200MP கேமரா, 8000mAh பேட்டரி! HONOR 500 Pro-வில் Snapdragon 8 Elite – வெறித்தனமான அம்சங்களுடன் அறிமுகம்

HONOR நிறுவனம் தனது சமீபத்திய மாடல்களான HONOR 500 மற்றும் HONOR 500 Pro ஆகியவற்றை சீன சந்தையில் அறிமுகம் செய்து, டெக் உலகில் பெரிய அதிர்வலையை ஏற்படுத்தியிருக்கிறது. இந்த இரண்டு போன்களும் பவர்ஃபுல் பெர்ஃபார்மன்ஸ், மாஸ் பேட்டரி மற்றும் அட்டகாசமான கேமரா செட்-அப் என பல அம்சங்களில் களமிறங்கியிருக்கு.

அதிவேக ப்ராசஸர்கள்:

இந்த இரண்டு போன்களுக்கும் பவர் கொடுக்கிறது Qualcomm-ன் சக்தி வாய்ந்த Snapdragon சிப்கள் தான். HONOR 500 மாடல், லேட்டஸ்ட் Snapdragon 8s Gen 4 சிப் மூலம் இயங்குகிறது. ஆனா, HONOR 500 Pro மாடலில் இன்னும் மேம்பட்ட Snapdragon 8 Elite சிப் பொருத்தப்பட்டுள்ளது. இந்த ப்ராசஸர்கள் Phantom Engine என்ற பிரத்யேக தொழில்நுட்பத்துடன் வருவதால், கேம் விளையாடும்போது 120fps நிலையான ஃப்ரேம் ரேட்டை கொடுக்குமாம். இது Gaming பிரியர்களுக்கு ஒரு பெரிய வரப்பிரசாதம். இரண்டு மாடல்களுமே Android 16 அடிப்படையிலான MagicOS 10 இயங்குதளத்தில் தான் இயங்குகிறது.

ராட்சத பேட்டரி மற்றும் சார்ஜிங்:

இந்த சீரிஸின் மிகப்பெரிய ஹைலைட்டே இதன் பேட்டரி தான். HONOR நிறுவனம் இரண்டு மாடல்களிலும் மிக பிரம்மாண்டமான 8,000mAh Battery-ஐ கொடுத்திருக்காங்க. இந்த பெரிய பேட்டரி ஒரு முறை சார்ஜ் செய்தால் சுமார் 42 மணிநேரம் வரை பேச்சு நேரம் தரும் என்று கம்பெனி உறுதியளிச்சிருக்காங்க. மேலும், இந்த பேட்டரியை வேகமா சார்ஜ் செய்ய 80W Wired Charging சப்போர்ட் கொடுத்திருக்காங்க. Pro மாடலில் கூடுதலாக 50W Wireless Charging மற்றும் 27W வயர்டு ரிவர்ஸ் சார்ஜிங் வசதியும் உள்ளது.

கேமரா மற்றும் டிஸ்பிளே:

புகைப்படம் எடுப்பதிலும் இந்த போன்கள் மாஸ் காட்டும். இரண்டு மாடல்களிலும் 200MP Camera மெயின் சென்சார் இருக்கு. இதுல OIS (Optical Image Stabilization) வசதியும் இருக்கு. HONOR 500 Pro-வில் 50MP Telephoto Camera கொடுத்திருக்காங்க. இது 3x Optical Zoom வசதியுடன் வருது. மேலும், இரண்டு மாடல்களிலும் 12MP அல்ட்ரா-வைட் கேமராவும், முன்பக்கத்தில் 50MP Selfie Camera-வும் இருக்கு. டிஸ்பிளேயைப் பார்த்தா, இரண்டு போன்களிலும் 6.55-இன்ச் அளவு கொண்ட 120Hz OLED டிஸ்பிளே இருக்கு. இது 6,000 நிட்ஸ் உச்ச பிரகாசத்தை (Peak Brightness) வழங்கும். இதுபோக, இரவில் கண்களுக்கு பாதுகாப்பு தரும் 3840Hz PWM டிம்மிங் டெக்னாலஜியும் இருக்கு.

பிற அம்சங்கள்:

இந்த போன்கள் Aquamarine, Starlight Powder, Obsidian Black, மற்றும் Moonlight Silver என நான்கு வண்ணங்களில் கிடைக்கிறது. IP68, IP69, மற்றும் IP69K ரேட்டிங் உடன் Dust and Water Resistant வசதியும் இதில் இருக்கு. HONOR 500 Pro-வில் Wi-Fi 7 மற்றும் அல்ட்ராசோனிக் ஃபிங்கர்பிரிண்ட் சென்சார் வசதியும் இருக்கு. HONOR 500 Pro-வின் ஆரம்ப விலை சுமார் ₹45,000-ல் இருந்து தொடங்குகிறது. இந்திய வெளியீடு பற்றி எந்த தகவலும் இல்லாவிட்டாலும், விரைவில் அறிவிப்பு வரலாம்னு எதிர்பார்க்கலாம். மொத்தத்தில், HONOR 500 சீரிஸ் பவர் மற்றும் பேட்டரியின் புது வரையறையாக வந்திருக்கு.