புதிய வண்ணத்தில் 'ரெட்மீ K20 Pro', என்ன நிறம், எப்போது விற்பனை?

ரெட்மீ K20 Pro ஸ்மார்ட்போன் 'சம்மர் ஹனி வொய்ட்' (Summer Honey White) என்ற புதிய வண்ணத்தில் அறிமுகமாகியுள்ளது. சீனாவில் அறிமுகமாகியுள்ள இந்த புதிய வண்ணத்திலான ஸ்மார்ட்போன், நாளை அதாவது ஆகஸ்ட் 1 அன்று விற்பனைக்கு வரவுள்ளது. முன்னதாக இந்த ஸ்மார்ட்போன் நீலம் (Glacier Blue), சிவப்பு (Flame Red), மற்றும் கருப்பு (Carbon Fiber Black) என மூன்று வண்ணங்களில் சீனாவில் அறிமுகமாகியிருந்தது. வண்ணத்தில் மற்றுமே மாற்றத்தை கொண்டுள்ள இந்த புதிய ஸ்மார்ட்போன், முன்னதாக அறிமுகமான ரெட்மீ K20 Pro போன்றே, மூன்று பின்புற கேமரா, பாப்-அப் செல்பி கேமரா, ஸ்னேப்ட்ராகன் 855 எஸ் ஓ சி ப்ராசஸர், 4000mAh பேட்டரி என்ற அம்சங்களை கொண்டுள்ளது.

ரெட்மீ K20 Pro 'சம்மர் ஹனி வொய்ட்' விலை

நான்கு வகைகளில் சீனாவில் அறிமுகமாகியுள்ள ரெட்மீ K20 Pro ஸ்மார்ட்போனில்,  6GB RAM + 64GB சேமிப்பு அளவில் வெளியாகும் வகையின் விலை, 2,499 யுவான்கள் (25,200 ரூபாய்). 6GB RAM + 128GB சேமிப்பு அளவு, 8GB RAM + 128GB சேமிப்பு அளவு மற்றும் 8GB RAM + 256GB சேமிப்பு அளவு என மேலும் மூன்று வகைகளில் வெளியாகியுள்ள இந்த ஸ்மார்ட்போன், அதன் விலைகளை 2,599 யுவான்கள்(26,200 ரூபாய்), 2,799 யுவான்கள் (28,200 ரூபாய்) மற்றும் 2,999 யுவான்கள் (30,200 ரூபாய்) என கொண்டுள்ளது.

இந்த வகைகளில், 6GB RAM + 64GB சேமிப்பு அளவு வகை மட்டுமே இந்த 'சம்மர் ஹனி வொய்ட்' வண்ணத்தில் அறிமுகப்படுத்தப்பட்டுள்ளது. விலையிலும் எந்த மாற்றமும் இன்றி 2,499 யுவான்கள் (25,200 ரூபாய்) என்ற விலையிலேயே விற்பனையாகவுள்ளது.

இந்த புதிய வண்ண ஸ்மார்ட்போன், Mi CC9 வொய்ட் லவ்வர் ஸ்மார்ட்போன் போன்றே தோற்றமளிக்கிறது.

முன்னதாக சீனாவில், ரெட்மீ K20 Pro நீலம் (Glacier Blue), சிவப்பு (Flame Red), மற்றும் கருப்பு (Carbon Fiber Black) என மூன்று வண்ணங்களில் வெளியாகியுள்ளது. 

ரெட்மீ K20 Pro: சிறப்பம்சங்கள்!

இரண்டு நானோ சிம் வசதி கொண்ட இந்த ரெட்மீ K20 Pro ஸ்மார்ட்போன் அண்ட்ராய்ட் 9 பை அமைப்பு கொண்டுள்ளது. 6.39 இன்ச் FHD+ திரை(1080x2340 பிக்சல்கள்), 19.5:9 திரை விகிதம், 91.9 சதவிகித திரை-உடல் விகிதம் என அட்டகாசமான திரை அம்சங்களை கொண்டுள்ள இந்த ஸ்மார்ட்போனில் இன்-டிஸ்ப்லே ஃபிங்கர்பிரிண்ட் சென்சார் பொருத்தப்பட்டுள்ளது. இந்த ஸ்மார்ட்போனில் ஸ்னேப்ட்ராகன் 855 எஸ் ஓ சி ப்ராசஸர் பொருத்தப்பட்டுள்ளது.

48 மெகாபிக்சல் அளவிலான முதன்மை கேமரா கொண்டுள்ள இந்த ரெட்மீ K20 Pro மொத்தம் 3 பின்புற கேமராக்களை கொண்டுள்ளது, மற்ற இரு கேமராக்கள் 13 மெகா பிக்சல் வைட்-ஆங்கிள் கேமரா மற்றும் 8 மெகாபிக்சல் அளவிலான மற்றொரு கேமரா. இதன் முன்புற கேமரா, 20 மெகாபிக்சல் அளவிலான பாப்-அப் கேமரா என்பது குறிப்பிடத்தக்கது.

2 நாட்கள் பேட்டரி பேக்-அப் என்ற உறுதியை அளித்துள்ள சியோமி நிறுவனம், இந்த ஸ்மார்ட்பொனில் 4000mAh பேட்டரியை பொருத்தியுள்ளது எனவும் கூறப்படுகிறது. மேலும், 27W அதிவேக சார்ஜருடன் வெளியாகியுள்ளது. மேலும் மற்ற ஸ்மார்ட்போன்கள் போன்றே 4G வசதி மற்றும் ப்ளூடூத் v5, வை-பை வசதிகளை கொண்டுள்ளது இந்த ஸ்மார்ட்போன்.