டிசம்பர் 10-ல் வெளியாகும் Redmi K30 Series! விவரங்கள் உள்ளே....

Redmi K30 சீரிஸ் டிசம்பர் 10-ஆம் தேதி அதிகாரப்பூர்வமாக தொடங்கப்பட உள்ளது என்று ரெட்மி பொது மேலாளர் லு வெய்பிங் (Lu Weibing) வெய்போவில் வெளியிட்ட பதிவின் மூலம் அறிவித்தார். புதிய சீரிஸில் Redmi K30 மற்றும் Redmi K30 Pro ஆகியவை அடங்கும் என்று எதிர்பார்க்கப்படுகிறது. ஜியோமி பிராண்ட் ரெட்மி இந்த ஆண்டின் தொடக்கத்தில் Redmi K20 மற்றும் Redmi K20 Pro-வை அதன் முதல் ரெட்மி K-சீரிஸ் ஸ்மார்ட்போன்களாக கொண்டு வந்தது. Redmi K30 அதன் முறையான அறிமுகத்திற்குப் பிறகு விரைவில் சீனாவில் விற்பனைக்கு வரும் என்று எதிர்பார்க்கப்பட்டாலும், Redmi K30 Pro அடுத்த ஆண்டு எப்போதாவது விற்பனைக்கு வரும் என்று வதந்தி பரவியுள்ளது.

வெய்பிங்கின் வெயிபோ பதிவின் படி, Redmi K30 சீரிஸ் 5G ஆதரவுடன் வரும் - standalone (SA) மற்றும் non-standalone (NSA) 5G நெட்வொர்க்குகளுக்கான வன்பொருள் அடங்கும். ஜியோமி வழங்கும் புதிய ஸ்மார்ட்போன் தொடரும் Samsung Galaxy S10 மாடல்களைப் போலவே hole-punch டிஸ்ப்ளே வடிவமைப்புடன் வரும் என்று எதிர்பார்க்கப்படுகிறது.

Redmi K30 series வெளியீட்டு தேதி Weibo பதிவு மூலம் அறிவிக்கப்பட்டுள்ளது
Photo Credit: Weibo/ Lu Weibing

கடந்த வாரம், ஜியோமி தலைமை நிர்வாக அதிகாரி Lei Jun சீனாவில் Redmi K30 அறிமுகத்தை கிண்டல் செய்தார். Xiaomi டெவலப்பர்கள் மாநாட்டில் அதன் தாமதத்தின் செய்தி இணையத்தில் வெளிவந்த சில நாட்களில், 5G போனை அறிமுகப்படுத்தியதை நிர்வாகி சிறப்பித்ததாக கூறப்படுகிறது.

Redmi K30 மற்றும் Redmi K30 Pro இரண்டும் டிசம்பர் 10-ஆம் தேதி தொடங்கப்படும் என்று எதிர்பார்க்கப்படுகிறது. ஏனெனில், வெய்பிங்கின் வெய்போ பதிவு "சீரிஸ்" என்ற வார்த்தையை குறிப்பிட்டுள்ளது. இருப்பினும், Redmi K30 சீனாவுக்கு வந்தவுடன் விற்பனைக்கு வரும் என்று எதிர்பார்க்கப்படுகிறது, அதேசமயம் Redmi K30 Pro கிடைப்பதில் சிறிது தாமதம் ஏற்படக்கூடும். குறிப்பாக சமீபத்திய வதந்திகளை நம்பினால்.

நினைவுகூர, ஜியோமி இந்த ஆண்டு மே மாதம் சீனாவில் Redmi K20 மற்றும் Redmi K20 Proவை அறிமுகப்படுத்தியது. இரண்டு போன்களும் ஜூலை மாதம் இந்தியாவுக்கு வந்தன.

Redmi K30, Redmi K30 Pro-வின் விவரக்குறிப்புகள் (வதந்தியானவை):

Redmi K30 மற்றும் Redmi K30 Pro, Android 10 உடன் MIUI 11-ல் இயங்கும் என்று எதிர்பார்க்கப்படுகிறது. Redmi K30, 30W ஃபாஸ்ட் சார்ஜிங் ஆதரவுடன் சீனாவின் 3C சான்றிதழைப் பெற்றதாகக் கூறப்படுகிறது. மேலும், இந்த போன் pixel density of 395ppi மற்றும் 120Hz refresh rate உடன் 6.66-inch full-HD+ (1080x2400 pixels) டிஸ்பிளேவுடன் வரும் என்று அதன் கசிந்த சில படங்கள் தெரிவிக்கின்றன. ஒரு புதிய Qualcomm Snapdragon 7xx series SoC-யும் இருக்கக்கூடும். இருப்பினும், 5G-supported MediaTek பிராசசரை ஜியோமி வழங்கும் என்று சமீபத்திய வதந்தி கூறியது. மறுகையில் Redmi K30 Pro-வானது Qualcomm-ன் அடுத்த தலைமுறை Snapdragon 865 SoC-யை உள்ளடக்கும்.