Redmi K100 அறிமுகத்திற்கு முன் K110-க்கு பதிலாக K200 சீரிஸ் வரக்கூடும்: Redmi அதிகாரி தகவல்

சீனாவில் Redmi K100 சீரிஸ் ஸ்மார்ட்போன்கள் ஆகஸ்ட் 11 அன்று அதிகாரப்பூர்வமாக அறிமுகமாகவுள்ளன. இதன் அதிகாரப்பூர்வ வெளியீட்டிற்காக தொழில்நுட்ப உலகம் காத்திருக்கும் வேளையில், அடுத்த தலைமுறை K சீரிஸ் ஸ்மார்ட்போன்கள் பற்றிய சுவாரஸ்யமான தகவல்கள் இணையத்தில் பரவத் தொடங்கியுள்ளன. Redmi அதிகாரியின் சமீபத்திய கருத்து ஒன்று, K100 சீரிஸுக்கு அடுத்தபடியாக வரவிருக்கும் போன்களின் பெயர் மாற்றம் குறித்த முக்கிய குறிப்பை வழங்கியுள்ளது.

K200 சீரிஸ் பெயர் மாற்றம் குறித்த பின்னணி

Redmi K100 சீரிஸ் அறிமுகத்திற்கு முன்பாக, Weibo சமூக வலைதளத்தில் பயனர்கள் பலர் நிறுவனம் தனது அடுத்த தலைமுறை போன்களுக்கு 'Redmi K110' என்ற பெயரைப் பயன்படுத்தாமல் 'Redmi K200' என்ற பெயரைப் பயன்படுத்தலாம் என கருத்து தெரிவித்தனர். இதற்கு பதிலளித்த Redmi தயாரிப்பு மேலாளர் Mia Xinxin, "K110 என்ற பெயர் கேட்கவே சற்று விசித்திரமாக இருக்கிறது" என்று குறிப்பிட்டார். வழக்கமாக ஸ்மார்ட்போன் நிறுவனங்கள் '100' போன்ற மைல்கல் எண்களை எட்டிய பிறகு, சிறிய எண்களைத் தவிர்த்துவிட்டு பெரிய வரிசை எண்களைப் பயன்படுத்துவது வழக்கம். அதனடிப்படையில் Redmi-யின் அடுத்த ஃபிளாக்ஷிப் தொடர் K200 என்ற பெயரிலேயே வர வாய்ப்புள்ளது.

அறிமுக உத்தி மற்றும் K100 மாடல்கள்

இந்த முறை Redmi நிறுவனம் ஒரு புதிய அறிமுக உத்தியைக் கையாண்டுள்ளது. முதற்கட்டமாக Redmi K100 Pro மற்றும் Redmi K100 Pro Max ஆகிய உயர்தர மாடல்கள் மட்டுமே முதலில் அறிமுகப்படுத்தப்படும். K100 தொடரின் அனைத்து போன்களிலும் சக்திவாய்ந்த ஸ்னாப்டிராகன் பிராசசர்கள் பயன்படுத்தப்படுவது உறுதி செய்யப்பட்டுள்ளது.

Redmi K100 Pro சிறப்பம்சங்கள்

Redmi K100 Pro மாடலானது 8,580mAh சிலிகான்-கார்பன் பேட்டரியைக் கொண்டிருக்கும். இது 100W வயர்டு ஃபாஸ்ட் சார்ஜிங், 50W வயர்லெஸ் சார்ஜிங் மற்றும் 27W ரிவர்ஸ் சார்ஜிங் வசதிகளை ஆதரிக்கும். இதில் 200 மெகாபிக்சல் முதன்மை கேமரா, 1.5K ரெசல்யூஷன் கொண்ட 6.59 இன்ச் OLED திரை, 4,500 nits உச்ச பிரகாசம் மற்றும் 4,800Hz இன்ஸ்டன்ட் டச் சாம்ப்ளிங் ரேட் ஆகியவை இடம்பெற்றுள்ளன. இந்த போன் ஸ்னாப்டிராகன் 8 எலைட் ஜென் 5 V சீரிஸ் பிராசசரில் இயங்கும். தூாசி மற்றும் நீர்ப்பாதுகாப்பிற்காக IP68 ரேட்டிங் பாதுகாப்புடன், திரைக்கு அடியில் இயங்கும் 3D அல்ட்ராசோனிக் கைரேகை சென்சாரையும் இது கொண்டிருக்கும்.

Redmi K100 Pro Max சிறப்பம்சங்கள்

இந்தத் தொடரின் உச்சகட்ட மாடலான K100 Pro Max, ஆக்டா-கோர் ஸ்னாப்டிராகன் 8 எலைட் ஜென் 5 பிராசசர் மற்றும் பிரம்மாண்டமான 9,070mAh பேட்டரியுடன் களம் இறங்குகிறது. மிகச்சிறந்த பேட்டரி பேக்அப் மற்றும் கேமிங் செயல்திறனை எதிர்பார்க்கும் பயனர்களுக்கு இந்த மாடல் சிறந்த தேர்வாக அமையும்.