இறங்கு அடிக்க காத்திருக்கும் Vivo X200 Pro, Vivo X200 செல்போன்கள்

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது Vivo X200 Pro, Vivo X200 செல்போன்கள் பற்றி தான்.

இந்தியாவில் Vivo X200 Pro மற்றும் Vivo X200 செல்போன்கள் வியாழக்கிழமை அறிமுகப்படுத்தப்பட்டது. இவை MediaTek Dimensity 9400 சிப்செட்டில் இயங்குகிறது. நீர் மற்றும் தூசி எதிர்ப்பிற்கான IP68 மற்றும் IP69 மதிப்பீட்டைக் கொண்டுள்ளது. Vivo X200 தொடரானது Zeiss மூலம் இணைந்து வடிவமைக்கப்பட்ட மூன்று பின்புற கேமரா யூனிட்டை கொண்டுள்ளது. Pro மாடலில் Vivo நிறுவனத்தின் இன்-ஹவுஸ் V3+ இமேஜிங் சிப் உள்ளது. Vivo X200 மற்றும் Vivo X200 Pro ஆகியவை முறையே 5,800mAh மற்றும் 6,000mAh பேட்டரிகளைக் கொண்டுள்ளது. Vivo X200 தொடர் அக்டோபர் மாதம் சீனாவில் வெளியிடப்பட்டது.

இந்தியாவில் Vivo X200 Pro, Vivo X200 விலை

Vivo X200 Pro 16 ஜிபி ரேம் + 512 ஜிபி மெமரி மாடல் 94,999 ரூபாய் விலையில் ஆரம்பம் ஆகிறது. இது காஸ்மோஸ் பிளாக் மற்றும் டைட்டானியம் கிரே வண்ண விருப்பங்களில் கிடைக்கிறது.

மறுபுறம் வெண்ணிலா Vivo X200 செல்போன் 12 ஜிபி ரேம் + 256 ஜிபி மெமரி மாடல் 65,999 ரூபாய் விலையில் ஆரம்பம் ஆகிறது. 16ஜிபி ரேம் + 512ஜிபி மெமரி மாடல் 71,999 ரூபாய் விலைக்கு கிடைக்கிறது. இது காஸ்மோஸ் பிளாக் மற்றும் நேச்சுரல் கிரீன் நிறங்களில் கிடைக்கிறது.

இரண்டு மாடல்களும் இப்போது முன்பதிவு செய்ய தயாராக உள்ளன. இவை டிசம்பர் 19 முதல் விற்பனைக்கு வரும். புதிய போன்களுக்கு ஒன்பது மாதங்கள் வரை நோ காஸ்ட் EMI விருப்பங்களை Vivo வழங்குகிறது. மேலும், ரூ.500 வரை உடனடி தள்ளுபடி உள்ளது. 9,500 ரூபாய் எக்ஸ்சேஞ்ச் போனஸ் கிடைக்கிறது.

Vivo X200 Pro, Vivo X200 அம்சங்கள்

டூயல் நானோ சிம் வசதி கொண்ட Vivo X200 Pro மற்றும் Vivo X200 ஆனது Android 15 அடிப்படையாகக் கொண்ட Funtouch OS 15 மூலம் இயங்குகிறது. ப்ரோ மாடல் 6.78-இன்ச் LTPO AMOLED டிஸ்ப்ளே கொண்டுள்ளது. இது 120Hz புதுப்பிப்பு விகிதம் மற்றும் பிக்சல் அடர்த்தி கொண்டது. ஸ்டாண்டர்ட் மாடல் 120Hz வரையிலான புதுப்பிப்பு வீதம் மற்றும் 460ppi பிக்சல் அடர்த்தியுடன் சற்று சிறிய 6.67-இன்ச் AMOLED 8T LTPS டிஸ்ப்ளே கொண்டுள்ளது. இரண்டு ஃபோன்களிலும் உள்ள திரைகள் 4,500 nits உச்ச பிரகாசம் மற்றும் 2,160Hz PWM டிம்மிங்கை வழங்குவதாகக் கூறப்படுகிறது.

டிரிபிள் ரியர் கேமராக்கள் உள்ளன. ப்ரோ மாடல் OIS சப்போர்ட் உடன் 50-மெகாபிக்சல் Sony LYT-818 சென்சார் கேமரா, ஆட்டோஃபோகஸ் உடன் 50-மெகாபிக்சல் வைட்-ஆங்கிள் கேமரா மற்றும் OIS சப்போர்ட் உடன் 200-மெகாபிக்சல் டெலிஃபோட்டோ ISOCELL HP9 சென்சார் கேமரா மற்றும் 3.7x ஆப்டிகல் ஜூம் ஆகியவற்றைக் கொண்டுள்ளது. இதில் V3+ இமேஜிங் சிப் உள்ளது. Vivo X200 Pro ஆனது 90W வயர்டு ஃபாஸ்ட் சார்ஜிங் ஆதரவு மற்றும் 30W வயர்லெஸ் சார்ஜிங் ஆதரவுடன் 6,000mAh பேட்டரியைக் கொண்டுள்ளது.