இன்று விற்பனையாகவுள்ள 'ஒன்ப்ளஸ் 7': விவரங்கள் தெரிஞ்சுக்கோங்க!

கடந்த மாதம் ஒன்ப்ளஸ் 7 Pro-வுடன் அறிமுகமான ஸ்மார்ட்போன் தான் இந்த ஒன்ப்ளஸ் 7. இந்த ஒன்ப்ளஸ் 7 Pro ஸ்மார்ட்போனின் விற்பனை, இந்த ஸ்மார்ட்போன் அறிமுகமான அந்த வாரமே துவங்கிய நிலையில், ஒன்ப்ளஸ் 7-ன் விற்பனை ஜூன் மாதம் 4-ஆம் தேதியான இன்று துவங்கவுள்ளது. இந்த ஸ்மார்ட்போனின் விற்பனை அமேசான் மற்றும் ஒன்ப்ளஸ் தளங்களில் மதியம் 12 மணிக்கு துவங்கவுள்ளது. எஸ் பி ஐ கிரடிட் மற்றும் டெபிட் கார்டுகளுக்கு 2,000 ரூபாய் உடனடி தள்ளுபடி பெறப்போகும் இந்த ஸ்மார்ட்போனிற்கு ஜியோ நிறுவனம் 9,300 ரூபாய் வரியயிலான் சலுகைகளை வழங்கியுள்ளது.

ஒன்ப்ளஸ் 7: விலை என்ன, எங்கு பெறலாம்?

6GB RAM + 128GB சேமிப்பு மற்றும் 8GB RAM + 256GB சேமிப்பு அளவு என இரண்டு வகைகளில் மட்டுமே வெளியாகியுள்ளது இந்த ஒன்ப்ளஸ் 7 ஸ்மார்ட்போன். இதில் 6GB RAM + 128GB சேமிப்பு அளவு கொண்ட ஒன்ப்ளஸ் 7-ன் விலை ரூபாய் 32,999 . அதே நேரம் 8GB RAM + 256GB சேமிப்பு அளவுகொண்ட ஒன்ப்ளஸ் 7-ன் விலை ரூபாய் 37,999 என அறிவித்துள்ளது. 6GB RAM + 128GB சேமிப்பு வகை கொண்ட ஸ்மார்ட்போன் சாம்பல் (Mirror Grey) வண்ணத்திலும் 8GB RAM + 256GB சேமிப்பு வகை கொண்ட ஸ்மார்ட்போன் சாம்பல் (Mirror Grey) மற்றும் சிவப்பு ஆகிய இரண்டு வண்ணங்களில் வெளியாகும் என அறிவித்துள்ளது ஒன்ப்ளஸ் நிறுவனம்.

அமேசான் மற்றும் ஒன்ப்ளஸ்-ன் ஆன்லன் தளங்கள், இந்த ஸ்மார்ட்போன் இன்று( ஜூன் 4) மதியம் 12 மணிக்கு விற்பனைக்கு வரவுள்ளது.

தற்போதைக்கு, அமேசான் மற்றும் ஒன்ப்ளஸ் தளங்களில் மற்றுமே விற்பனையாகவுள்ள இந்த ஸ்மார்ட்போன், வருகின்ற் ஜூன் 14-ஆம் தேதி முதல், ஒன்ப்ளஸின் ஒப்பந்த நிறுவனங்களான க்ரோமா மற்றும் ரிலையன்ஸ் டிஜிட்டல் கடைகளில் விற்பனையாகவுள்ளது.

இந்த ஸ்மார்ட்போனை எஸ் பி ஐ கிரடிட் அல்லது டெபிட் கார்டுகளை பயனபடுத்தி பெற்றால் 2,000 ரூபாய் உடனடி தள்ளுபடி பெறலாம். மேலும், ஜியோ நிறுவனம் இந்த ஸ்மார்ட்போனிற்கு 9,300 ரூபாய் வரையிலான சலுகைகளை வழங்கியுள்ளது என்பது குறிப்பிடத்தக்கது.

ஒன்ப்ளஸ் 7: சிறப்பம்சங்கள்!

இரண்டு நானோ சிம் வசதி, அண்ட்ராய்ட் 9.0 பை(Android 9.0 Pie) அமைப்பைக்கொண்ட இந்த ஸ்மார்போன் ஆக்சிஜன் ஓ எஸ்(OxygenOS) உடன் செயல்படும். 8GB வரையிலான RAM கொண்ட இந்த ஸ்மார்ட்போன் ஸ்னேப்ட்ராகன் 855 எஸ் ஓ சி ப்ராசஸரை கொண்டுள்ளது.

6.41-இன்ச் FHD+ திரையை கொண்டிருக்கும் இந்த ஒன்ப்ளஸ் 7-னில் 90Hz திரை புதுப்பிப்பு விகிதம்(refresh rate) ஆகிய திரை அம்சங்களை கொண்டுள்ளது. இந்த ஸ்மார்ட்போனின் திரை பற்றி மேலும் கூறுகையில் 19.5:9 என்ற திரை விகிதத்தையும், 402ppi பிக்சல் டென்சிடியையும் கொண்டுள்ளது. மேலும் இந்த ஸ்மார்ட்போனில் கொரில்லா கிளாஸ் 6 பொருத்தப்பட்டுள்ளது. இந்த ஸ்மார்ட்போனில் ஜென் மோட், மற்றும் ஸ்கிரீன் ரெக்கார்டிங் வசதியும் உள்ளது.

இரண்டு பின்புற கேமராக்களை மட்டுமே கொண்டுள்ளது இந்த ஸ்மார்ட்போன். 48 மேகாபிக்சல் மற்றும் 5 மேகாபிக்சல் என்ற அளவுகளை கொண்டுள்ளது இந்த இரண்டு கேமராக்கள். இந்த ஸ்மார்ட்போனில் 16 மேகாபிக்சல் அளவிலான செல்பி கேமரா இருக்கிறது. இந்த செல்பி கேமரா, முன்பகுதியில் ஒரு சிறய நாட்ச் கொடுக்கப்பட்டு பொருத்தப்பட்டுள்ளது என்பது குறிப்பிடத்தக்கது.

மேலும் ஒன்ப்ளஸ் 7-வில் 3700mAh பேட்டரி அளவு கொண்ட பேட்டரி, டைப்-C சார்ஜ் போர்ட், அதிவேக வார்ப் சார்ஜர் 20(5V/ 4A) கொண்டு வெளியாகும் என அறிவித்துள்ளது. 157.7x74.8x8.2mm போன்ற அளவுகளை கொண்ட இந்த ஸ்மார்ட்போன் 182 கிராம் எடை கொண்டுள்ளது.

இன்னும் பல வசதிகளை கொண்டுள்ள இந்த ஸ்மார்ட்போன், 4G VoLTE மற்றும் வை-பை வசதி கொண்டும் மற்றும் ப்ளூடூத் v5.0 கொண்டுள்ளது.