2nm சிப்செட்.. ஆனா 'இன்டகிரேட்டட் மோடம்' இல்லையா? சாம்சங் S26-ல் பேட்டரி சீக்கிரம் தீர்ந்துவிடுமா?

சாம்சங் கேலக்ஸி S26 மற்றும் S26 பிளஸ் மாடல்களில் இடம்பெறவுள்ள எக்ஸினோஸ் 2600 சிப்செட் குறித்த ஒரு முக்கியமான தொழில்நுட்ப மாற்றம் வெளியாகியுள்ளது

Written by Gadgets 360 Staff மேம்படுத்தப்பட்டது: 23 டிசம்பர் 2025 13:24 IST

2nm சிப்செட்.. ஆனா 'இன்டகிரேட்டட் மோடம்' இல்லையா? சாம்சங் S26-ல் பேட்டரி சீக்கிரம் தீர்ந்துவிடுமா?

Photo Credit: Samsung

Samsung Galaxy M56 இப்போது ரூ.21,204க்கு கிடைக்கிறது.

ஹைலைட்ஸ்

எக்ஸினோஸ் 2600 சிப்செட்டில் மோடம் (Modem) தனி சிப்பாக (External) வழங்கப்ப
சிப்செட்டுக்கு உள்ளேயே மோடம் இல்லாதது பேட்டரி பேக்கப்பை பாதிக்கலாம் என நி
செயல்திறனை அதிகரிக்க அதிக இடவசதி தேவைப்பட்டதால் சாம்சங் இந்த முடிவை எடுத்

விளம்பரம்

சாம்சங் நிறுவனத்தின் 2026-ஆம் ஆண்டு ஃபிளாக்ஷிப் சிப்செட்டான Exynos 2600 பற்றி ஒரு அதிரடியான தகவல் இப்போ வெளியாகியிருக்கு. வழக்கமா ஒரு ஸ்மார்ட்போன் சிப்செட் அப்படின்னா, அதுக்குள்ளேயே சிபியு, ஜிபியு மற்றும் நெட்வொர்க் கனெக்டிவிட்டிக்குத் தேவையான 'மோடம்' (Modem) எல்லாம் ஒரே கல்லுல செதுக்கின மாதிரி இருக்கும். ஆனா, எக்ஸினோஸ் 2600-ல மோடம் மட்டும் தனியா பிரிக்கப்பட்டிருக்கு. இது ஏன் ஒரு பெரிய விஷயமா பார்க்கப்படுதுன்னா, பொதுவாக மோடம் சிப்செட்டுக்கு உள்ளேயே இருக்கும்போது (Integrated Modem), டேட்டா டிரான்ஸ்பர் ரொம்ப வேகமா நடக்கும், அதே சமயம் பவர் நுகர்வும் கம்மியா இருக்கும். ஆனா இப்போ சாம்சங் இத தனியா ஒரு சிப்பா (External Modem - Shannon 5410) கொடுத்திருக்கிறதுனால, பேட்டரி லைஃப் கொஞ்சம் குறைய வாய்ப்பு இருக்குன்னு டெக் வல்லுநர்கள் சொல்றாங்க. குறிப்பா 5G நெட்வொர்க்ல நீங்க அதிகமா போன் பேசும்போதோ இல்ல இன்டர்நெட் யூஸ் பண்ணும்போதோ பேட்டரி சீக்கிரம் தீரலாம்.

சாம்சங் ஏன் இப்படி ஒரு முடிவை எடுத்தாங்க? அதுக்கு காரணம் 'இட நெருக்கடி' தான். எக்ஸினோஸ் 2600-ல அதிகப்படியான ஏஐ (AI) அம்சங்கள், மேம்படுத்தப்பட்ட ஜிபியு மற்றும் ஹீட்டிங் பிரச்சனையைத் தடுக்க 'ஹீட் பாத் பிளாக்' (Heat Path Block) வசதி என நிறைய விஷயங்களை உள்ளே கொண்டு வந்திருக்காங்க. இப்போ இருக்குற 2nm வடிவமைப்பில மோடமையும் உள்ளே வச்சா சிப்செட்டோட அளவு ரொம்பப் பெருசாயிடும், அதுக்கு செலவும் அதிகமாகும். அதனால தான் மோடமை மட்டும் தனியா வெளில வச்சுட்டாங்க.

இதனால நமக்கு என்ன பாதிப்பு?

முன்னாடி 2020-ல வந்த ஸ்னாப்டிராகன் 865 சிப்செட்லயும் இதே மாதிரி எக்ஸ்டர்னல் மோடம் தான் இருந்துச்சு. அப்போ அந்த போன்கள் எல்லாம் மொபைல் டேட்டா யூஸ் பண்ணும்போது சீக்கிரம் சூடானதையும், பேட்டரி சீக்கிரம் காலி ஆனதையும் நாம பார்த்தோம். அதே பிரச்சனை S26-லயும் வருமாங்கிறது தான் இப்போ இருக்குற பெரிய கேள்வி.

ஆனா, சாம்சங் ஒரு நம்பிக்கையைத் தர்றாங்க. இது உலகத்தோட முதல் 2nm GAA தொழில்நுட்பத்துல உருவான சிப்செட். இந்த 2nm முறை ஏற்கனவே 8% வரை பவர் எபிசியன்சியை அதிகப்படுத்தும். சோ, மோடம் தனியா இருந்தாலுமே, சிப்செட்டோட வேகம் அந்த இழப்பைச் சரி பண்ணிடும்னு சாம்சங் நம்புறாங்க. என்ன நடக்குதுன்னு 2026 ஆரம்பத்துல போன் லான்ச் ஆகும்போது தெரிஞ்சிடும்!

Comments

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.