Samsung Galaxy M30s புதிய ஸ்டோரேஜ் வேரியண்டில் அறிமுகம்! 

Samsung Galaxy M30s கொரிய எலக்ட்ரானிக்ஸ் நிறுவனத்தின் மிகவும் வெற்றிகரமான பட்ஜெட் ஸ்மார்ட்போன்களில் ஒன்றாகும். நிறுவனம் இப்போது Samsung Galaxy M30s-ன் புதிய வேரியண்டை அறிமுகப்படுத்தியுள்ளது. இந்த சாதனம் இப்போது 4 ஜிபி ரேம், 128 ஜிபி ஸ்டோரேஜ் வேரியண்ட்டில் கிடைக்கும்.

Samsung Galaxy M30s விலை:

Galaxy M30s-ன் சமீபத்திய 4 ஜிபி ரேம், 128 ஜிபி ஸ்டோரேஜ் வேரியண்ட்டின் விலை ரூ.14,999-யாக உள்ளது. இது Opal Black, Sapphire Blue மற்றும் Quartz Green ஆகிய மூன்று வண்ணங்களில் கிடைக்கும். இந்நிறுவனம் முன்பு Galaxy M30s-ன் அடிப்படை 4 ஜிபி ரேம், 64 ஜிபி ஸ்டோரேஜ் வேரியண்ட்டின் விலையை ரூ.12,999-யாகவும் அதன் 6 ஜிபி ரேம் மற்றும் 128 ஜிபி ஸ்டோரேஜ் கொண்ட டாப்-எண்ட் வேரியண்டின் விலையை ரூ.14,999-யாக குறைத்தது. சாம்சங் டாப்-எண்ட் வேரியண்ட்டின் விலையை தற்போது அதிகாரப்பூர்வ இணையதளத்தில் ரூ.15,999-யாக பட்டியலிட்டுள்ளது.

Samsung, 4 ஜிபி ரேம் / 128 ஜிபி ஸ்டோரேஜ் வேரியண்ட்டை மார்ச் 14 முதல் அமேசான் மற்றும் அதன் அதிகாரப்பூர்வ இணையதளத்தில் விற்பனைக்கு வைக்கும். ஒரு அறிமுக சலுகையாக, HDB நிதி சேவைகளுடன் 5 சதவீத கேஷ்பேக்கைப் பெறலாம்.

Samsung Galaxy M30s விவரக்குறிப்புகள்:

Samsung Galaxy M30s எக்ஸினோஸ் 9611 SoC-யால் இயக்கப்படுகிறது மற்றும் 6,000 எம்ஏஎச் பேட்டரியைக் கொண்டுள்ளது. சார்ஜிங் நேரத்தை குறைக்க15W சார்ஜரையும் தொகுக்கிறது.

Samsung Galaxy M30s, 6.4 இன்ச் அமோலேட் டிஸ்பிளே முழு எச்.டி + ரெசல்யூஷனுடன் மற்றும் முன்பக்கத்தில் வாட்டர் டிராப் நாட்சைக் கொண்டுள்ளது. இது 48 மெகாபிக்சல் முதன்மை கேமரா, 8 மெகாபிக்சல் அல்ட்ரா-வைட் ஆங்கிள் கேமரா மற்றும் 5 மெகாபிக்சல் டெப்த் சென்சார் ஆகியவற்றுடன் டிரிபிள் கேமரா அமைப்பைக் கொண்டுள்ளது.