4 பின்புற கேமரா Redmi Note 8, Redmi Note 8 Pro ஸ்மார்ட்போன்கள் அறிமுகம்!

Redmi Note 8 தொடர் ஸ்மார்ட்போன்கள் அதிகாரப்பூர்வமாக அறிமுகமானது. பல தகவல் கசிவுகளை தொடர்ந்து சீனாவின் பெய்ஜிங் நகரில் இந்த ஸ்மார்ட்போன்கள் அதிகாரப்பூர்வமாக அறிமுகப்படுத்தப்பட்டது. Redmi Note 8 தொடரில் இரண்டு ஸ்மார்ட்போன்கள் அறிமுகமாகியுள்ளது - Redmi Note 8 மற்றும் Redmi Note 8 Pro. எப்படி ரெட்மி நோட் 7 தொடரில் மேலும் ஸ்மார்ட்போன்களை இணைத்ததோ, சியோமி நிறுவனம் வரும் காலங்களில் அதேமாதிரி ரெட்மி நொட் 8 தொடரிலும் புதிய வகைகளை அறிமுகப்படுத்தலாம். இந்த இரண்டு ஸ்மார்ட்போன்களை தவிர்த்து, சியோமி நிறுவனம், ரெட்மி நிறுவனத்தின் பெயரிலான முதல் Redmi TV மற்றும் புதுப்பிக்கப்பட்ட RedmiBook 14 லேப்டாப் ஆகியவற்றையும் அறிமுகப்படுத்தியுள்ளது.

Redmi Note 8, Redmi Note 8 Pro விலை!

Redmi Note 8 ஸ்மார்ட்போனின் 4GB RAM + 64GB சேமிப்பு வகை 999 யுவான்கள் (சுமார் 10,000 ரூபாய்) என்ற விலையில் அறிமுகமாகியுள்ளது. 6GB + 64GB மற்றும் 6GB + 128GB என மேலும் இரண்டு வகைகளில் அறிமுகமாகியுள்ள இந்த ஸ்மார்ட்போன் 1,199 யுவான்கள் (12,000 ரூபாய்) மற்றும் 1,399 யுவான்கள் (14,000 ரூபாய்) என்ற விலைகளில் அறிமுகமாகியுள்ளது. இந்த ஸ்மார்ட்போன் நீலம் (Dream Blue), கருப்பு (Meteorite Black), மற்றும் வெள்ளை (White) என மூன்று நிறங்களில் அறிமுகமாகியுள்ளது. மேலும், இந்த ஸ்மார்ட்போன் செப்டம்பர் 17-ல் முதல் விற்பனையை சந்திக்கவுள்ளது. 

Redmi Note 8 Pro ஸ்மார்ட்போனை பொருத்தவரை 6GB RAM + 64GB சேமிப்பை கொண்ட அடிப்படை வகை 1,399 யுவான்கள் (சுமார் 14,000 ரூபாய்) என்ற விலையில் அறிமுகமாகியுள்ளது. 6GB + 128GB மற்றும் 8GB + 128GB என மேலும் இரண்டு வகைகளில் அறிமுகமாகியுள்ள இந்த ஸ்மார்ட்போன் 1,599 யுவான்கள் (16,000 ரூபாய்) மற்றும் 1,799 யுவான்கள் (18,000 ரூபாய்) என்ற விலைகளில் அறிமுகமாகியுள்ளது. இந்த ஸ்மார்ட்போன் வெள்ளை (Pearl White), மரகதம் (Ice Emerald), மற்றும் சாம்பல் (Electric Light Grey) என மூன்று நிறங்களில் அறிமுகமாகியுள்ளது. மேலும், இந்த ஸ்மார்ட்போன் செப்டம்பர் 3-ல் முதல் விற்பனையை சந்திக்கவுள்ளது. 

இதுமட்டுமின்றி Redmi Note 8 Pro ஸ்மார்ட்போன் வோர்ல்ட் ஆப் வார்கிராப்ட் லிமிடெட் எடிசன் வகையும் அறிமுகமாகியுள்ளது. இந்த லிமிடெட் எடிசன் ஸ்மார்ட்போன் பல சிறப்பு அம்சங்களுடன் அறிமுகமாகியுள்ளது.

Redmi Note 8, Redmi Note 8 Pro சிறப்பம்சங்கள்!

