Samsung Galaxy A16 கடந்த ஆண்டு அக்டோபர் மாதம் இந்தியாவில் அறிமுகப்படுத்தப்பட்டது
Photo Credit: Samsung
நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட கேட்ஜெட் எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். செல்போன் தாண்டி மற்ற தொழில்நுட்ப தகவல்களும் உங்களை வந்து சேரும். இப்போது நாம் பார்க்க இருப்பது Samsung Galaxy F16 செல்போன் பற்றி தான்.
சாம்சங் கேலக்ஸி F16 விரைவில் இந்தியாவில் அறிமுகப்படுத்தப்படலாம் என தெரிகிறது. இன்னும் சரியான வெளியீட்டு தேதியை வெளியிடவில்லை, ஆனால் கேலக்ஸி F16 செல்போனின் அம்சங்கள் மற்றும் விலை வரம்பு ஆன்லைனில் கசிந்துள்ளது. வரவிருக்கும் Samsung Galaxy F16 மீடியா டெக் டைமன்சிட்டி 6300 சிப்செட் பொருத்தப்பட்டதாகக் கூறப்படுகிறது. இது மூன்று பின்புற கேமரா யூனிட்டைக் கொண்டிருக்கும் என்று எதிர்பார்க்கப்படுகிறது. இதில் 50 மெகாபிக்சல் முதன்மை கேமராவும் அடங்கும். கேலக்ஸி F16 செல்போன் கேலக்ஸி A16 5G செல்போனின் மறுபெயரிடப்பட்ட பதிப்பாக அறிமுகமாகும் என்று எதிர்பார்க்கப்படுகிறது.
இந்தியாவில் Samsung Galaxy F16 விலை ரூ 15,000 க்கும் குறைவாகவே இருக்கும். Galaxy A16 மாடல் இந்தியாவில் அக்டோபர் 2024ல் அறிமுகப்படுத்தப்பட்டது. அது 8GB ரேம் + 128GB RAM மெமரி மாடல் ரூ. 18,999 விலையில் அறிமுகம் ஆனது. அதனுடன் ஒப்பிடுகையில் இது சற்று விலை குறைவாக இருக்கும் என எதிர்பார்க்கப்படுகிறது.
இது 90Hz புதுப்பிப்பு வீதத்துடன் 6.7-இன்ச் முழு-HD+ AMOLED டிஸ்ப்ளேவைக் கொண்டிருக்கும் என எதிர்பார்க்கப்படுகிறது. இது MediaTek இன் 6nm Dimensity 6300 செயலியில் இயங்கக்கூடும். மேலும் 8GB LPDDR4X RAM உடன் வரலாம். இது 50-மெகாபிக்சல் முதன்மை கேமரா, 5-மெகாபிக்சல் அல்ட்ரா வைட்-ஆங்கிள் கேமரா மற்றும் குறிப்பிடப்படாத மூன்றாவது சென்சார் கேமரா ஆகியவற்றைக் கொண்ட மூன்று பின்புற கேமரா யூனிட் கொண்டிருக்கும் என்று கூறப்படுகிறது.
செல்ஃபிகள் மற்றும் வீடியோ அரட்டைகளுக்காக சாம்சங் கேலக்ஸி F16 செல்போனில் 13-மெகாபிக்சல் முன் கேமராவை இருக்கவாய்ப்புள்ளது. இது 25W வரை வேகமான வயர்டு சார்ஜிங்கை சப்போர்ட் செய்யும். கேலக்ஸி A16 மாடலிலும் இதே அம்சங்கள் தான் இருக்கிறது. 5000mAh பேட்டரி உடன் இந்த அசத்தலான சாம்சங் கேலக்ஸி எப்16 ஸ்மார்ட்போன் அறிமுகம் செய்யப்படும். எனவே இந்த ஸ்மார்ட்போனை வாங்கும் பயனர்களுக்கு சார்ஜ் பற்றிய கவலை இருக்காது.
இந்தியாவில் புதிய கேலக்ஸி எஃப்-சீரிஸ் போன் வருவதை பிளிப்கார்ட் சமீபத்தில் அறிவித்தது . வரவிருக்கும் சாதனம் கேலக்ஸி எஃப்16 5ஜி ஆக இருக்கலாம். மாடல் எண் SM-E166P/DS உடன் கேலக்ஸி எஃப்16க்கான பக்கம் தற்போது சாம்சங் இந்தியா வலைத்தளத்தில் நேரலையில் உள்ளது. இது முன்னதாக வைஃபை அலையன்ஸ் தரவுத்தளத்தில் தோன்றியது. பட்டியலில் இது இரட்டை பேண்ட் வைஃபை இணைப்பைக் கொண்டிருக்கும் என்று காட்டியது.
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.