அட்டகாசமான அம்சங்களுடன் அறிமுகமானது இன்பினிக்ஸ் ஹாட் 9! 

இன்பினிக்ஸ் ஹாட் 9 ஸ்மார்ட்போன் திங்களன்று இந்தோனேசியாவில் அறிமுகமானது. 2019-ல் அறிமுகப்படுத்தப்பட்ட இன்பினிக்ஸ் ஹாட் 8 உடன் ஒப்பிடும் போது, பிராசசர் மற்றும் பின்புற கேமராக்கள் அடிப்படையில் பெரிய மேம்படுத்தல்களுடன் இந்த பட்ஜெட் ஸ்மார்ட்போன் வருகிறது. இன்பினிக்ஸ் ஹாட் 9 மேட் பிளாக், சியான், வயலட் மற்றும் லைட் ப்ளூ கலர் ஆப்ஷன்கள் மற்றும் ஒற்றை ஸ்டோரேஜ் வேரியண்டில் கிடைக்கிறது. இன்பினிக்ஸ் ஹாட் 9 தற்போது இந்தோனேசியாவில் கிடைப்பதால், நிறுவனம் எப்போது ஸ்மார்ட்போனை உலக அளவில் வெளியிடத் தொடங்கும் என்பது தெளிவாகத் தெரியவில்லை. 

இன்பினிக்ஸ் ஹாட் 9 விலை:

Infinix Hot 9 ஸ்மார்ட்போன் இந்தோனேசியாவில் மார்ச் 27 முதல் முன்பதிவு செய்யக் கிடைக்கும். போனின் ஒற்றை 4 ஜிபி + 128 ஜிபி வேரியண்டின் விலை Rp ​​1,699,000 (இந்திய மதிப்பில் சுமார் ரூ.7,870). முன்பு குறிப்பிட்டபடி, இன்ஃபினிக்ஸ் ஹாட் 9 நான்கு கலர் ஆப்ஷன்களில் வருகிறது.

இன்பினிக்ஸ் ஹாட் 9 விவரக்குறிப்புகள், சிறப்பம்சங்கள்: 

டூயல்-சிம் Infinix ஹாட் 9 ஸ்மார்ட்போனில் 6.6 இன்ச் ஐபிஎஸ் எல்சிடி டிஸ்பிளே இடம்பெற்றுள்ளது. இது எச்டி + ரெசல்யூஷனை வழங்குகிறது. ஸ்மார்ட்போனின் பின்புற பேனல் ஒரு பாலிகார்பனேட் பொருளிலிருந்து தயாரிக்கப்பட்டது. மேலும், அதன் முன்னோடி Infinix Hot 8 உடன் ஒப்பிடும்போது, ​​சமீபத்திய இன்பினிக்ஸ் ஹாட் 9 மேம்படுத்தப்பட்ட பிராசசருடன் வருகிறது. புதிதாக அறிமுகப்படுத்தப்பட்ட ஸ்மார்ட்போன் 1.8GHz மீடியாடெக் ஹீலியோ A25 ஆக்டா கோர் SoC-யால் இயக்கப்படுகிறது, இது 4 ஜிபி ரேம் உடன் இணைக்கப்பட்டுள்ளது.

முன் பேனலில் உள்ள ஹோல்-பஞ்சில் AI அம்சங்களுடன் 8 மெகாபிக்சல் செல்பி கேமரா உள்ளது. பின்புற பேனலில், செங்குத்தாக அடுக்கப்பட்ட குவாட் கேமரா அமைப்பு உள்ளது, இதில் ஆட்டோ-ஃபோகஸ் கொண்ட AI லென்ஸும் அடங்கும். குவாட் கேமரா அமைப்பில் மேலும் 16 மெகாபிக்சல் முதன்மை சென்சார் மற்றும் இரண்டு 2 மெகாபிக்சல் ஷூட்டர்கள் உள்ளன.

இந்த போன் ஆண்ட்ராய்டு 10-அடிப்படையிலான எக்ஸ்ஓஎஸ் 6.0-ல் இயங்குகிறது மற்றும் 10W ஃபாஸ்ட் சார்ஜிங்கை ஆதரிக்கும் 5000 எம்ஏஎச் பேட்டரியைக் கொண்டுள்ளது. பின்புற கேமரா அமைப்பிற்கு அடுத்ததாக கைரேகை ஸ்கேனரும் உள்ளது. கூடுதலாக, இன்ஃபினிக்ஸ் ஹாட் 9-ன் இண்டர்னல் ஸ்டோரேஜை, மைக்ரோ எஸ்டி கார்டு வழியாக 256 ஜிபி வரை விரிவாக்கம் செய்யலாம்.

ஃபேஸ் அன்லாக், ஏஆர் இமோஜி, ஏஆர் ஸ்டிக்கர்கள் மற்றும் டிடிஎஸ் ஆடியோ டெக்னாலஜி ஆகியவை இன்பினிக்ஸ் புதிதாக அறிமுகப்படுத்திய ஸ்மார்ட்போனின் பிற அம்சங்களாகும்.