ட்விஸ்ட் மேல் ட்விஸ்ட் கொடுக்கும் Vivo X200 செல்போன் சீரியஸ்

Vivo X200 , Vivo X200 Pro மற்றும் Vivo X200 Pro Mini ஆகியவை விரைவில் உலகம் முழுக்க அறிமுகம் செய்யப்பட உள்ளது. உலகளாவிய வெளியீடு எப்போது நடைபெறும் என்பதை Vivo இன்னும் உறுதிப்படுத்தவில்லை. ஆனால் சமீபத்திய தகவல் படி, விவோ நிறுவனத்தின் இந்திய வெளியீடு அடுத்த மாதம் நடக்கும் என்று கூறுகிறது. இருப்பினும் அனைத்து Vivo X200 செல்போன் சீரியஸ்களும் இந்தியாவில் கிடைக்காது என்று அறிக்கை தெரிவிக்கிறது. Vivo X200 செல்போன் சீரியஸ் MediaTek Dimensity 9400 SoCs, Origin OS 5 UI மற்றும் Zeiss-பிராண்டட் கேமராக்களில் இயங்குகிறது. விவோ எக்ஸ்200 மற்றும் விவோ எக்ஸ்200 ப்ரோவை டிசம்பரில் இந்தியாவில் அறிமுகப்படுத்தும் என்று 91மொபைல்ஸ் தெரிவிக்கிறது. இந்திய சந்தையில் எக்ஸ்200 ப்ரோ மினி அறிமுகம் ஆகாது என கூறப்படுகிறது.

Vivo X200 செல்போன் சீரியஸ் அக்டோபரில் முதன்முதலாக அறிமுகம் செய்யப்பட்டது. தற்போது சீனாவில் பிரத்தியேகமாக விற்பனைக்கு உள்ளது. இந்த சீரியஸ் விரைவில் மலேசிய சந்தையில் இறங்குவது உறுதிசெய்யப்பட்டுள்ளது. இருப்பினும் Vivo X200 Pro Mini செல்போன் மாடல் உலகளாவிய வெளியீட்டின் ஒரு பகுதியாக இருக்குமா என்பது இப்போது தெளிவாகத் தெரியவில்லை. இந்த போன்கள் நவம்பர் இறுதியில் அல்லது டிசம்பர் முதல் வாரத்தில் இந்தியாவில் அறிமுகம் செய்யப்படும் என கூறப்பட்டது. இருந்தாலும் Vivo அதன் Vivo X200 சீரியஸ் இந்தியாவில் எப்போது கிடைக்கும் என்பது பற்றிய எந்த விவரங்களையும் வெளியிடவில்லை. முந்தைய Vivo X சீரியஸ் போன்கள் இந்திய சந்தையில் இப்போது விற்பனையில் கொடி கட்டி பறக்கிறது.

Vivo X200 விவரக்குறிப்புகள்

Vivo X200 செல்போன் சீரியஸ் வெண்ணிலா மாடல் 12GB ரேம் + 256GB மெமரி மாடல் ரூ. 51,000 என்கிற விலையில் தொடங்குகிறது. Vivo நிறுவனத்தின் X200, X200 Pro , மற்றும் X200 Pro Mini ஆனது ஆண்ட்ராய்டு 15 அடிப்படையாகக் கொண்ட Origin OS 5 உடன் வெளியிடப்பட்டது. மூன்று ஃபோன்களும் MediaTek Dimensity 9400 SoC இல் இயங்குகின்றன மற்றும் Zeiss-பிராண்டட் டிரிபிள் ரியர் கேமரா அமைப்பைக் கொண்ட 50 மெகாபிக்சல் முதன்மை கேமராவைக் கொண்டுள்ளது. Vivo X200 Pro ஆனது 200 மெகாபிக்சல் டெலிஃபோட்டோ சென்சார் கொண்டது.

வெண்ணிலா மாடல் Vivo X200 ஆனது 90W வயர்டு சார்ஜிங் சப்போர்ட் உடன் 5,800mAh பேட்டரியைக் கொண்டுள்ளது. இதற்கிடையில் Vivo X200 Pro மற்றும் X200 Pro Mini ஆகியவை முறையே 6,000mAh மற்றும் 5,800mAh பேட்டரி 90W வயர்டு சார்ஜிங் சப்போர்ட் உடன் வருகின்றன. இந்தியாவில் விவோ எக்ஸ்200 மற்றும் விவோ எக்ஸ்200 ப்ரோ போன்களுக்கு நல்ல வரவேற்பு இருக்கும் என எதிர்பார்க்கப்படுகிறது.

இமோர்ட்டாலிஸ் G925 GPU தரவு கொண்டுள்ளது இந்த போன். எனவே இந்த போன் சிறந்த கேமிங் அனுபவத்தை வழங்கும். 16ஜிபி வரை ரேம் மற்றும் 1டிபி வரை மெமரி கொண்டுள்ளது இந்த விவோ போன். IP69+IP68 தர Dust & Water Resistant கொண்டுள்ளது