முதல் விற்பனையை சந்திக்கும் Realme 5, விலை, சிறப்பம்சங்கள் என்ன?

கடந்த வாரம் அறிமுகமான ரியல்மீ 5 ஸ்மார்ட்போன், முதல் முறையாக இந்தியாவில் இன்று விற்பனைக்கு வரவுள்ளது. இந்த ஸ்மார்ட்போனின் விற்பனை ரியல்மீ மற்றும் பிளிப்கார்ட் தளங்களில் இன்று மதியம் 12 மணிக்கு நடைபெறவுள்ளது. இந்த ஸ்மார்ரட்போனுடன் அறிமுகமான ரியல்மீ 5 Pro ஸ்மார்ட்போன் செப்டம்பர் 4 அன்று மதியம் 12 மணிக்கு விற்பனைக்கு வரவுள்ளது. ரியல்மீ 5 ஸ்மார்ட்போன், நான்கு கேமராக்களுடன் , 9,999 ரூபாய் விலையில் அறிமுகமாகியுள்ள ஒரு குறைந்த விலை பட்ஜெட் ஸ்மார்ட்போன். 6.5-இன்ச் full-HD+ திரை, 5,000mAh அளவிலான பேட்டரி, ஸ்னேப்ட்ராகன் 665 எஸ் ஓ சி ப்ராசஸர், 12 மெகாபிக்சல் அளவிலான முதன்மை கேமரா, 13 மெகாபிக்சல் அளவிலான செல்பி கேமரா ஆகிய சிறப்பம்சங்களை இந்த ரியல்மீ ஸ்மார்ட்போன் கொண்டுள்ளது.

ரியல்மீ 5: விலை மற்றும் விற்பனை!

மறுபுறம் ரியல்மீ 5 ஸ்மார்ட்போன், 3 வகைகளில் அறிமுகமாகியுள்ளது.  3GB RAM/ 32GB சேமிப்பு வகை 9,999 ரூபாயிலும், 4GB RAM/ 64GB சேமிப்பு வகை 10,999 ரூபாய் என்ற விலையிலும், 4GB RAM/ 128GB சேமிப்பு வகை 11,999 ரூபாய் என்ற விலையிலும் அறிமுகமாகியுள்ளது. இந்த ஸ்மார்ட்போன் நீலம் (Crystal Blue) மற்றும் ஊதா (Crystal Purple) என இரண்டு வண்ணங்களில் அறிமுகமாகியுள்ளது.

ரியல்மீ 5 ஸ்மார்ட்போன் ஆகஸ்ட் 27-ஆன இன்று மதியம் 12 மணிக்கு விற்பனைக்கு வரவுள்ளது. இந்த ஸ்மார்ட்போன் ரியல்மீ மற்றும் ஃப்ளிப்கார்ட் ஆகிய தளங்களில் விற்பனைக்கு வரவுள்ளது. மேலும் இந்த ஸ்மார்ட்போனுடன் அறிமுகமான ரியல்மீ 5 Pro ஸ்மார்ட்போன் செப்டம்பர் 4 அன்று மதியம் 12 மணிக்கு விற்பனைக்கு வரவுள்ளது. 

ரியல்மீ 5: சிறப்பம்சங்கள்!

இந்த ஸ்மார்ட்போனும் ரியல்மீ 5 Pro ஸ்மார்ட்போன் போன்றே இரண்டு நானோ சிம் வசதி கொண்ட Color OS 6.0-யை அடிப்படையாக கொண்ட ஆண்ட்ராய்ட் 9 பை அமைப்பு கொண்டு செயல்படுகிறது. 6.5-இன்ச் full-HD+ (720x1600 பிக்சல்கள்) திரையை கொண்ட இந்த ஸ்மார்ட்போன், கார்னிங் கொரில்லா கிளாஸ் 3+ பாதுகாப்பை கொண்டுள்ளது. மேலும் இந்த ஸ்மார்ட்போனில் குவால்காமின் ஸ்னேப்ட்ராகன் 665 எஸ் ஓ சி ப்ராசஸர் பொருத்தப்பட்டு வெளியாகவுள்ளது. 

4 பின்புற கேமராக்களை கொண்ட இந்த ஸ்மார்ட்போனில் 12 மெகாபிக்சல் அளவிலான முதன்மை கேமரா, 119-டிகிரி வரை விரிந்த புகைப்படங்களை எடுக்கும் திறன் கொண்ட 8 மெகாபிக்சல் கேமரா, 2 மெகாபிக்சல் அளவிலான மேக்ரோ கேமரா மற்றும் 2 மெகாபிக்சல் அளவிலான போர்ட்ரைட் கேமரா ஆகிய கேமராக்களை கொண்டுள்ளது. முன்புறத்தில் இந்த ஸ்மார்ட்போன் 13 மெகாபிக்சல் அளவிலான வாட்டர்-ட்ராப் நாட்ச் கேமராவை கொண்டுள்ளது.

ரியல்மீ 5 Pro ஸ்மர்ர்ட்போன் 4G VoLTE, வை-பை 802.11ac, ப்ளூடூத் v5.0, a GPS/ A-GPS, 3.5mm ஹெட்போன் ஜாக், மற்றும் USB டைப்-C சார்ஜிங் போர்ட் ஆகியவற்றை கொண்டுள்ளது. 

இந்த ஸ்மார்ட்போன் 5,000mAh அளவிலான பேட்டரியை கொண்டுள்ளது. மேலும், இதனுடன் VOOC 3.0 அதிவேக சார்ஜிங் தொழில்நுட்பம் கொண்ட சார்ஜர் வழங்கப்பட்டுள்ளது.