உங்க WhatsApp அக்கவுண்ட்டுக்கு கூடுதல் பாதுகாப்பு! Strict Account Settings மோட் பற்றி தெரிஞ்சுக்கோங்க

இப்போதெல்லாம் சைபர் தாக்குதல்கள் ரொம்ப அதிகமாயிட்டு இருக்கு. அதிலிருந்து வாட்ஸ்அப் பயனர்களைப் பாதுகாக்க, Meta நிறுவனம் ஒரு சூப்பரான செக்யூரிட்டி ஃபீச்சரை கொண்டு வர்றாங்க. அதுதான் 'Strict Account Settings. WhatsApp ஆண்ட்ராய்டு பீட்டா வெர்ஷன் 2.25.33.4-ன் கோட்லதான் இந்த புதிய அம்சம் கண்டுபிடிக்கப்பட்டிருக்கு. இது இன்னும் டெவலப்மென்ட் ஸ்டேஜ்-லதான் இருக்கு. யாருக்கெல்லாம் டார்கெட் செய்யப்பட்ட Cyberattacks வரும்னு பயம் இருக்கோ, அவங்களுக்காகவே இதை பிரத்யேகமா டிசைன் பண்ணியிருக்காங்க.

இந்த Strict Account Settings மோட் எப்படி வேலை செய்யும்னு பார்க்கலாம். இது ஒரு 'Lockdown' ஸ்டைல் செக்யூரிட்டி மோட் மாதிரி செயல்படும். அதாவது, இந்த அம்சத்தை நீங்க ஒரே ஒரு Toggle மூலம் ஆன் பண்ணினாலே போதும், உங்க அக்கவுண்ட்டோட Advanced Security மற்றும் Privacy Settings எல்லாமே ஆட்டோமேட்டிக்கா ஆன் ஆகிடும். நாம தனியா ஒவ்வொரு செட்டிங்கையும் மாத்த வேண்டியதில்லை.

இந்த மோட்ல வர முக்கியமான பாதுகாப்புகள் என்னென்னன்னு பார்ப்போம்:

1. IP Masking (IP முகவரி பாதுகாப்பு): நீங்க வாட்ஸ்அப் கால் பேசும் போது, உங்க இருப்பிடத்தைக் கண்டறியும் IP முகவரி மற்றவர்களுக்குத் தெரியாம, வாட்ஸ்அப் சர்வர்கள் மூலமா கால் ரூட் செய்யப்படும். இதனால் உங்க லொகேஷனை யாராலயும் கண்காணிக்க முடியாது.
2. Media Blocking (மீடியா பதிவிறக்கத் தடை): உங்களுக்குத் தெரியாத காண்டாக்ட்ஸ் (Unknown Senders) கிட்ட இருந்து வர்ற போட்டோ, வீடியோ அல்லது டாக்குமெண்ட்களை ஆட்டோமேட்டிக்கா டவுன்லோட் ஆவதை இது தடுக்கும். இதனால், மால்வேர்கள் அல்லது ஃபிஷிங் லிங்குகள் கொண்ட மீடியா ஃபைல்களால் ஏற்படும் அபாயம் குறையும். அவர்களுடன் டெக்ஸ்ட் மெசேஜ் மட்டும் தான் அனுப்ப முடியும்.
3. Link Preview Control: நீங்க ஷேர் பண்ற லிங்க்கோட ப்ரிவியூ (Preview) தெரியாம இருக்க, அதை டிசேபிள் செய்யும் ஆப்ஷனும் இதுல இருக்கு. ஏன்னா, லிங்க் ப்ரிவியூ வரும்போது உங்க IP முகவரியும் வெளியாகும் வாய்ப்பு இருக்கு. அதை இது தடுக்கும்.
4. Two-Step Verification (இருபடி சரிபார்ப்பு): இது ஏற்கனவே இருந்தாலும், இந்த ஸ்ட்ரிக்ட் செட்டிங் மோட்ல Two-Step Verification ஆட்டோமேட்டிக்கா எனேபிள் ஆகி, ஒரு PIN அடிப்படையிலான அங்கீகார லேயரைச் சேர்த்து, உங்கள் கணக்கைப் பாதுகாக்கும்.
5. Group Chat Settings: தெரியாதவங்க உங்களை குரூப் சாட்டுக்கு ஆட் பண்றதையும், Mute Calls ஃபீச்சரையும் இது கட்டுப்படுத்தும்.
6. மொத்தத்துல, இந்த Strict Account Settings என்பது ஒரு கம்ப்ளீட் Advanced Security பேக்கேஜ். இது எல்லா யூஸர்களுக்கும் கட்டாயம் இல்லை. ஆனா, அதிக சைபர் அச்சுறுத்தலை எதிர்கொள்ளும் நபர்களுக்காக இது ஒரு கூடுதல் பாதுகாப்பைக் கொடுக்கும்.இந்த புதிய Privacy Feature உங்களுக்கு பயனுள்ளதாக இருக்குமா? IP Masking பத்தி நீங்க என்ன நினைக்கிறீங்கன்னு கமெண்ட்ல சொல்லுங்க.