போட்டோ எடுக்கும்போது இனி கடுப்பாக வேண்டாம்! Galaxy S26 Ultra-ல இருக்குற அந்த ஒரு ரகசியம்

ஸ்மார்ட்போன் கேமராவுல 'கிங்' யாருன்னு கேட்டா, நம்மல பல பேர் யோசிக்காம சொல்ற பேரு சாம்சங் 'அல்ட்ரா' சீரிஸ்தான். ஆனா, அவ்வளவு காசு கொடுத்து வாங்குற அந்த பிரீமியம் போன்லயும் ஒரு சின்ன தலைவலி பல வருஷமா இருந்துகிட்டே இருக்கு. அதுதான் 'லென்ஸ் பிளேயர்' (Lens Flare). அதாவது, நீங்க நைட்டுல ஸ்ட்ரீட் லைட் வெளிச்சத்துலயோ இல்ல சூரிய வெளிச்சம் அதிகமா இருக்கிற இடத்துலயோ போட்டோ எடுக்கும்போது, அந்த லைட் வெளிச்சம் லென்ஸ்ல பட்டு அங்கங்க தேவையில்லாத ஒளிவட்டங்கள் இல்லன்னா கோடுகள் மாதிரி விழும். இதனால போட்டோவோட தரம் அப்படியே குறைஞ்சு போயிடும்.

இப்போ இந்த நீண்ட கால பிரச்சினைக்கு ஒரு எண்ட் கார்டு போட சாம்சங் அவங்களோட அடுத்த வருஷ ஃபிளாக்ஷிப் மாடலான Samsung Galaxy S26 Ultra-வை தயார் பண்ணிக்கிட்டு இருக்காங்க. லேட்டஸ்ட்டா கிடைச்சிருக்க தகவலின்படி, சாம்சங் ஒரு புதுவிதமான லென்ஸ் கோட்டிங் தொழில்நுட்பத்தைப் பயன்படுத்தப் போறாங்களாம். பிரபலமான டிப்ஸ்டர் 'Ice Universe' பகிர்ந்த தகவலின்படி, இந்த புதிய லென்ஸ் வடிவமைப்பு மற்றும் கோட்டிங் மூலமா லென்ஸ் பிளேயர் சிக்கலை பெருமளவு குறைக்க முடியும். இது கிட்டத்தட்ட ஐபோன் யூசர்களும் ஃபேஸ் பண்ற ஒரு பெரிய கம்ப்ளைன்ட், ஆனா சாம்சங் இப்போ இதுல ஒரு பெர்பெக்ட் சொல்யூஷனோட வரப்போறாங்க.

புது சாப்ட்வேர் அல்காரிதம்

இது மட்டும் இல்லாம, சாம்சங் கேமராவுல இருக்குற இன்னொரு சின்ன குறை என்னன்னா, சில நேரங்கள்ல போட்டோ எடுக்கும்போது மனுஷங்களோட ஸ்கின் டோன் (Skin Tone) லேசா மஞ்சள் கலந்த மாதிரி தெரியும். இதையும் சரி பண்றதுக்காக சாம்சங் இப்போ புது சாப்ட்வேர் அல்காரிதம் மற்றும் லென்ஸ் மேம்பாடுகளைச் செய்யப்போறாங்க. இதனால நீங்க எடுக்குற போர்ட்ரெயிட் ஷாட்ஸ் ரொம்ப நேச்சுரலா, அச்சு அசல் நேர்ல பாக்குற மாதிரியே இருக்கும்.

கேமரா ஸ்பெசிபிகேஷன்ஸை பொறுத்தவரை, 200MP மெயின் சென்சார் தான் இருக்கும்னாலும், அதோட அபெர்ச்சர் (Aperture) அளவை f/1.4-க்கு மாத்தப்போறாங்க. இதுக்கு முன்னாடி S25 அல்ட்ரா-வுல f/1.7 தான் இருந்துச்சு. அபெர்ச்சர் அளவு குறைய குறைய, லென்ஸ்க்குள்ள அதிக வெளிச்சம் போகும். இதனால நைட் டைம் போட்டோகிராபி இன்னும் பிரகாசமாகவும், நாய்ஸ் (Noise) இல்லாமலும் வரும்.

மத்தபடி இதுல 50MP அல்ட்ரா வைடு, 50MP பெரிஸ்கோப் டெலிஃபோட்டோ மற்றும் 12MP டெலிஃபோட்டோ லென்ஸ்கள் இருக்கும்னு சொல்லப்படுது. இது மட்டும் இல்லாம, வீடியோ எடுப்பவர்களுக்குப் பிடிச்சமான APV (Advanced Professional Video) கோடெக் வசதியும் இதுல வரப்போகுது. இதனால நீங்க எடுக்குற வீடியோக்களை எடிட் பண்ணும்போது தரம் குறையாம இருக்கும்.

இப்போதைக்கு இந்த போன் வரதுக்கு இன்னும் டைம் இருக்குன்னாலும், இந்த சின்ன சின்ன 'அயர்ன்' பண்ண வேண்டிய விஷயங்களைச் சாம்சங் கவனிச்சு சரி பண்றது கண்டிப்பா வரவேற்கத்தக்க விஷயம். ஏன்னா ஒரு லட்சத்துக்கு மேல காசு கொடுத்து போன் வாங்கும்போது, அதுல எந்த ஒரு சின்ன குறையும் இருக்கக்கூடாதுன்னு நாம நினைக்கிறது நியாயம்தானே? இந்த அப்டேட் பத்தி நீங்க என்ன நினைக்கிறீங்க? கீழ கமெண்ட்ல சொல்லுங்க.