இன்று மீண்டும் விற்பனைக்கு வரும் ‘ரியல்மி 3 ப்ரோ’; தள்ளுபடி மற்றும் விலை விவரம்!

ரியல்மி 3 ப்ரோ போன், இன்று இந்தியாவில் இரண்டாவது முறையாக விற்பனைக்கு வரவுள்ளது. ஃப்ளிப்கார்ட் மற்றும் ரியல்மி ஆன்லைன் ஸ்டோர்களில் இன்று விற்பனைக்கு வரவுள்ளது ரியல்மி 3 ப்ரோ. ஓப்போவின் துணை நிறுவனமான ரியல்மியின் இந்த புதிய போன் இந்தியாவில் கடந்த வாரம் வெளியானது. திங்கட்கிழமை ரியல்மி 3 ப்ரோ, முதன்முறையாக விற்பனைக்கு வந்தது. கடந்த 29 ஆம் தேதி முதன்முறையாக இந்த போனை ரியல்மி நிறுவனம், 12, 4 மற்றும் 8 மணிகளுக்கு தனித் தனியே விற்பனை செய்தது. தற்போது வரை, இன்று மதியம் 12 மணிக்கு ரியல்மி 3 ப்ரோ, விற்பனை செய்யப்படும் என்று மட்டும்தான் தெரிவிக்கப்பட்டுள்ளது. வேறு நேரங்களில் இன்று விற்பனை செய்யப்படுமா என்பது தெரியவில்லை. 

ரியல்மி 3 ப்ரோ விலை:

ரியல்மி 3 ப்ரோவின் 4ஜிபி + 64ஜிபி வகை 13,999 ரூபாய்க்கும், 6ஜிபி + 64ஜிபி வகை மற்றும் 6ஜிபி+ 128ஜிபி வகைகள் முறையே 15,999 ரூபாய்க்கும் 16,999 ரூபாய்க்கும் விற்கப்பட உள்ளன. கார்பன் க்ரே மற்றும் நைட்ரோ ப்ளூ வண்ணங்களில் இந்த போனை வாங்க முடியும். 

ரியல்மி தளத்தில் இருந்து போனை, மொபிக்விக் பயன்படுத்தி வாங்குபவர்களுக்கு 1,500 ரூபாய் கேஷ்-பேக் கொடுக்கப்படும். 

ஃப்ளிப்கார்ட் தளம் மூலம் இந்த போனை, எச்.டி.எப்.சி கிரெடிட், டெபிட் கார்டுகளை பயன்படுத்தி வாங்குபவர்களுக்கு 1,000 ரூபாய் தள்ளுபடி கொடுக்கப்படும். ஃப்ளிப்கார்ட் பயனர்களுக்கு 6 மாத நோ காஸ்ட் இ.எம்.ஐ வசதியும் கொடுக்கப்படும்.
 

ரியல்மி 3 ப்ரோ சிறப்பம்சங்கள்:

ஆண்ட்ராய்டு 9 பைய் மூலம் இயங்கும் ரியல்மி 3 ப்ரோ போன், 6.3 முழு எச்.டி+ திரை, 19.5:9 ஆஸ்பெக்ட் ரேஷியோ, கொரில்லா க்ளாஸ் 5 பாதுகாப்பு, குவால்கம் ஸ்னாப்டிராகன் 710 எஸ்.ஓ.சி, 4ஜிபி மற்றும் 6ஜிபி ரேம் உட்கட்டமைப்பு, அட்ரினோ 6161 ஜிபியூ, 64ஜிபி/128ஜிபி சேமிப்பு வசதி கட்டமைப்பு உள்ளிட்ட வசதிகளைப் பெற்றிருக்கும்.

கேமரா வசதியைப் பொறுத்தவரை, போனின் பின்புறத்தில் 16 மெகா பிக்சல் கொண்ட முதன்மை கேமரா, 5 மெகா பிக்சல் இரண்டாவது கேமரா கொடுக்கப்பட்டுள்ளது. 25 மெகா பிக்சல் கொண்ட செல்ஃபி கேமராவையும் ரியல்மி 3 ப்ரோ பெற்றிருக்கிறது. 
கூடுதலாக ஃபிங்கர் பிரின்ட் சென்சார், 4,045 எம்.ஏ.எச் பேட்டரி, டூயல் சிம் சப்போர்ட், 4ஜி எல்.டி.இ, வைட்வைன் L1 இணைப்பு ஆகியவற்றை ரியல்மி 3 ப்ரோ கொண்டுள்ளது.