இப்படியொரு சிக்கலை எப்படி சமாளிக்க போகிறது Apple நிறுவனம்?

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது iPhone 14 Plus செல்போன் பற்றி தான்.

iPhone 14 Plus செல்போனில் Rear Camera Issue ஏற்பட்டுள்ளது. இதனை கூடுதல் கட்டணமின்றி சர்வீஸ் செய்து தர ஆப்பிள் நிறுவனம் முடிவு செய்துள்ளது. வாடிக்கையாளர்கள் தங்கள் வரிசை எண்ணை நிறுவனத்திற்கு வழங்குவதன் மூலம் தங்கள் கைபேசி பாதிக்கப்பட்டுள்ளதா என்பதைச் சரிபார்க்கலாம். இதற்கிடையில் ஐபோன் 14 பிளஸ் பின்புற கேமராவை பழுதுபார்ப்பதற்கு ஏற்கனவே பணம் செலுத்திய பயனர்கள் பணத்தைத் திரும்பப்பெற ஆப்பிள் நிறுவனத்தைத் தொடர்பு கொள்ளலாம் எனவும் அறிவிக்கப்பட்டுள்ளது.

பின்பக்க கேமராக்களில் Preview காட்டாத சிக்கலால் ஐபோன் 14 பிளஸ் யூனிட்களில் சிறிய அளவில் பாதிப்பு இருப்பதை கண்டறிந்ததாக ஆப்பிள் நிறுவனம் அமைத்த ஆதரவுப் பக்கம் கூறுகிறது . ஏப்ரல் 10, 2023 மற்றும் ஏப்ரல் 28, 2024 க்கு இடையில் தயாரிக்கப்பட்ட iPhone 14 Plus செல்போன்கள் இதுபோல பாதிக்கப்பட்டு இருக்கலாம் என கூறப்படுகிறது.

iPhone 14 Plus உரிமையாளர்கள் தங்கள் ஸ்மார்ட்போன் சிக்கலால் பாதிக்கப்பட்டுள்ளதா மற்றும் கட்டணமின்றி இலவச சேவைக்கு தகுதியுடையதா என்பதைச் சரிபார்க்க நிறுவனத்தின் இணைய பக்கத்தில் தங்கள் வரிசை எண்ணை உள்ளிடலாம். இந்த சேவைத் திட்டம் முதன்முதலில் வாங்கப்பட்ட மூன்று ஆண்டுகளில் ஒரு முறை மட்டுமே பாதிக்கப்பட்ட செல்போனை இலவசமாக சரி செய்ய முடியும் என ஆப்பிள் கூறுகிறது.

iPhone 14 Plus இல் வரிசை எண்ணைக் கண்டறிய, பயனர்கள் Setting உள்ளே சென்று General > About என்பதை தேர்வு செய்ய வேண்டும். அதில் Serial Number என தெரியும். அதில் Copy shortcut என்கிற ஆப்ஷன் மூலம் அதனை எடுத்துக்கொள்ள வேண்டும். Apple's support page உள்ளே iPhone 14 Plus Service Program என இருக்கும். அதில் Serial Number பதிவிட்டால் உங்கள் செல்போன் இலவச சர்வீசுக்கு தகுதியானதா என அறியலாம்.

இலவச சேவைத் திட்டத்தை தவிர கூடுதல் பழுதுபார்ப்புகளுக்கு வாடிக்கையாளர்களிடம் கட்டணம் வசூலிக்கப்படும் என்று ஆப்பிள் கூறுகிறது. ஐபோன் 14 பிளஸ் பின்புற கேமராவைச் சேவை செய்ய ஏற்கனவே பணம் செலுத்திய வாடிக்கையாளர்கள் பணத்தைத் திரும்பப் பெற ஆப்பிள் நிறுவனத்தைத் தொடர்பு கொள்ளலாம் என்று நிறுவனத்தின் இணையதளத்தில் தெரிவிக்கப்பட்டுள்ளது. டிசம்பர் 2023ல் வாங்கிய iPhone 14 Plus ஆனது பாதிக்கப்பட்ட வரிசை எண் வரம்பில் இல்லை என்பதை Gadgets 360 குழுவினால் சரிபார்க்க முடிந்தது.

பின்புற கேமரா சர்வீஸ் செய்யப்படும் போது உடைந்த பின்புற கண்ணாடி பேனல் போன்ற சிக்கல் இருந்தால் அதற்கு கூடுதலாக பணம் செலுத்தினால் மட்டுமே கேமரா சரிசெய்து தரப்படும்.