கேமிங் பிரியர்களுக்கு விருந்து! iQOO 15 வந்துருச்சு – 100x Zoom, மூணு 50MP கேமரா!

iQOO-ல இருந்து இப்போ ஒரு அசுரத்தனமான ஃபிளாக்ஷிப் போன் லான்ச் ஆகியிருக்கு. அதுதான் iQOO 15! பவர், கேமரா, பேட்டரின்னு எல்லாத்துலேயும் ஒரு படி மேல போய் நிக்கிற இந்த போன், இப்போ சீனாவில் அறிமுகம் ஆகியிருக்கு. இதுல இருக்குற ஸ்பெஷல் அம்சங்களைப் பத்தி இப்போ பார்ப்போம். ஒரு ஃபிளாக்ஷிப் போன்ல முதல் எதிர்பார்ப்பே அதோட ப்ராசஸர் தான். அந்த வகையில, iQOO 15-ல சமீபத்திய மற்றும் அதிவேக Qualcomm Snapdragon 8 Elite Gen 5 சிப்செட் கொடுத்திருக்காங்க. இந்த சிப், போனோட மொத்த வேகத்தையும் வேற லெவலுக்கு கொண்டு போகுது. அதுபோக, கேமிங்கை மட்டுமே குறி வச்சு Q3 கேமிங் சிப்பையும் இதுல இணைச்சிருக்காங்க. இதனால, ஹெவி கேம்ஸ் கூட ஸ்மூத்தா 144Hz ரெஃப்ரெஷ் ரேட்ல, சூடு ஏறாம விளையாட முடியும். தெர்மல் மேனேஜ்மெண்ட்டுக்கு 8K வேப்பர் சேம்பர் கூலிங் சிஸ்டம் கூட இதுல இருக்குன்னு சொல்லப்படுது.

டிஸ்ப்ளே மற்றும் பேட்டரி பவர்:

டிஸ்ப்ளே: iQOO 15, 6.85-இன்ச் அளவுள்ள பெரிய 2K+ LTPO AMOLED டிஸ்ப்ளேவை கொண்டிருக்கு. இது 144Hz ரெஃப்ரெஷ் ரேட் மற்றும் 6,000 nits பீக் பிரைட்னஸ் வரை சப்போர்ட் பண்ணும். கேமிங் மற்றும் வீடியோ பாக்குற அனுபவம் அருமையா இருக்கும்.

பேட்டரி: இந்த போன்ல 7,000mAh மெகா பேட்டரி இருக்கு. இது நீங்க எவ்வளவு நேரம் கேம் விளையாடினாலும், போன் உங்கள கைவிடாதுன்னு உறுதி சொல்லலாம். இதை சார்ஜ் செய்ய 100W ஃபாஸ்ட் வயர்டு சார்ஜிங் சப்போர்ட் மற்றும் 40W வயர்லெஸ் சார்ஜிங் வசதிகளும் கொடுக்கப்பட்டிருக்கு.

அட்டகாசமான கேமரா செட்டப்:

இந்த போன்ல கேமராவுக்கும் சலைச்சதில்லைன்னு நிரூபிக்க, பின்பக்கத்துல மூன்று 50-மெகாபிக்ஸல் கேமராக்கள் கொடுத்திருக்காங்க.
● 50MP பிரைமரி கேமரா (OIS சப்போர்ட் உடன்).
● 50MP அல்ட்ரா-வைட்-ஆங்கிள் லென்ஸ்.
● 50MP பெரிஸ்கோப் டெலிஃபோட்டோ லென்ஸ் (3x ஆப்டிகல் ஜூம் மற்றும் 100x வரை டிஜிட்டல் ஜூம் வசதியுடன்).
● செல்ஃபிக்காக, முன்பக்கத்தில் 32-மெகாபிக்ஸல் கேமரா இருக்கு.

மற்ற முக்கியமான அம்சங்கள்:

iQOO 15 ஆனது, லேட்டஸ்ட் Android 16 அடிப்படையிலான OriginOS 6-ல் இயங்குது. பாதுகாப்புக்காக அல்ட்ராசோனிக் இன்-டிஸ்ப்ளே ஃபிங்கர் பிரின்ட் சென்சார் மற்றும் IP68 / IP69 டஸ்ட் மற்றும் வாட்டர் ரெசிஸ்டன்ஸ் ரேட்டிங்கும் இதுல இருக்கு. சீனாவில், இந்த போனின் ஆரம்ப விலை (12GB + 256GB வேரியன்ட்) CNY 4,199 (இந்திய மதிப்பில் சுமார் ₹51,780) முதல் ஆரம்பிக்குது.

iQOO நிறுவனம் ஏற்கனவே ஒரு நல்ல செய்தியை சொல்லியிருக்காங்க. அது என்னன்னா, இந்த iQOO 15 ஃபிளாக்ஷிப் போன் இந்தியாவுல அடுத்த மாசம் (நவம்பர்) அறிமுகமாகும்னு கன்ஃபார்ம் பண்ணியிருக்காங்க! Snapdragon 8 Elite Gen 5 சிப், OriginOS 6 UI உடன் இந்தியால வரும்போது, இது கேமிங் போன்களுக்கான சந்தையில ஒரு பெரிய போட்டியை ஏற்படுத்தும்னு எதிர்பார்க்கப்படுது.