45W-க்கு இனி டாட்டா! Galaxy S26 Ultra-ல் 60W சார்ஜிங் வருது! Wireless-ல 25W! சாம்சங் ஃபேன்ஸ் இதைத்தான் கேட்டாங்க

ஸ்மார்ட்போன் மார்க்கெட்டுல Samsung-ன் Galaxy S Ultra சீரிஸ் போன்கள் எப்பவுமே பெர்ஃபார்மன்ஸ், கேமரான்னு எல்லாத்துலயும் டாப்பா இருக்கும். ஆனா, இந்த ஃபிளாக்ஷிப் போன்கள்ல ஒரே ஒரு சின்ன குறை என்னன்னா, சார்ஜிங் வேகம்! சீன நிறுவனங்களின் போன்கள் 100W, 120Wன்னு சார்ஜ் ஆகும்போது, Samsung-ன் Ultra மாடல்கள் 45W-லயே சுத்திட்டு இருக்கும். இப்போ, அந்த குறையைப் போக்க Samsung ஒரு மாஸ் அப்கிரேடை கொண்டு வரப் போறாங்க. அடுத்த வருஷம் வரப்போகிற Samsung Galaxy S26 Ultra ஸ்மார்ட்போன், இப்போ சீனாவோட முக்கியமான 3C சான்றிதழ் தளத்துல (3C Certification) பட்டியலிடப்பட்டிருக்கு! இந்த லிஸ்டிங்லதான், இந்த போனோட சார்ஜிங் வேகம் பத்தின முக்கியமான தகவல் கசிஞ்சிருக்கு. ஆமாங்க! Samsung Galaxy S26 Ultra, இனிமேல் 60W வயர்டு ஃபாஸ்ட் சார்ஜிங்கை சப்போர்ட் பண்ணும்! (20.0V DC மற்றும் 3.0A அவுட்புட்). 45W-லயே பல வருஷமா இருந்த Samsung, இப்போ 60W-க்கு அப்கிரேட் ஆகுறது ஒரு பெரிய விஷயம்! Samsung இதை "Super Fast Charging 3.0" என்ற பெயரில் அறிமுகப்படுத்தலாம்னு எதிர்பார்க்கப்படுது.

ஏன் இந்த அப்கிரேட் முக்கியம்?

இது வெறும் வாட்ஸ் (Wattage) அப்கிரேடு மட்டும் இல்ல. பழைய 45W சார்ஜிங், கொஞ்ச நேரத்துலயே சூடாகி, சார்ஜிங் வேகத்தை குறைச்சிடும். ஆனா, இந்த 60W சார்ஜிங், PPS (Programmable Power Supply) போன்ற புதிய தொழில் நுட்பத்தைப் பயன்படுத்தி, போன் சூடாகாம அதிக நேரம் 45W-ஐ மெயின்டெயின் செஞ்சு, வேகமான சார்ஜிங்கை கொடுக்குமாம்.

மற்ற பவர் அப்கிரேடுகள்:

வயர்லெஸ் சார்ஜிங்கைப் பொறுத்தவரைக்கும், S26 Ultra மாடல்ல 25W வயர்லெஸ் சார்ஜிங் சப்போர்ட் இருக்கலாம்! இதுவும் 15W-ல் இருந்து 25W-க்கு வந்திருக்கிற ஒரு பெரிய அப்கிரேட் தான்! அதுமட்டுமில்லாம, இந்த போன்ல Apple-ன் MagSafe போல, Qi 2.2 ஸ்டாண்டர்ட்டுடன் மேக்னடிக் சார்ஜிங் (Magnetic Charging) வசதியும் உள்ளமைக்கப்பட்டிருக்கும்னு தகவல் கசிஞ்சிருக்கு.

மற்ற எதிர்பார்க்கப்படும் அம்சங்கள்:

• சிப்செட்: Qualcomm Snapdragon 8 Elite Gen 5 for Galaxy சிப்செட் (உலகளாவிய மாடல்).
• பேட்டரி: முந்தைய Ultra மாடல்கள் போல 5,000mAh பேட்டரி திறன்.
• கேமரா: 200MP மெயின் கேமரா கொண்ட குவாட்-ரியர் கேமரா செட்டப்.
• டிஸ்பிளே: 6.9-இன்ச் M14 QHD+ AMOLED டிஸ்பிளே (120Hz).

இந்த Samsung Galaxy S26 Ultra அடுத்த வருஷம் பிப்ரவரி 2026-ல் லான்ச் ஆகும்னு எதிர்பார்க்கப்படுது! இப்போ சார்ஜிங்கிலும் அப்கிரேட் வந்திருக்கிறதால, இது உண்மையான ஃபிளாக்ஷிப் மாஸ்டர் பீஸா இருக்கும். 60W சார்ஜிங் அப்கிரேட் பத்தி உங்க கருத்து என்னன்னு கமெண்ட்ஸ்ல சொல்லுங்க.