Oppo, OnePlus செல்போன்களுக்கும் இப்படியொரு வசதியா?

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது ColorOS 15 இயங்குதளம் பற்றி தான்.

Oppo மற்றும் OnePlus ஸ்மார்ட்போன்களுக்கான புதிய இயங்குதளம் (OS) ColorOS 15 அக்டோபர் 17ல் வெளியிடப்பட்டது. சமீபத்திய ஆண்ட்ராய்டு 15 அடிப்படையாகக் கொண்டு அனிமேஷன்கள் மற்றும் புதிய தீம்களுடன் அறிமுகப்படுத்தப்பட்டது. இது O+ இன்டர்கனெக்ஷன் பயன்பாட்டின் mமூலம் Oppo மற்றும் iPhone மாடல்களுக்கு இடையே எளிதான கோப்பு பரிமாற்றத்தையும் எளிதாக்குகிறது. ColorOS 15 இப்போதைய அப்டேட் செயற்கை நுண்ணறிவு (AI) அம்சங்களை சப்போர்ட் செய்கிறது. இதன் மூலம் AI உடன் எளிதான மொழி உரையாடல்களை நடத்தலாம்.

ColorOS 15 அம்சங்கள்

Oppo வெளியிட்ட தகவல்படி ColorOS 15 புதிய டைனமிக் எபெக்ட், ஐகானோகிராஃபி ஆகியவற்றுடன் புதுப்பிக்கப்பட்ட பயனர் இடைமுகத்தை (UI) கொண்டுள்ளது. இது அரோரா மற்றும் டைடல் என்ஜின்களைப் பயன்படுத்தி ஆப்ஸ் அனிமேஷன்களை மேம்படுத்தும். Multi-Tasking அனுபவத்தை மேம்படுத்துகிறது. மே 18 சதவிகிதம் மேம்படுத்தப்பட்ட ஆப்ஸ் ரெஸ்பான்சிவ்னஸ் மற்றும் 26 சதவிகிதம் வேகமான ஆப்ஸ் இன்ஸ்டால்களை வழங்குகிறது. ஒப்போ செல்போன்கள் மற்றும் ஐபோன் மாடல்களுக்கு இடையில் கோப்புகளை மாற்றுவதை எளிதாக்கும். இதன் மூலம் பயனர்கள் புகைப்படங்கள், வீடியோக்கள் மற்றும் ஆவணங்களை சில நொடிகளில் பகிர்ந்து கொள்ளலாம்.

AI மூலம் உரையை வடிவமைக்கவும் சுருக்கவும் முடியும். அதே நேரத்தில் ஆவண ஸ்கேனர் சுருக்கம் மற்றும் மொழிபெயர்ப்பு அம்சங்களையும் பெறுகிறது. ஓப்போ குரல் ரெக்கார்டரில் AI செயல்பாட்டையும் செயல்படுத்தியுள்ளது. இதன் மூலம் பதிவுகளை படியெடுக்கவும் சுருக்கவும் முடியும். புகைப்படங்கள் செயலியிலும் AI அம்சங்கள் உள்ளன. பிரதிபலிப்பு அகற்றுதல், மங்கலான படங்கள் நீக்கம் மற்றும் படத்தை மேம்படுத்துதல் போன்ற அம்சங்களை பயனர்கள் இப்போது பயன்படுத்திக் கொள்ளலாம் என்று Oppo கூறுகிறது. மேலும், மின்னணு பட உறுதிப்படுத்தல் (EIS) வசதி இருக்கிறது.

ColorOS 15 ஆனது சீனாவில் வரவிருக்கும் Find X8 தொடர் மற்றும் OnePlus 13 செல்போன்களில் கிடைக்கும் என்று Oppo கூறுகிறது . இது நவம்பர் மாதம் முதல் சீனாவில் வெளியிடப்படும். Oppo Find X7, Oppo Find X7 Ultra Satellite Communication Edition, Oppo Find X7 Ultra, Oppo Find N3, Oppo Find N3 Collector's Edition, Oppo N3 Flip, OnePlus 12, OnePlus Tablet Pro, OnePlus Ace 3, OnePlus Ace 3 Genshin Impact Keging Impact செல்போன் மாடல்களுக்கு நவம்பர் மாதம் கிடைக்கும். ColorOS 15 அம்சங்களில் ஸ்மார்ட் ஃப்ளோட்டிங் விண்டோ வசதியும் இருக்கிறது.