புதிய ஸ்டோரேஜ் வேரியண்டில் Realme X50 Pro 5G! 

ரியல்மி விரைவில் அதன் சமீபத்திய Realme X50 Pro 5G-யில் 512 ஜிபி ஸ்டோரேஜ் வேரியண்டை அறிமுகப்படுத்தக்கூடும். தற்போதைய வரிசையில் 12 ஜிபி + 256 ஜிபி மாடல் மிக உயர்ந்த கட்டமைப்பாக இருப்பதால், இது ஒரு சிறந்த வேரியண்டாக இருக்கும். Realme X50 Pro 5G-யின் 512 ஜிபி ஸ்டோரேஜ் வேரியண்ட் டெனா சான்றிதழைப் பெற்றுள்ளது, இது புதிய வேரியண்ட் வளர்ச்சியில் இருப்பதைக் குறிக்கிறது. Realme X50 Pro 5G சீனா வெளியீடு மார்ச் 12-ஆம் தேதிக்கு நடைபெற இருப்பதால், புதிய வேரிய்ண்ட், வெளியீட்டு நாளில் காண்பிக்கப்படும் என்று எதிர்பார்க்கலாம். இருப்பினும், Realme X50 Pro-வின் 512 ஜிபி ஸ்டோரேஜ் ஆப்ஷம் சீன சந்தைக்கு பிரத்தியேகமாக இருக்கும், அல்லது அது இந்தியாவிலும் உள்ள கடைகளுக்கு இது கிடைக்குமா என்பதில் எந்த வார்த்தையும் இல்லை.

TENAA பட்டியலில் 512GB-ஐ ஒரு புதிய ஸ்டோரேஜ் ஆப்ஷனாக மட்டுமே குறிப்பிடுகிறது, ஆனால் ரேம் திறனின் தேர்வு 6GB, 8GB மற்றும் 12GB-ல் ஒரே மாதிரியாக உள்ளது. பெரும்பாலும், Realme X50 Pro 5G-யின் 512 ஜிபி ஸ்டோரேஜ் 12 ஜிபி ரேம் உடன் இணைக்கப்படும், இது Xiaomi தனது Mi 10 Pro ஃபிளாக்ஷிப்பிற்காக வழங்கிய இணையான கட்டமைப்போடு பொருந்துகிறது. இருப்பினும், இந்திய சந்தைக்கு Realme X50 Pro 5G-யின் 12 ஜிபி + 512 ஜிபி வேரியண்டின் வருகையை ரியல்மி இன்னும் அதிகாரப்பூர்வமாக அறிவிக்கவில்லை.

Realme X50 Pro 5G-யின் 512GB ஸ்டோரேஜ் வேரியண்ட் சீன சந்தைக்கு பிரத்யேகமாக வரவுள்ளது
Photo Credit: TENAA

இந்தியாவில் Realme X50 Pro 5G-யின் விலை:

Realme X50 Pro 5G-வின் 6 ஜிபி + 128 ஜிபி வேரியண்டின் விலை ரூ.37,999-யாகவும், 8 ஜிபி + 128 ஜிபி வேரியண்டிற்கு ரூ.39,999-யாகவும் மற்றும் டாப்-ஸ்பெக் 12 ஜிபி + 256 ஜிபி வேரியண்டின் விலை ரூ.44,999-யாகவும் நிர்ணயிக்கப்பட்டுள்ளது. இந்த போன் Moss Green மற்றும் Rust Red ஆகிய வண்ணங்களில் வருகிறது.

Realme X50 Pro 5G-யின் விவரக்குறிப்புகள்:

Realme X50 Pro 5G, ஸ்னாப்டிராகன் 865 சிப்செட்டால் இயக்கப்படுகிறது, இது 12 ஜிபி வரை ரேம் உடன் இணைக்கப்பட்டுள்ளது. இது Realme UI உடன் Android 10-ல் இயங்குகிறது. இந்த போன் 90Hz புதுப்பிப்பு வீதம் மற்றும் கார்னிங் கொரில்லா கிளாஸ் 5 பாதுகாப்புடன் 6.44 இன்ச் முழு எச்டி + ஹோல்-பஞ்ச் டிஸ்பிளேவைக் கொண்டுள்ளது.

போனின் பின்புறத்தில் குவாட் கேமரா அமைப்பு உள்ளது. இதில், 8 மெகாபிக்சல் அல்ட்ரா-வைட்-ஆங்கிள் ஷூட்டர், 12 மெகாபிக்சல் டெலிஃபோட்டோ கேமரா மற்றும் பொக்கே பிடிப்புக்கான  2-மெகாபிக்சல் போட்ரெயிட் கேமரா ஆகியவற்றுடன் f/1.8 aperture உடன் 64 மெகாபிக்சல் முதன்மை சென்சார், உள்ளது. போனின் முன் கேமராவில் இரண்டு சென்சார்கள், 32 மெகாபிக்சல் பிரதான ஷூட்டர் மற்றும் மற்றொரு 8 மெகாபிக்சல் அல்ட்ரா-வைட்-ஆங்கிள் கேமராவையும் கொண்டுள்ளது.

Realme X50 Pro 5G-யின் இணைப்பு விருப்பங்களில் டூயல்-மோட் 5G (NSA/ SA & mainstream bands), 4G VoLTE, Wi-Fi 6, Bluetooth v5.1, GPS மற்றும் USB Type-C port ஆகியவற்றைக் கொண்டுள்ளது. கூடுதலாக, இது 65W சூப்பர் டார்ட் சார்ஜிங்கிற்கான ஆதரவுடன் 4,200 எம்ஏஎச் பேட்டரியுடன் பொருத்தப்பட்டுள்ளது.