இந்தியாவில் வரவிருக்கும் கேலக்ஸி Z ஃபோல்டபிள்ஸ் சாதனங்களுக்கு முன்பதிவு தொடங்குகிறது சாம்சங்

இந்த மாத இறுதியில் சாம்சங் கேலக்ஸி அன்பேக்ட் 2026 (Samsung Galaxy Unpacked 2026) நிகழ்வு நடைபெற உள்ளது. அரையாண்டு ஹார்டுவேர் வெளியீட்டு நிகழ்வுக்கு முன்னதாக, தென்கொரிய தொழில்நுட்ப நிறுவனமான சாம்சங், இந்தியாவில் தனது அடுத்த தலைமுறை கேலக்ஸி மடிக்கக்கூடிய ஸ்மார்ட்போன்கள் மற்றும் ஸ்மார்ட்வாட்ச்களுக்கான முன்பதிவுகளைத் தொடங்கியுள்ளது. நிறுவனம் கைபேசிகளின் பெயர்களை நேரடியாகக் குறிப்பிடவில்லை என்றாலும், கேலக்ஸி இசட் ஃபோல்ட் 8 அல்ட்ரா (Galaxy Z Fold 8 Ultra), கேலக்ஸி இசட் ஃபோல்ட் 8 (Galaxy Z Fold 8) மற்றும் கேலக்ஸி இசட் ஃபிளிப் 8 (Galaxy Z Flip 8) ஆகியவை அறிவிக்கப்படலாம் என்று வதந்திகள் தெரிவிக்கின்றன. கூடுதலாக, கேலக்ஸி வாட்ச் அல்ட்ரா 2 (Galaxy Watch Ultra 2) மற்றும் கேலக்ஸி வாட்ச் 9 (Galaxy Watch 9) சீரிஸ் சாதனங்களும் இந்த நிகழ்வில் அறிமுகமாகும் என்று எதிர்பார்க்கப்படுகிறது.

முன்பதிவு மற்றும் சலுகைகள் விவரங்கள்

சாம்சங்கின் கூற்றுப்படி, இந்தியாவில் உள்ள ஆர்வமுள்ள வாடிக்கையாளர்கள் சாம்சங் இந்தியா இணையதளத்தில் ரூ. 999 திரும்பப் பெறக்கூடிய டோக்கன் தொகையைச் செலுத்தி முன்பதிவுப் பலன்களைப் பெற்றுக்கொள்ளலாம். தகுதியான கேலக்ஸி சாதனத்தை முன்கூட்டியே முன்பதிவு செய்பவர்களுக்கு ரூ. 2,799 மதிப்பிலான வவுச்சர் வழங்கப்படும், இதைத் தொடக்க விழாவிற்குப் பிறகு இறுதி ப்ரீ-ஆர்டரின் போது பயன்படுத்தி கொள்ளலாம்.

இந்தச் சாதனங்களை முன்கூட்டியே முன்பதிவு செய்யும் வாடிக்கையாளர்கள் புதிய ஸ்மார்ட்போன்கள் அல்லது ஸ்மார்ட்வாட்ச்களை வாங்கும் போது மிக உயர்ந்த எக்ஸ்சேஞ்ச் மதிப்பிதப்பைப் பெறவும் தகுதியுடையவர்கள் என்று நிறுவனம் தெரிவித்துள்ளது.கேலக்ஸி அன்பேக்டுக்கு முன்பு, ஆர்வமுள்ள வாடிக்கையாளர்கள் வரவிருக்கும் சாதனங்கள் பற்றிய அறிவிப்புகளைப் பெற பதிவு செய்யலாம். பதிவு செய்தவுடன், எந்தவொரு சாம்சங் தயாரிப்பையும் வாங்குவதற்குப் பயன்படுத்தக்கூடிய ரூ. 5,000 மதிப்பிலான சாம்சங் வவுச்சரைப் பெறும் வாய்ப்பைப் பெறுவார்கள். பயனர்கள் கீநோட்டுக்கு முன்னதாக அறிவிப்புகள், டீசர்கள், டிரெய்லர்கள் மற்றும் வெளியீட்டுச் சலுகைகளைப் பெறவும் பதிவு செய்யலாம்.

ஜூலை 22-ல் சாம்சங் கேலக்ஸி அன்பேக்ட் 2026 நிகழ்வு

சாம்சங் கேலக்ஸி அன்பேக்ட் ஜூலை 2026 நிகழ்வு புதன்கிழமை, ஜூலை 22 அன்று நடைபெற உள்ளது. இதன் தொடக்க உரை பி.எஸ்.டி நேரம் பிற்பகல் 2 மணிக்கு (இந்திய நேரம் மாலை 6:30 மணிக்கு) தொடங்கும். இது இங்கிலாந்தின் லண்டனில் நடைபெறவுள்ளது, அங்கு இந்நிறுவனம் "கேலக்ஸி போர்ட்ஃபோலியோவின் புதிய சேர்த்திகளை" அறிமுகப்படுத்தும்.இந்தத் தொழில்நுட்ப ஜாம்பவான் தனது கேலக்ஸி அன்பேக்ட் நிகழ்வில் கேலக்ஸி இசட் ஃபோல்ட் 8 அல்ட்ரா, கேலக்ஸி இசட் ஃபோல்ட் 8 மற்றும் கேலக்ஸி இசட் ஃபிளிப் 8 ஆகியவற்றை வெளியிடும் என்று எதிர்பார்க்கப்படுகிறது. கேலக்ஸி அன்பேக்ட் நிகழ்வு சாம்சங்கின் அதிகாரப்பூர்வ இணையதளம், சாம்சங் நியூஸ்ரூம் மற்றும் யூடியூப் சேனல் மூலம் உலகளவில் நேரலையாக ஒளிபரப்பப்படும்.