சாம்சங் கேலக்ஸி எம்30எஸ்-ன் புதிய ஸ்டோரேஜ் வேரியண்ட் இன்று விற்பனைக்கு வருகிறது ! 

Samsung Galaxy M30s-ன் சமீபத்தில் அறிவிக்கப்பட்ட வேரியண்ட் இன்று விற்பனைக்கு வரும். இந்த புதிய வேரியண்ட் 4 ஜிபி ரேம் மற்றும் 128 ஜிபி ஸ்டோரேஜுடன் இந்த வார தொடக்கத்தில் அறிவிக்கப்பட்டது. 

Samsung Galaxy M30s விலை, விற்பனை சலுகைகள்: 

Samsung, Galaxy M30s -ன் சமீபத்திய 4 ஜிபி ரேம், 128 ஜிபி ஸ்டோரேஜ் வேரியண்டின் விலையை ரூ.14,999-யாக நிர்ணயித்தது. புதிய வேரியண்ட் Opal Black, Sapphire Blue மற்றும் Quartz Green கலர் ஆப்ஷன்களைக் கொண்டிருக்கும். சாம்சங், இந்த போனின் அடிப்படை 4 ஜிபி ரேம், 64 ஜிபி ஸ்டோரேஜ் வேரியண்ட்டின் விலையை ரூ.12,999-யாகவும், 6 ஜிபி ரேம் மற்றும் 128 ஜிபி ஸ்டோரேஜ் கொண்ட டாப்-எண்ட் வேரியண்டின் விலை இப்போது ரூ.15,999-யாகவும் குறைத்துள்ளது.

சாம்சங் 4 ஜிபி ரேம் / 128 ஜிபி ஸ்டோரேஜ் வேரியண்ட்டை அமேசான் மற்றும் அதன் அதிகாரப்பூர்வ இணையதளத்தில் விற்பனைக்கு வைக்கும். ஒரு அறிமுக சலுகையாக, HDB நிதி சேவைகளுடன் 5 சதவீத கேஷ்பேக்கைப் பெறலாம்.

Samsung Galaxy M30s விவரக்குறிப்புகள்:

Samsung Galaxy M30s எக்ஸினோஸ் 9611 SoC-யால் இயக்கப்படுகிறது, இப்போது தேர்வு செய்ய மூன்று வேரியண்டுகள் உள்ளன. இது 6,000 எம்ஏஎச் பேட்டரியைக் கொண்டுள்ளது. இது 15W ஃபாஸ்ட் சார்ஜருடன் தொகுக்கப்பட்டுள்ளது.

Samsung Galaxy M30s-ல் 6.4 இன்ச் அமோலேட் டிஸ்ப்ளே முழு எச்.டி + ரெசல்யூஷன் மற்றும் முன்பக்கத்தில் வாட்டர் டிராப் நாட்ச் உள்ளது. சாம்சங், Galaxy M30s-ஐ ஒன்யூஐ உடன் Android 9 Pie-ல் இயக்குகிறது. இது 48 மெகாபிக்சல் முதன்மை கேமரா, 8 மெகாபிக்சல் அல்ட்ரா-வைட் ஆங்கிள் கேமரா மற்றும் 5 மெகாபிக்சல் டெப்த் சென்சார் ஆகியவற்றுடன் டிரிபிள் கேமரா அமைப்பைக் கொண்டுள்ளது.