AI-ஆல நமக்கு வந்த வினை இது! 16GB RAM போன்கள் ஆடம்பரம் ஆகப் போகுது! 4GB போன்கள் மீண்டும் வரலாம்

16GB RAM கொண்ட போன்களைத் தவிர்த்து, குறைவான RAM கொண்ட மாடல்களை அறிமுகப்படுத்த திட்டமிட்டுள்ளதாக தகவல்கள் தெரிவிக்கின்றன.

Written by Gadgets 360 Staff மேம்படுத்தப்பட்டது: 15 டிசம்பர் 2025 19:47 IST

AI-ஆல நமக்கு வந்த வினை இது! 16GB RAM போன்கள் ஆடம்பரம் ஆகப் போகுது! 4GB போன்கள் மீண்டும் வரலாம்

Photo Credit: Samsung

16GB RAM போன்களை தவிர்த்து குறைவான RAM மாடல்கள் அறிமுக திட்டம் தகவல்கள் தெரிவிக்கின்றன தற்போது

ஹைலைட்ஸ்

AI டேட்டா சென்டர்களில் ஹார்டுவேருக்கானதேவை அதிகரித்ததால், RAM உற்பத்தி கு
2026ல் 16GB RAM கொண்ட ஃபிளாக்ஷிப் போன்கள் மிகவும் அரிதாகலாம்
பல நிறுவனங்கள் 12GB RAM மாடல்களுக்குப் பதிலாக 6GB/8GB மாடல்களை அதிகமாகக்

விளம்பரம்

டெக்னாலஜி உலகம்ல இப்போ ஒரு அதிர்ச்சி நியூஸ் ஹாட் டாபிக்கா போயிட்டு இருக்கு! நாம எல்லாருமே 12GB, 16GB RAM கொண்ட போன்களைத் தேடிட்டு இருக்கோம். ஆனா, அடுத்த வருஷம் 2026-ல், இந்த 16GB RAM போன்கள் சந்தையில கிடைப்பது அரிதாகப் போகலாம்! ஏன் இந்த நிலைமை? இதற்குக் காரணம், உலகளாவிய சந்தையில் ஏற்பட்டிருக்கும் மெமரி சிப் பற்றாக்குறை (Memory Shortage) தான்! குறிப்பாக, ஸ்மார்ட்போன்களில் பயன்படுத்தப்படும் DRAM (Dynamic Random Access Memory) சிப்களின் விலை தாறுமாறாக ஏறிக்கிட்டு இருக்கு.

பற்றாக்குறைக்குக் காரணம் என்ன?

இந்த விலை ஏற்றத்துக்கும், பற்றாக்குறைக்கும் ஒரே ஒரு காரணம் தான் – AI (Artificial Intelligence)!

AI-ன் ஆதிக்கம்: Google, OpenAI, Microsoft போன்ற பெரிய நிறுவனங்கள், அவங்களுடைய AI மாடல்களை ட்ரெய்ன் பண்றதுக்காகவும், AI டேட்டா சென்டர்களுக்காகவும், அதிக ஆற்றல் கொண்ட HBM (High-Bandwidth Memory) சிப்களை அதிகமா கொள்முதல் செய்யுது.

உற்பத்தி மாற்றம்: Samsung, SK Hynix, Micron போன்ற பெரிய சிப் தயாரிப்பு நிறுவனங்கள், அதிக லாபம் ஈட்ட, தங்களுடைய உற்பத்தி வளங்கள்ல (Production Resources) பெரும்பாலானதை, இந்த HBM சிப்களைத் தயாரிக்கிறதுல அதிகமா செலவு செய்ய ஆரம்பிச்சுட்டாங்க.

விளைவு: இதனால, நமக்குத் தேவையான கம்ப்யூட்டர் மற்றும் ஸ்மார்ட்போன்களில் பயன்படுத்தப்படும் கன்ஸ்யூமர் கிரேடு RAM சிப்களின் (DDR5/LPDDR5) உற்பத்தி ரொம்பவே குறைஞ்சிடுச்சு! டிமாண்ட் இருக்கு, ஆனா சப்ளை இல்லை!

ஸ்மார்ட்போன் மார்க்கெட்டில் தாக்கம் என்ன?

மெமரி சிப்களின் விலை உயர்வை, எல்லா மார்க்கெட்டிலும் உயர்த்த முடியாது. அதிலும் இந்தியா போன்ற விலை உணர்திறன் கொண்ட (Price-Sensitive) சந்தைகள்ல போன் விலையை உயர்த்தினா, யாரும் வாங்க மாட்டாங்க. அதனால, உற்பத்தியாளர்கள் இந்த அழுத்தத்தை சமாளிக்க ஒரு முடிவெடுத்திருக்காங்க:

16GB RAM போன்கள் எக்ஸ்டிங்ட்: அடுத்த வருஷம் 16GB RAM கொண்ட மாடல்கள், ரொம்பவே விசேஷமான (Luxury) மாடல்களாக மட்டும்தான் கிடைக்கும்.

RAM குறைப்பு: இப்போ 12GB RAM-ல் வரும் ஃபிளாக்ஷிப் போன்கள், 8GB RAM ஆக குறைக்கப்படலாம் (சுமார் 40% குறைப்பு). 8GB RAM-ல் வந்த போன்கள், 6GB / 4GB RAM ஆக கூட மாறலாம்! (50% குறைப்பு).

4GB RAM-ன் ரீ-என்ட்ரி: கம்மி விலைப் போன்கள்ல 4GB RAM மாடல்கள் திரும்பவும் அதிகமாக வரலாம்!

இதே நிலைமை தொடர்ந்தால், கம்மியான RAM-ஐ வச்சுக்கிட்டு அதிக விலைக்கு போன்களை வாங்கும் நிலைமை வரலாம். ஏற்கனவே சில நிறுவனங்கள் தன்னுடைய போன்களின் விலையை 33% வரை உயர்த்தியிருக்கு. இந்த RAM பற்றாக்குறை பத்தி உங்க கருத்து என்ன? நீங்க 16GB RAM போன் வச்சிருக்கீங்களா? கமெண்ட்ஸ்ல சொல்லுங்க.

Comments

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.