-ஆம் தேதி அதிரடி வீழ்ச்சியைக் கண்டுள்ளது. நகைப்பிரியர்களுக்கும், இல்லத்தரசிகளுக்கும் பெரும் மகிழ்ச்சியைத் தரும் வகையில் இன்று ஒரே நாளில் சவரனுக்கு ரூ.1,040 வரை குறைந்துள்ளது. கடந்த மே 13 அன்று ஒரே நாளில் சவரனுக்கு ரூ.5,000-க்கும் மேல் உயர்ந்து அதிர்ச்சியை ஏற்படுத்திய தங்கம், தற்போது படிப்படியாகக் குறைந்து வருவது பொதுமக்களுக்கு நிம்மதியை அளித்துள்ளது.

சென்னையில் இன்றைய நிலவரப்படி, ஆபரணத் தங்கத்தின் விலையில் பெரிய அளவில் சரிவு ஏற்பட்டுள்ளது. 22 காரட் ஆபரணத் தங்கம் கிராமிற்கு ரூ.130 குறைந்து ஒரு கிராம் ரூ.14,500 ஆகவும், சவரனுக்கு ரூ.1,040 குறைந்து ஒரு சவரன் ரூ.1,16,000 ஆகவும் விற்பனை செய்யப்படுகிறது. அதேபோல், நடுத்தர வர்க்கத்தினர் அதிகம் வாங்கும் 18 காரட் தங்கத்தின் விலையும் கிராமிற்கு ரூ.95 குறைந்து ஒரு கிராம் ரூ.12,180 ஆகவும், சவரனுக்கு ரூ.760 குறைந்து ஒரு சவரன் ரூ.97,440 ஆகவும் வீழ்ச்சி அடைந்துள்ளது.

மறுபுறம், தங்கம் விலை கணிசமாகக் குறைந்திருந்தாலும் வெள்ளி விலையில் இன்று எந்தவித மாற்றமும் ஏற்படவில்லை. சென்னையில் இன்று வெள்ளி விலையானது நேற்றைய விலையிலேயே நீடிக்கிறது. அதன் அடிப்படையில், ஒரு கிராம் வெள்ளி ரூ.290 ஆகவும், ஒரு கிலோ பார் வெள்ளியின் விலை ரூ.2,90,000 ஆகவும் மாற்றமின்றி விற்பனை செய்யப்பட்டு வருகிறது. ஜூன் மாதத்தின் முதல் நாளே தங்கம் விலை சரிவுடன் தொடங்கியிருப்பது நகை வாங்குவோரிடையே பெரும் வரவேற்பைப் பெற்றுள்ளது.