ஹூவாயின் புதிய என்ஜாய் மேக்ஸ், என்ஜாய் 9 ப்ளஸ் ஸ்மார்ட்போன்கள் அறிமுகம்!

இன்று லண்டனில் ஹூவாய் நிறுவனத்தின் மேட் சிரீஸ் 20 அறிமுகப்படுத்தப்படுகிறது. ஹூவாய் நிறுவனத்தின் என்ஜாய் 9 பிளஸ் மற்றும் என்ஜாய் மேக்ஸ் ஸ்மார்ட்போன்கள் சீனாவில் அறிமுகப்படுத்தப்பட்டுள்ளது. இந்த இரண்டு போன்களும் அதிக ஆற்றல் கொண்ட பேட்டரிகள் மற்றும் பல்வேறு சேமிப்பு வசதியைக் கொண்டுள்ளது.

என்ஜாய் 9 பிளஸ் மற்றும் என்ஜாய் மேக்ஸ் இந்த இரு போன்களும் இரட்டை கேமிரா வசதி, கைரேகை ஸ்கேனர் மற்றும் ஸ்நாப் டிராகன் புராசஸரைக் கொண்டுள்ளன. என்ஜாய் 9 பிளஸின் பின்புறம் 3டி பிம்பத்தைக் கொண்டது. என்ஜாய் மேக்ஸின் பின்புறம் லெதர் போன்று இருக்கும்.

ஹூவாய் என்ஜாய் 9 பிளஸ் மற்றும் என்ஜாய் மேக்ஸின் விலை

ஹூவாய் என்ஜாய் மேக்ஸின் விலை 18,100 ஆக இருக்கலாம் என்று யூகிக்கப்படுகிறது. ஆனால் உறுதி செய்யப்படவில்லை. இதில் 4ஜிபி ராம் + 64ஜிபி சேமிப்பு திறன் கொண்டது. 4ஜிபி ராம் + 128ஜிபி சேமிப்பு திறன் கொண்ட போன் 21,300 இருக்கும் என்று எதிர்பார்க்கப்படுகிறது. இந்த போன் கருப்பு, வெள்ளை, மற்றும் பிரவுன் நிறத்தில் கிடைக்கிறது. இந்த இரண்டு போன்களும் அக்டோபர் மாத இறுதியில் சீனாவில் விற்பனைக்கு வரும்.

மேலும், ஹூவாய் என்ஜாய் 9 பிளஸின் 4ஜிபி ராம்+64ஜிபி சேமிப்பு திறன் கொண்ட போன் 15,900ஆக இருக்கலாம். மேலும், 4ஜிபி ராம் + 128ஜிபி சேமிப்பு திறன் கொண்ட போன் 18,100 ஆக இருக்கலாம் என்று எதிபார்க்கப்படுகிறது. இந்த போன் மேஜிக் நைட் பிளாக், சபியர் புளூ மற்றும் அரோரா வயிலட் நிறங்களில் கிடைக்கும்.

ஹூவாய் என்ஜாய் 9 பிளஸ் சிறப்பம்சங்கள்

ஹூவாய் என்ஜாய் 9 பிளஸ் ஸ்மார்ட்போனானது, 6.5-இன்ச் (1080x2340பிக்ஸல்ஸ்) புல் ஹச்டி+ 2.5 கர்வுடு கிளாஸ் டிஸ்பிளே கொண்டுள்ளது. ஆக்டோ கிரின் 710 ஆக்டோ கோர் மற்றும் 4 ஜிபி ரேம் கொண்டுள்ளது. இதன் நினைவகத்தை 400 ஜிபி வரை விரிவாக்கம் செய்து கொள்ளலாம்.

என்ஜாய் 9பிளஸ் மொபைலை பொருத்தவரையில், f/1.8 அப்பர்சர் 13 மெகா பிக்ஸல்ஸ் பின் பக்க கேமரா மற்றும் 2 மெகா பிக்ஸல்ஸ் சென்சார் கொண்டுள்ளது. 16எம்.பி மற்றும் 2 எம்.பி செல்பி கேமராவும் கொண்டுள்ளது. 

ஹூவாய் என்ஜாய் 9பிளஸ் மொபைல் 4,000 mAh பேட்டரியுடன் வருகிறது. 162.4x77.1x8.05மிமீ மற்றும் 173 கிராம் எடை கொண்டுள்ளது.