பெங்களூருவில் Apple-ன் புதிய கடை! செப்டம்பர் 2-ல் திறப்பு! என்ன ஸ்பெஷல்?

இந்தியால, தொழில்நுட்ப வளர்ச்சியில பெங்களூரு ஒரு முக்கியமான மையமா இருக்கு. இந்த 'சிலிக்கான் வேலி' நகரில், பல வருட எதிர்பார்ப்புகளுக்குப் பிறகு, உலகப் புகழ்பெற்ற டெக் நிறுவனமான Apple, தனது முதல் நேரடி சில்லறை விற்பனைக் கடையை (Retail Store) திறக்க உள்ளது. இந்த அறிவிப்பு, பெங்களூரு மட்டுமல்லாமல், இந்தியா முழுவதிலும் உள்ள ஆப்பிள் ரசிகர்களை உற்சாகப்படுத்தியுள்ளது. இந்த புதிய கடை, Apple Hebbal என்ற பெயரில், செப்டம்பர் 2-ம் தேதி அன்று பெங்களூருவில் உள்ள பீனிக்ஸ் மால் ஆஃப் ஏஷியா (Phoenix Mall of Asia) என்ற ஷாப்பிங் மாலில் திறக்கப்பட உள்ளது. ஏற்கனவே, ஆப்பிள் நிறுவனம் 2023-ல் மும்பையில் உள்ள BKC-ல் Apple BKC கடையையும், டெல்லியில் உள்ள சாகெட்டில் Apple Saket கடையையும் வெற்றிகரமாகத் திறந்தது. இந்த இரண்டு கடைகளும், திறக்கப்பட்ட முதல் வருடத்திலேயே ₹800 கோடிக்கு மேல் வருவாய் ஈட்டியுள்ளன. அந்த வெற்றிக்குப் பிறகு, ஆப்பிள் நிறுவனம், இந்தியாவின் தொழில்நுட்ப தலைநகரான பெங்களூருவில் கடை திறப்பதன் மூலம், தன் வர்த்தகத்தை மேலும் விரிவாக்கம் செய்ய திட்டமிட்டுள்ளது.

பெங்களூரு, ஆப்பிள் நிறுவனத்தின் குபெர்டினோ தலைமையகத்திற்கு வெளியே மிகப்பெரிய செயல்பாட்டு மையமாக வளர்ந்து வருகிறது. இங்கு, ஆப்பிள் நிறுவனம் பெரிய அலுவலக வளாகங்களை குத்தகைக்கு எடுத்து, ஐபோன் உற்பத்தி மற்றும் சேவை நடவடிக்கைகளை பலப்படுத்தியுள்ளது. இந்த புதிய கடை, ஆப்பிளின் இந்திய சந்தை விரிவாக்கத்தின் ஒரு முக்கியமான அத்தியாயமாகப் பார்க்கப்படுகிறது.

கடையின் தனித்துவமான அம்சங்கள்

மற்ற ஆப்பிள் கடைகளை போலவே, பெங்களூருவில் உள்ள ஆப்பிள் ஹெப்பல் கடையிலும் பல சிறப்பம்சங்கள் இருக்கும். கடையின் முன்புறம், இந்திய தேசியப் பறவையான மயிலின் வண்ணமயமான இறகுகளைப் போல வடிவமைக்கப்பட்ட ஒரு கலைப்படைப்பால் அலங்கரிக்கப்பட்டுள்ளது. இது, இந்திய கலாசாரத்திற்கு ஆப்பிள் கொடுக்கும் மரியாதையை காட்டுகிறது. கடைக்குள் சென்றதும், அங்குள்ள ஆப்பிள் ஸ்பெஷலிஸ்ட்கள், படைப்பாளிகள் (Creatives) மற்றும் ஜீனியஸ்கள் (Geniuses) பயனர்களுக்கு ஆப்பிள் தயாரிப்புகள் குறித்து முழுமையான தகவல்களையும், சேவைகளையும் வழங்குவார்கள்.

இந்தக் கடையில, 'Today at Apple' என்று அழைக்கப்படும் இலவச நிகழ்ச்சிகள் நடத்தப்படும். இந்த அமர்வுகளில், ஆப்பிள் பயனர்கள் தங்கள் சாதனங்களை எப்படி சிறப்பாகப் பயன்படுத்துவது என்பதை பற்றி தெரிந்து கொள்ளலாம். புகைப்படம் எடுப்பது, வீடியோக்களை எடிட் செய்வது, இசையை உருவாக்குவது, கோடிங் என பல தலைப்புகளில் பயனுள்ள இலவச பயிற்சி வகுப்புகள் வழங்கப்படும்.

பிற சேவைகள்

இந்த புதிய கடை, வாடிக்கையாளர்களுக்கு முழுமையான ஷாப்பிங் அனுபவத்தை தரும் வகையில் பல சேவைகளை வழங்குகிறது.முழுமையான தயாரிப்புகள்: ஐபோன், மேக், ஐபேட், ஆப்பிள் வாட்ச், ஏர்பாட்ஸ் என ஆப்பிள் நிறுவனத்தின் அனைத்து தயாரிப்புகளும் இங்கு கிடைக்கும்.ஜீனியஸ் பார் (Genius Bar): உங்கள் ஆப்பிள் சாதனத்தில் ஏதேனும் தொழில்நுட்ப கோளாறுகள் இருந்தால், இங்குள்ள நிபுணர்கள் அதை சரிசெய்ய உதவுவார்கள்.ட்ரேட்-இன்: உங்கள் பழைய போன்கள், டேப்லெட்டுகள் போன்றவற்றை கொடுத்து புதிய ஆப்பிள் தயாரிப்புகளுக்கு உடனடியாக தள்ளுபடி பெறலாம்.

இலவச பொறித்தல்: ஐபேட், ஏர்பாட்ஸ் போன்ற குறிப்பிட்ட தயாரிப்புகளில், உங்கள் பெயர் அல்லது ஈமோஜிகளை இலவசமாகப் பொறித்துக் கொள்ளலாம்.
ஆன்லைன் ஆர்டர்கள்: ஆன்லைனில் ஆப்பிள் தளத்தில் ஆர்டர் செய்து, கடையில் நேரடியாக வந்து பெற்றுக்கொள்ளும் வசதியும் உள்ளது.

இந்த கடை, புதிய iPhone 17 சீரிஸ் வெளியீட்டுக்கு ஒரு வாரத்திற்கு முன்பு திறக்கப்படுவதால், இது அதிக வாடிக்கையாளர்களை ஈர்க்கும் என்று எதிர்பார்க்கப்படுகிறது. மொத்தத்தில், பெங்களூருவில் ஆப்பிளின் வருகை, இந்தியாவின் தொழில்நுட்ப சந்தையில் ஒரு புதிய அத்தியாயத்தை தொடங்கி வைத்துள்ளது.