Samsung Galaxy S24 Ultra செல்போன் அடுத்த அவதாரம் எடுத்து வருகிறது

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது Samsung Galaxy S24 Ultra செல்போன் பற்றி தான்.

சாம்சங் நிறுவனம் Samsung Galaxy S24 Ultra மற்றும் Galaxy S24 செல்போனில் Enterprise Edition வெளியிடுகிறது. எண்டர்பிரைஸ் எடிஷன் மாடல்கள் நிறுவனத்தை மையமாகக் கொண்ட ஆப்ஷன்களுடன் வருகின்றன. மூன்று வருட சாதன உத்தரவாதமும், ஏழு வருட ஃபார்ம்வேர் புதுப்பிப்புகளைப் பெறுவது உறுதிப்படுத்தப்பட்டுள்ளது. Galaxy S24 மற்றும் Galaxy S24 Ultra Enterprise Edition பதிப்புகளில் Galaxy AI அம்சங்கள் மற்றும் ஒரு வருட Knox Suit சந்தா இலவசமாக வருகிறது.

Samsung Galaxy S24 Ultra, Galaxy S24 Enterprise Edition இந்தியா விலை
Samsung Galaxy S24 Enterprise Edition விலை 8 ஜிபி ரேம் + 256 ஜிபி மெமரி இந்தியாவில் 78,999 ரூபாய் விலையில் ஆரம்பம் ஆகிறது. இது ஓனிக்ஸ் கருப்பு நிறத்தில் விற்பனைக்கு வருகிறது. இதற்கிடையில் Samsung Galaxy S24 Ultra எண்டர்பிரைஸ் மாடல் 12 ஜிபி ரேம் + 256 ஜிபி மெமரி 96,749 ரூபாய் விலையில் ஆரம்பம் ஆகிறது. இது டைட்டானியம் பிளாக் நிறத்தில் கிடைக்கிறது. சாம்சங்கின் கார்ப்பரேட்+ போர்டல் மூலம் விற்பனைக்கு வந்துள்ளது.

Samsung Galaxy S24 Ultra, Galaxy S24 Enterprise Edition அம்சங்கள்

கார்ப்பரேட் வாடிக்கையாளர்களை ஈர்ப்பதற்காக Samsung Galaxy S24 Ultra மற்றும் Galaxy S24 Enterprise Edition போன்களை மூன்று வருட வாரண்டியுடன் வழங்குகிறது. பாதுகாப்பு மற்றும் எண்டர்பிரைஸ் மொபிலிட்டி மேனேஜ்மென்ட்டை (EMM) செயல்படுத்த, சாதனங்கள் சாம்சங்கின் ஒரு வருட Knox Suit சந்தாவை வழங்கும். எண்டர்பிரைஸ் வாடிக்கையாளர்கள் 50 சதவீத மானிய விலையில் இரண்டாம் ஆண்டிலிருந்து Knox Suit சந்தாவைப் பெறலாம்.

எண்டர்பிரைஸ் மாடல்களுக்கு ஏழு வருட OS புதுப்பிப்புகள் மற்றும் பாதுகாப்பு பராமரிப்பு கிடைக்கும் என சாம்சங் உறுதியளிக்கிறது. Galaxy S24 மற்றும் Galaxy S24 Ultra Enterprise Edition ஆனது பிரபலமான Galaxy AI அம்சங்களுடன் லைவ் டிரான்ஸ்லேட், மொழிபெயர்ப்பு, அரட்டை உதவி, குறிப்பு உதவி, டிரான்ஸ்கிரிப்ட் உதவி மற்றும் Google மூலம் தேடும் ஆப்ஷன்களை கொண்டுள்ளது.

வணிகத்தை மையமாகக் கொண்ட அம்சங்களைத் தவிர, Galaxy S24 மற்றும் Galaxy S24 Ultra Enterprise Edition மாடல்களில் கூடுதல் வசதிகளும் இருக்கிறது. Galaxy S24 Ultra ஆனது 6.8-inch Edge QHD+ Dynamic AMOLED 2X டிஸ்ப்ளேவை கொண்டுள்ளது. இது 1Hz–120Hz அடாப்டிவ் ரெஃப்ரெஷ் ரேட்டுடன் கொண்டுள்ளது. அதே சமயம் Galaxy S24 ஆனது 6.2-இன்ச் முழு-HD+ டிஸ்ப்ளேவைக் கொண்டுள்ளது. அல்ட்ரா மாடல் Galaxy Snapdragon 8 Gen 3 மொபைல் பிளாட்ஃபார்மில் இயங்குகிறது. அதே சமயம் வெண்ணிலா மாடல் இந்தியாவில் Exynos 2400 SoC சிப்பை கொண்டுள்ளது.

Galaxy S24 Ultra ஒரு குவாட் ரியர் கேமரா அமைப்பைக் கொண்டுள்ளது. 200 மெகாபிக்சல் கேமரா உள்ளது. Galaxy S24 ஆனது 50-மெகாபிக்சல் கேமராவிகொண்ட மூன்று பின்புற கேமரா யூனிட்டை கொண்டுள்ளது. இரண்டு மாடல்களும் 12 மெகாபிக்சல் செல்ஃபி சென்சார்கள் கேமராவுடன் வருகிறது. சாம்சங் கேலக்ஸி எஸ்24 அல்ட்ராவில் 5,000எம்ஏஎச் பேட்டரியையும், கேலக்ஸி எஸ்24ல் 4,000எம்ஏஎச் பேட்டரியையும் பேக் செய்துள்ளது.