எனக்குன்னே வருவீங்களா? எப்படி வாங்காமல் விடுவேன்!

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். மொபைல் போன்களை தாண்டியும் மற்ற கேட்ஜெட்களை பற்றியும் தெரிந்து கொள்ளலாம். இப்போ நாம் பார்க்க இருப்பது Tecno Phantom V Flip 2 5G செல்போன் பற்றி தான். 

Google Pixel 9 Pro Fold இந்தியாவில் அறிமுகம் செய்யப்பட்ட நிலையில் இப்போது Tecno Phantom V Flip 2 5G மாடல் பற்றி வெளியான தகவல் அதிர வைத்துள்ளது.  இந்தியர்கள் மத்தியில் போல்டபிள் ஸ்மார்ட்போன்களுக்கான வரவேற்பு நன்றாக இருக்கிறது. ஆனால் எல்லோரும் ரூ.1 லட்சத்திற்கு மேல் செலவு செய்து அதை வாங்க  மாட்டார்கள். சமீபத்தில் அறிமுகமான ஒன்பிளஸ் பிளிப் செல்போன் கூட ரூ.1 லட்சத்திற்கு மேல் விலை நிர்ணயம் செய்யப்பட்டது. எப்போதுமே இந்தியர்கள் "இதே பிரிவில்" இன்னும் மலிவான விருப்பம் இருக்கிறதா என்றுதான் தேடுவார்கள். அப்படி தேடுவோர்களின் கண்களுக்கு முதல் சிக்குவது பிளிப் ஸ்மார்ட்போன்கள் தான். அதிலும் பிளிப் மாடல்கள் என்பது போல்ட் மாடல்களின் வெண்ணிலா வேரியண்ட்கள் ஆகும். அதாவது ஒரே சீரிஸின் கீழ் அறிமுகமாகும் வெண்ணிலா, ப்ரோ மற்றும் ப்ரோ மேக்ஸ் அல்லது ப்ரோ பிளஸ் மாடல்களை போன்றது. அந்த வகையில் வர இருப்பது Tecno Phantom V Flip 2 5G. 

Tecno Phantom V Flip 2 5G செல்போன் தயாரிக்கும் ட்ரான்ஸிஷன் ஹோல்டிங்ஸ் நிறுவனம் என்பது இந்திய ஸ்மார்ட்போன் சந்தையில் நன்கு அறியப்பட்ட பெயர். அவர்களின் பட்ஜெட் ஸ்மார்ட்போன் பிராண்டுகளான Infinix, Itel, Tecno மற்றும் அவர்களின் ஸ்மார்ட்போன்கள் பலரால் விரும்பப்படுகின்றன. ஆனால் சீன நிறுவனத்தின் நோக்கம் பட்ஜெட் போன்கள் மட்டும் அல்ல. இந்தியாவில் ஒப்பீட்டளவில் குறைந்த விலையில் பிரீமியம் போன்களை வழங்குவதற்கான சந்தை இருப்பதை உணர்ந்த ட்ரான்ஸிஷன் குழுமம், நடுத்தர அளவிலான போன்கள் பொது மக்களிடையே வரவேற்பைப் பெறுவதைப் போலவே, ட்ரான்ஸிஷன் குழுமமும் தனது பிராண்டுகள் மூலம் அத்தகைய போன்களை அறிமுகப்படுத்துகிறது.

Tecno Phantom V Flip 5G என்பது அதன் முதன்மை பிராண்டுகளில் ஒன்றான டெக்னோவின் கீழ் அறிமுகப்படுத்தப்பட்ட அத்தகைய ஸ்மார்ட்போன் ஆகும். கடந்த ஆண்டு வெளியிடப்பட்ட Tecno Phantom V Flip 5G சந்தையில் கிடைக்கும் மலிவான மடிக்கக்கூடிய ஸ்மார்ட்போனாகக் கருதப்படுகிறது. இப்போது சீன நிறுவனம் அதன் வாரிசான Techno Phantom V Flip 2 5G ஐ அறிமுகப்படுத்தப் போகிறது. இது இந்தியாவில் இது ரூ.55,000 - ரூ.60,000 க்குள் அறிமுகம் செய்யப்படும் என எதிர்பார்க்கப்படுகிறது. 

Tecno Phantom V Flip 2 ஆனது 6.9-இன்ச் முழு-HD+ AMOLED டிஸ்ப்ளே மற்றும் 1.32-இன்ச் கவர் டிஸ்ப்ளே ஆகியவற்றைக் கொண்டிருக்கும். இது octa-core MediaTek Dimensity 8020 சிப்செட்டில் இயங்கக்கூடியது. இது முந்தைய மாடலில் உள்ள MediaTek Dimensity 8050 SoC சிப்செட் விட குறிப்பிடத்தக்க மேம்படுத்தலாக இருக்கும். இது ஆண்ட்ராய்டு 14 உடன் வெளியாகும் என்று எதிர்பார்க்கப்படுகிறது.

கேமராவை பொறுத்தவரையில் 64 மெகாபிக்சல் மற்றும் 13 மெகாபிக்சல் வெளிப்புற கேமராக்கள் மற்றும் செல்ஃபிக்களுக்கான 32 மெகாபிக்சல்  சென்சார் கேமராவை கொண்டுள்ளது. 4,000mAh பேட்டரியைக் கொண்டிருக்கும். கைரேகை சென்சார் மற்றும் ஃபேஸ் அன்லாக் அம்சத்தை சப்போர்ட் செய்யும். இதன் எடை 196 கிராம் இருக்கலாம் என தெரிகிறது.