இந்தியாவில் ரெட்மி 8, ரெட்மி நோட் 8, ரெட்மி 8A டுயல் போன்களின் விலை திடீர் உயர்வு!

இந்தியாவில் ரெட்மி 8, ரெட்மி நோட் 8, ரெட்மி 8A டுயல் போன்களின் விலை மீண்டும் உயர்ந்துள்ளது. இந்த மூன்று போன்களின் விலையையும் ரூ.500 வரை உயர்த்தி சியோமி நிறுவனம் அறிவித்துள்ளது. இந்த புதிய விலை உயர்வானது, அனைத்து இ-வணிக வலைதங்களிலும், எம்.ஐ வலைதளத்திலும் நடைமுறை படுத்தப்பட்டுள்ளது. மத்திய அரசு ஸ்மார்ட்போன்களுக்கான ஜிஎஸ்டியை 12 சதவீதத்தில் இருந்து 18 சதவீதமாக உயர்த்தியை தொடர்ந்து, இந்த விலை உயர்வை சீன தயாரிப்பு நிறுவனமான சியோமி அமல்படுத்தியுள்ளது. 

ரெட்மி நோட் 8 4GB RAM + 64GB ஸ்டோரேஜ் மாடலின் விலை ரூ.11,999ஆகும்,  6GB RAM + 128GB ஸ்டோரேஜ் கொண்ட மாடலின் விலை ரூ.14,499 ஆகும். கடைசியாக இந்த இரண்டு வேரியண்ட்களும் ரூ.11,499 மற்றும் ரூ.13,999 ஆக இருந்தது. இந்த போன்கள் கடந்த வருடத்தில் அறிமுகமாகும் போது, ரூ.9,999ஆக இருந்த நிலையில் தற்போது, ரூ.2000 அளவில் விலை உயர்ந்துள்ளது. இந்த விலையேற்றமானது அமேசான் இந்தியா மற்றும் எம்.ஐ வலைதளத்திலும் அமலாகியுள்ளது. 

இதேபோல், இந்தியாவில் ரெட்மி நோட் 8 போனின் விலையும் ரூ.200 அதிகரித்துள்ளது. அதன் புதிய விலையானது 4GB RAM + 64GB ஸ்டோரேஜ் மாடலின் விலை ரூ.9,499 ஆக உள்ளது. இந்த போனும் கடந்த வருடத்தில் தான் அறிமுகமானது. அப்போது, அதன் விலை, ரூ.7,999 ஆக இருந்த நிலையில் தற்போது ரூ.1,500 வரை விலை உயர்ந்துள்ளது. 

இதேபோல், ரெட்மி 8A டுயல் போன் தற்போது ரூ.200 அதிகரித்துள்ளது. அதன்படி 2GB RAM + 32GB ஸ்டோரேஜ் மாடலின் விலை ரூ.7,499 ஆக உள்ளது. 3GB RAM + 32GB ஸ்டோரேஜ் மாடலின் விலை ரூ.7,999ஆக உள்ளது. இந்த போன் அறிமுகமான போது, ரூ.6,499 ஆக இருந்த நிலையில், தற்போது ரூ.1,000 வரை விலை உயர்ந்துள்ளது.

இதுதொடர்பாக சியோமி நிறுவனத்திடம் இருந்து எந்தவொரு அதிகாரப்பூர்வ அறிவிப்பும் வெளியாகவில்லை. எனினும், இந்த விலை உயர்வானது அனைத்து ஆன்லைன் இ-வணிக வலைதளங்களிலும் அமலாகியுள்ளது. இதுதொடர்பாக நிறுவனத்தை தொடர்பு கொண்டு அதுதொடர்பான தகவலையும் நாங்கள் விரைவில் பதிவு செய்கிறோம்.

Redmi Note 8 or Realme 5s: Which is the best phone under Rs. 10,000 in India right now? We discussed this on Orbital, our weekly technology podcast, which you can subscribe to via Apple Podcasts or RSS, download the episode, or just hit the play button below.