ஃபோல்டபிள் போன் சந்தையில் போர் ஆரம்பம்! ஆப்பிள் ஐபோன் போல்டுக்கு போட்டியாக ஒப்போவின் 'வைடு' டிஸ்ப்ளே போன்

2026-ம் ஆண்டு ஸ்மார்ட்போன் உலகத்துல ஒரு மிகப்பெரிய திருப்புமுனையா இருக்கப்போகுது. ஏன்னா, பல வருஷ காத்திருப்புக்குப் பிறகு ஆப்பிள் (Apple) நிறுவனம் தங்களோட முதல் ஃபோல்டபிள் ஐபோனை (iPhone Fold) செப்டம்பர் மாசம் ரிலீஸ் பண்ணப்போறாங்க. ஆனா, ஆப்பிள் வர்றதுக்கு முன்னாடியே அவங்களுக்கு ஒரு செக் வைக்க ஒப்போ (Oppo) இப்போ ஒரு பலமான ஸ்கெட்ச் போட்டுருக்கு. வழக்கமா ஒப்போ வருஷத்துக்கு ஒரு ஃபோல்டபிள் போனை தான் ரிலீஸ் பண்ணுவாங்க. ஆனா 2026-ல் ஆப்பிளுக்குப் போட்டியா ரெண்டு மாடல்களைக் கொண்டு வரப்போறாங்க. முதல்ல வர்றது Oppo Find N6. இது பிப்ரவரி மாசம் சீனாவிலயும், மார்ச் மாசம் உலக சந்தையிலயும் அறிமுகமாகப்போகுது. இது ஒரு பவர்ஃபுல் ஃபிளாக்ஷிப் போனா இருக்கும்.

ஆப்பிளை அதிரவைக்க வரும் Find N7:

ஆனா, எல்லாரோட கண்ணும் இப்போ Oppo Find N7 மேல தான் இருக்கு. ஏன் தெரியுமா? இந்த போன் ஆப்பிள் ஐபோன் போல்டுக்கு நேரடி போட்டியா செப்டம்பர் மாசமே ரிலீஸ் ஆகப்போகுது. ஆப்பிள் தங்களோட ஃபோல்டபிள் போனை ஒரு 'வைடு' (Wider book-style) டிசைன்ல, அதாவது ஒரு பாஸ்போர்ட் சைஸ்ல கொண்டு வரப்போறதா ஒரு தகவல் இருக்கு. அதே பாணியில, ஒப்போவும் தங்களோட Find N7 மாடலை நல்ல அகலமான டிஸ்ப்ளேவோட டிசைன் பண்ணிட்டு இருக்காங்க.

எதிர்பார்க்கப்படும் சிறப்பம்சங்கள்:

● சிப்செட்: இந்த ரெண்டு போன்லயும் குவால்காம் நிறுவனத்தோட அடுத்த லெவல் Snapdragon 8 Elite Gen 5 சிப்செட் இருக்கும். இது இப்போ இருக்குற போன்களை விட அசுர வேகத்துல இயங்கும்.
● டிஸ்ப்ளே: Find N6 மாடல்ல 8.12-இன்ச் 2K LTPO OLED மெயின் ஸ்க்ரீன் மற்றும் 6.62-இன்ச் கவர் ஸ்க்ரீன் இருக்கும். Find N7-ம் இதே ஸ்பெக்ஸ்-ஐ கொண்டிருக்கும், ஆனா வடிவமைப்பு மட்டும் ஆப்பிள் ஐபோன் போல அகலமா இருக்கும்.
● கேமரா: ஒப்போ எப்போதும் கேமராவுல கில்லி தான். இதுல 200MP மெயின் கேமரா, 50MP பெரிஸ்கோப் டெலிஃபோட்டோ லென்ஸ் மற்றும் 50MP அல்ட்ரா-வைட் லென்ஸ் இருக்கும்னு சொல்றாங்க.

● பேட்டரி: ஃபோல்டபிள் போன்னாலே பேட்டரி சீக்கிரம் தீந்துடும்னு பயப்பட வேணாம். இதுல 6,000mAh பேட்டரி மற்றும் 80W ஃபாஸ்ட் சார்ஜிங் வசதி இருக்கும்.
சாம்சங் மற்றும் ஆப்பிளுக்கு சவால்:
இதுவரைக்கும் ஃபோல்டபிள் மார்க்கெட்ல சாம்சங் (Samsung) தான் ராஜாவா இருந்தாங்க. இப்போ ஆப்பிள் உள்ள வர்றதால, அந்த இடத்தை பிடிக்க ஒப்போ ரொம்பவே மும்முரமா வேலை செய்யுது. ஆப்பிளோட அதே லான்ச் விண்டோ-ல (Launch Window) ஒப்போவும் களமிறங்குறதுனால, 2026 செப்டம்பர் மாசம் டெக்

உலகமே அதிரப்போகுது!

இந்தியாவுல இந்த போன் OnePlus Open 2-வா வரவும் வாய்ப்பு இருக்கு. ஏன்னா ஒப்போவும் ஒன்பிளஸும் ஒரே குடைக்கு கீழ தான் இயங்குறாங்க. உங்களுக்கு இந்த ரெண்டுல எது மேல அதிக எதிர்பார்ப்பு இருக்கு? ஆப்பிளோட ஐபோன் போல்டா இல்ல ஒப்போவோட 200MP கேமரா ஃபோல்டபிள் போனா? கமெண்ட்ல சொல்லுங்க.