'ரியல்மி ஹோலி சேல்' மூலம் தள்ளுபடி பெறும் ரியல்மி போன்கள்!

ரியல்மி U1 மற்றும் ரியல்மி 2 ப்ரோ போன் வருகின்ற ரியல்மி ஹோலி சேலில் குறைந்த விலையில் விற்பனை செய்யப்படுகிறது. இந்த ஹோலி சேல் வரும் நாளை தொடங்கி  - மார்ச் 15 ஆம் தேதி வரை நடைபெறுகிறது. 

இந்த ஹோலி சேலில் ரியல்மி போன்களின் தள்ளுபடியுடன், ஓப்போ ஸ்பின்ஆஃப் மூலம் ரியோல்மி பேக்குகள் ரூ.1க்கு முதல் 50 வாடிக்கையாளர்களுக்கு கிடைக்கிறது. மேலும் நடக்கவுள்ள இந்த சேலின் மூலம் ரூ.10,999-க்கு ரியல்மி U1 போனும் ரூ.11,990 முதல் ரியல்மி 2 ப்ரோ ஸ்மார்ட்போனும் விற்பனை செய்யப்படுகிறது. 

இன்று இரவு 8 மணிமுதல் ரியல் 3 ரூ.8,999-க்கு இந்தியாவில் விற்பனையை துவங்கும் நிலையில் இந்த சேலின் மூலம் ரியல்மியின் மற்ற போன்களுக்கும் தள்ளுபடி கிடைக்கிறது. இன்று வெளியாகும் ரியல்மி 3 போனின் 3ஜிபி ரேம் மற்றும் 32ஜிபி சேமிப்பு வசதி மாடல் போன் ரூ.8,999க்கும், 4ஜிபி ரேம் 64ஜிபி சேமிப்பு வசதிகொண்ட ஸ்மார்ட்போன் ரூ.10,999-க்கு விற்பனை செய்யப்படுகிறது. 

மேலும் இந்த ரியல்மி 3 போனுக்கு ரூ.500 உடனடி தள்ளுபடியாக ஹெச்டிஎஃப்சி வங்கியும் மற்றும் ரூ.5,300 மதிப்புள்ள ஜியோ சலுகைகளும் பெற முடிகிறது. இதுமட்டுமில்லாமல் மொபிவிக் நிறுவனம் சார்பாக ரியோல்மி போன்களுக்கு கூடுதல் கேஷ்பேக் வழங்கவுள்ளது குறிப்பிடத்தக்கது.