இரண்டு நானோ சிம் வசதி கொண்ட Redmi Note 8, ஆண்ட்ராய்ட் 9 பை அமைப்பை அடிப்படையாக கொண்டு MIUI 10 மூலம் இயங்குகிறது. இந்த ஸ்மார்ட்போன் Redmi K20-ஐ போன்றே 6.39-இந்க் FHD+ (1080x2340 பிக்சல்கள்) திரை, 90 சதவிகித திரை-உடல் விகிதம் மற்றும் 19.5:9 திரை விகிதம் ஆகிய திரை அம்சங்களை கொண்டுள்ளது. இந்த ஸ்மார்ட்போனின் முன் மற்றும் பின் என இரண்டு புறங்களிலும் கொரில்லா கிளாஸ் 5 பாதுகாப்பு வழங்கப்பட்டுள்ளது. மேலும், முன்புறத்தில் வாட்டர்-ட்ராப் நாட்ச் திரையை கொண்டுள்ளது. இந்த ஸ்மார்ட்போன் குவால்காம் ஸ்னேப்டிராகன் 665 SoC பிராசஸரை கொண்டுள்ளது. 

கேமராக்களை பொருத்தவரை Redmi Note 8 ஸ்மார்ட்போன் நான்கு பின்புற கேமரா அமைப்பை கொண்டுள்ளது. 48 மெகாபிக்சல் அளவிலான முதன்மை கேமரா, 8 மெகாபிக்சல் அளவிலான வைட்-ஆங்கிள் கேமரா, மற்றும் இரண்டு 2 மெகாபிக்சல் கேமரா என நான்கு கேமராக்களை கொண்டுள்ளது. முன்புறத்தில் 13 மெகாபிக்சல் செல்பி கேமராவை கொண்டுள்ளது.

Redmi Note 8 ஸ்மார்ட்போன் 4,000mAh பேட்டரி மற்றும் 18W விரைவு சார்ஜர், டைப்-C சார்ஜர், 3.5mm ஆடியோ ஜாக் ஆகிய தொடர்பு வசதிகளை கொண்டுள்ளது. 

Redmi Note 8 Pro ஸ்மார்ட்போனும் இரண்டு நானோ சிம் வசதி கொண்டு, ஆண்ட்ராய்ட் 9 பை அமைப்பை அடிப்படையாக கொண்டு MIUI 10 மூலம் இயங்குகிறது. இந்த ஸ்மார்ட்போன் Redmi K20-ஐ போன்றே 6.53-இந்க் FHD+ (1080x2340 பிக்சல்கள்) திரை, 90 சதவிகித திரை-உடல் விகிதம் மற்றும் 19.5:9 திரை விகிதம் ஆகிய திரை அம்சங்களை கொண்டுள்ளது. இந்த ஸ்மார்ட்போனின் முன் மற்றும் பின் என இரண்டு புறங்களிலும் கொரில்லா கிளாஸ் 5 பாதுகாப்பு வழங்கப்பட்டுள்ளது. மேலும், முன்புறத்தில் வாட்டர்-ட்ராப் நாட்ச் திரையை கொண்டுள்ளது. இந்த ஸ்மார்ட்போன் மீடியாடெக் ஹீலியோ G90T SoC ப்ராசஸரை கொண்டு இயங்குகிறது. இது மட்டுமின்றி கேமிங் அனுபவத்தை கணக்கில் கொண்டு, இந்த ஸ்மார்ட்போனில் கேம் டர்போ 2.0 மோட் (Game Turbo 2.0 mode) வசதி சேர்க்கப்பட்டுள்ளது.

கேமராக்களை பொருத்தவரை Redmi Note 8 Pro ஸ்மார்ட்போன் நான்கு பின்புற கேமரா அமைப்பை கொண்டுள்ளது. 64 மெகாபிக்சல் அளவிலான முதன்மை கேமராவை இந்த ஸ்மார்ட்போன் கொண்டுள்ளது. மற்றபடி Redmi Note 8 ஸ்மார்ட்போனை போன்றே 8 மெகாபிக்சல் அளவிலான வைட்-ஆங்கிள் கேமரா, மற்றும் இரண்டு 2 மெகாபிக்சல் கேமரா என மிதமுள்ள மூன்று கேமராக்கள் அமைந்துள்ளது. முன்புறத்தில் 20 மெகாபிக்சல் செல்பி கேமராவை கொண்டுள்ளது.

Redmi Note 8 ஸ்மார்ட்போன் 4,500mAh பேட்டரி மற்றும் 18W விரைவு சார்ஜர், டைப்-C சார்ஜர், 3.5mm ஆடியோ ஜாக் ஆகிய தொடர்பு வசதிகளை கொண்டுள்ளது.