விஜய் சேதுபதி - மிஷ்கின் கூட்டணியின் பயணம்: ரசிக்க வைக்கும் 'ட்ரெயின்' மிரட்டல் டீசர்!

நீண்ட கால இடைவெளிக்குப் பிறகு இயக்குநர் மிஷ்கின் தனது புதிய படைப்பான 'ட்ரெயின்' (Train) படத்தின் மூலம் மீண்டும் இயக்குநராகக் களம் இறங்கியுள்ளார். இப்படத்தின் டீசர் தற்போது வெளியாகியுள்ள நிலையில், இதன் ரிலீஸ் சினிமா வட்டாரத்தில் பெரும் எதிர்பார்ப்பை ஏற்படுத்தியுள்ளது. மேலும், இப்படத்தின் மூலம் விஜய் சேதுபதியும் மிஷ்கினும் முதன்முறையாக இணைந்துள்ளனர் என்பது குறிப்பிடத்தக்கது.

மிஷ்கினின் தனித்துவமான இயக்கம்

கடந்த சில ஆண்டுகளாக நடிப்பில் மட்டுமே கவனம் செலுத்தி வந்த மிஷ்கின், மீண்டும் முழு வீச்சில் இயக்கத்திற்குத் திரும்பியுள்ளது ரசிகர்களுக்குப் பெரிய விருந்தாக அமைந்துள்ளது. மேலும், இப்படத்தில் ஸ்ருதி ஹாசனும் ஒரு முக்கிய கதாபாத்திரத்தில் நடித்து வருகிறார். மிஷ்கினின் தனித்துவமான மேக்கிங் ஸ்டைல் மற்றும் கிரியேட்டிவ் சிந்தனை இந்தத் டீசரிலும் அச்சு அசலாக வெளிப்பட்டுள்ளது.

டீசரின் மிகப்பெரிய பலம் அதன் வேகமான காட்சிக் கோர்ப்புகள்தான். கதையின் எந்த முக்கியச் சுவாரசியத்தையும் வெளிப்படுத்தாமல், பார்வையாளர்கள் மத்தியில் ஒருவித பதற்றத்தையும் மர்மத்தையும் தூண்டும் வகையில் காட்சிகள் அமைக்கப்பட்டுள்ளன. மிஷ்கினின் வழக்கமான சிக்னேச்சர் ஷாட்களுடன், முந்தைய படங்களை விட அதிக சுறுசுறுப்பான மற்றும் ஸ்டைலான மேக்கிங் இதில் காணப்படுகிறது.

 விஜய் சேதுபதியின் மாஸான ரக்கட் தோற்றம்

படத்தின் டார்க் மூடுக்கு ஏற்றவாறு நடிகர் விஜய் சேதுபதி மிகவும் ரக்கட்டான மற்றும் மாஸான தோற்றத்தில் காட்சியளிக்கிறார். வசனங்களுக்கு அதிக முக்கியத்துவம் தராமல், விசுவலான காட்சிகள், முகபாவனைகள் மற்றும் பின்னணி இசையை மட்டுமே நம்பி டீசர் உருவாக்கப்பட்டுள்ளது. இது ரயில் பயணத்திற்குள் என்னவெல்லாம் நடக்கப் போகிறது என்ற ஆவலை ரசிகர்களிடம் பன்மடங்கு அதிகரித்துள்ளது. டீசர் வெளிவந்த சில மணி நேரங்களிலேயே சமூக வலைதளங்களில் இது குறித்த விவாதங்கள் சூடுபிடித்துள்ளன. வழக்கமான கமர்ஷியல் படங்களிலிருந்து இது முற்றிலும் மாறுபட்டதாக இருக்கும் என ரசிகர்கள் கூறிவருகின்றனர். போஸ்ட் புரொடக்ஷன் பணிகள் நடைபெற்று வரும் நிலையில், இறுதிப் படம் டீசரைப் போலவே சிறப்பாக அமைந்தால் 'ட்ரெயின்' இந்த ஆண்டின் மிகவும் பேசப்படும் தமிழ்த் த்ரில்லர் படங்களில் ஒன்றாக மாறும் என்பதில் ஐயமில்லை.