முழு நேர விற்பனைக்கு வந்த சாம்சங் 'கேலக்சி M40': விலை, சிறப்பம்சங்கள் உள்ளே!

சமீபத்தில் அறிமுகமான சாம்சங் 'கேலக்சி M40' ஸ்மார்ட்போன், தற்போது முழு நேர விற்பனைக்கு வந்துள்ளது. இந்த தகவலை கேட்ஜெட்ஸ் 360 உறுதி செய்துள்ளது. இந்த முழு நேர விற்பனை, இந்தியாவில் 'கேலக்சி M40' ஸ்மார்ட்போன் அறிமுகமான சில நாட்களிலேயே வந்துள்ளது என்பது குறிப்பிடத்தக்கது. இதன் மூலம், இந்த ஸ்மார்ட்போனை எந்த நேரத்திலும் அமேசான் அல்லது சாம்சங் நிறுவனத்தின் தளங்களில் பெற்றுக்கொள்ளலாம். 

முன்னதாக இந்த ஸ்மார்ட்போனை ஜூன் 11 அன்று இந்தியாவில் அறிமுகப்படுத்தியது. பின் ஜூன் 18 மற்றும் ஜூன் 20 ஆகிய தேதிகளில், இந்த ஸ்மார்ட்போனிற்கான ப்ளாஷ் சேலை அமேசான் மற்றும் சாம்சங் ஆன்லைன் தளங்களில் நடத்தியது சாம்சங் நிறுவனம்.

இந்த ஸ்மார்ட்போன் பற்றி பேசுகையில், சாம்சங் M தொடரில், நான்காவது ஸ்மார்ட்போனான இந்த 'கேலக்சி M40' இன்பினிடி-ஓ திரை (Infinity-O Display) மற்றும் 3 பின்புற கேமராக்களை கொண்டு வெளியாகியுள்ளது. மேலும், இந்த ஸ்மார்ட்போன் ஸ்னேப்ட்ராகன் 675 எஸ் ஓ சி ப்ராசஸர், 32 மெகாபிக்சல் முதன்மை கேமரா பொன்ற அம்சங்களை கொண்டு வெளியாகிள்ளது.

சாம்சங் 'கேலக்சி M40': விலை!

6GB RAM மற்றும் 128GB செமிப்பு அளவு என ஒரே வகையில் இந்தியாவில் அறிமுகப்படுத்தப்பட்ட சாம்சங் 'கேலக்சி M40' ஸ்மார்ட்போன், இந்தியாவில் 19,990 ரூபாய் என்ற விலையில் விற்பனை. சாம்சங் நிறுவனத்தின் அறிவிப்பின்படி, மிட்நைட் ப்ளூ (Midnight Blue) மற்றும் சீவாட்டர் ப்ளூ (Seawater Blue) என இரு வண்ணங்களில் இந்த ஸ்மார்ட்போன் அறிமுகமானது.

சாம்சங் 'கேலக்சி M40': சிறப்பம்சங்கள்!

இந்த சாம்சங் 'கேலக்சி M40' ஸ்மார்ட்போன் 6.3-இன்ச் FHD+ இன்பினிடி-ஓ திரை (Infinity-O Display) கொண்டுள்ளது. மேலும் ஆண்ட்ராய்ட் 9 பை அமைப்பில் செயல்படும் இந்த ஸ்மார்ட்போனில், ஸ்னேப்ட்ராகன் 675 எஸ் ஓ சி ப்ராசஸர் பொருத்தப்பட்டுள்ளது. 

மூன்று பின்புற கேமராக்களை கொண்டுள்ளது இந்த ஸ்மார்ட்போன். முதன்மையாக 32 மெகாபிக்சல் கேமராவுடன் 5 மெகாபிக்சல் டெப்த் கேமரா மற்றும் 8 மெகாபிக்சல் வைட்-ஆங்கிள் கேமரா என மூன்று கேமராக்களை கொண்டுள்ளது. மேலும் இந்த ஸ்மார்ட்போன், முன்புறத்தில் 16 மெகாபிக்சல் செல்பி கேமராவை கொண்டுள்ளது.

இந்த ஸ்மார்ட்போன் 3500mAh பேட்டரி அளவுடன், 18W அதிவேக சார்ஜர் கொண்டு வெளியாகியுள்ளது. மேலும், இந்த ஸ்மார்ட்போன் 4G வசதி மற்றும் ப்ளூடூத் v5, வை-பை வசதிகளை கொண்டுள்ளது.