பெஸ்ட் செல்லிங் போனாக உள்ளது ஐபோன் எக்ஸ்.ஆர் – கிரேக் ஜோஸ்வியாக்

ஆப்பிள் நிறுவனத்தின் ஐபோன் எக்ஸ்.ஆர் அக்டோபர் மாதத்தில் வெளியானதிலிருந்து தற்போது நல்ல முறையில் விற்பனையாகி வருவதாக அந்நிறுவனத்தின் நிர்வாகி ராய்டர்ஸிடம் தெரிவித்துள்ளார்.

ஐபோன் எக்ஸ்.எஸ் (ரூ.88,339) மற்றும் எக்ஸ்.எஸ் மேக்ஸ் (ரூ.98,000) ஆகிய இரு போன்களுடன் ஐபோன் எக்ஸ்.ஆர் $749(ரூ.52,400) அறிமுகப்படுத்தப்பட்டது.

எக்ஸ்.ஆர் பல முக்கியம்சங்களை குறைவான விலை போனில் கொண்டு வருகிறது.

சமீப காலமாக ஸ்மார்ட்போன் விற்பனையாளர்களிடமிருந்து எதிர்மறையான கருத்துக்கள் வருவதாக கூறப்பட்டுள்ளது. நவம். 1 ஆம் தேதி ஆப்பிள் நிறுவனத்தின் கணக்கு வழக்குகள் முடிக்கப்பட்டு வெளியிடப்பட்ட அறிக்கையில், மூதலிட்டாளர்கள் அதிருப்தி அடைந்துள்ளனர்.

ஆப்பிள் நிறுவனம் ஐபோன் எக்ஸ்.ஆரின் ஒரு பகுதியாக ரெட் வெர்ஷன் போன்களை அறிமுகப்படுத்த முடிவு செய்துள்ளது. இதன் மூலம் கிடைக்கும் பணத்தை ஹெச்ஐவி-யினால் பாதிக்கப்பட்டவர்களுக்கு வழங்கப்படும் என்று தெரிவிக்கப்பட்டுள்ளது.

இது குறித்து ஆப்பிள் நிறுவனத்தின் துணை தலைவர் கிரேக் ஜோஸ்வியாக் கூறுகையில், இதுவரை ரெட்வெர்ஷன் மூலம் $200 மில்லியன் வரை வசூலிக்கப்பட்டுள்ளதாக கூறியுள்ளார்.