‘ரியல்மி 3 ப்ரோ’ முதன்முறையாக இன்று சேலுக்கு வருகிறது: தள்ளுபடி, முழு விவரம் உள்ளே!

ரியல்மி 3 ப்ரோ(Realme 3 pro) போன், இன்று மதியம் 12 மணி முதல் இந்தியாவில் முதன்முறையாக விற்கப்பட உள்ளது. ஃப்ளிப்கார்ட் தளம் மூலமும் ரியல்மி தளம் மூலமும் இந்த போன் விற்கப்படும். ரெட்மி நோட் 7 ப்ரோவுக்குப் போட்டியாக ரியல்மி 3 ப்ரோ வெளியிடப்படுகிறது. வாட்டர்-ட்ராப் நாட்ச், 6.3 இன்ச் ஸ்க்ரீன், குவால்கம் ஸ்னாப்டிராகன் 710 எஸ்.ஓ.சி உள்ளிட்ட வசதிகளை இந்த போன் பெற்றிருக்கும். மூன்று வகைகளில் இந்த போன் சந்தையில் கிடைக்கும். 

ரியல்மி 3 ப்ரோ விலை:

ரியல்மி 3 ப்ரோவின் 4ஜிபி + 64ஜிபி வகை 13,999 ரூபாய்க்கும், 6ஜிபி + 64ஜிபி வகை மற்றும் 6ஜிபி+ 128ஜிபி வகைகள் முறையே 15,999 ரூபாய்க்கும் 16,999 ரூபாய்க்கும் விற்கப்பட உள்ளன. கார்பன் க்ரே மற்றும் நைட்ரோ ப்ளூ வண்ணங்களில் இந்த போனை வாங்க முடியும். 

ரியல்மி தளத்திலிருந்து, ரியல்மி 3 ப்ரோ போனை வாங்கும் முதல் 1000 வாடிக்கையாளர்களுக்கு ரியல்மி பட்ஸ் இலவசமாக கொடுக்கப்படும். மேலும் ரியல்மி தளத்தில் இருந்து போனை, மொபிக்விக் பயன்படுத்தி வாங்குபவர்களுக்கு 1,500 ரூபாய் கேஷ்-பேக் கொடுக்கப்படும். 

ஃப்ளிப்கார்ட் தளம் மூலம் இந்த போனை, எச்.டி.எப்.சி கிரெடிட், டெபிட் கார்டுகள பயன்படுத்தி வாங்குபவர்களுக்கு 1,000 ரூபாய் தள்ளுபடி கொடுக்கப்படும். ஃப்ளிப்கார்ட் பயனர்களுக்கு 6 மாத நோ காஸ்ட் இ.எம்.ஐ வசதியும் கொடுக்கப்படும். 

ரியல்மி 3 ப்ரோ சிறப்பம்சங்கள்:

ஆண்ட்ராய்டு 9 பைய் மூலம் இயங்கும் ரியல்மி 3 ப்ரோ போன், 6.3 முழு எச்.டி+ திரை, 19.5:9 ஆஸ்பெக்ட் ரேஷியோ, கொரில்லா க்ளாஸ் 5 பாதுகாப்பு, குவால்கம் ஸ்னாப்டிராகன் 710 எஸ்.ஓ.சி, 4ஜிபி மற்றும் 6ஜிபி ரேம் உட்கட்டமைப்பு, அட்ரினோ 6161 ஜிபியூ, 64ஜிபி/128ஜிபி சேமிப்பு வசதி கட்டமைப்பு உள்ளிட்ட வசதிகளைப் பெற்றிருக்கும்.

கேமரா வசதியைப் பொறுத்தவரை, போனின் பின்புறத்தில் 16 மெகா பிக்சல் கொண்ட முதன்மை கேமரா, 5 மெகா பிக்சல் இரண்டாவது கேமரா கொடுக்கப்பட்டுள்ளது. 25 மெகா பிக்சல் கொண்ட செல்ஃபி கேமராவையும் ரியல்மி 3 ப்ரோ பெற்றிருக்கிறது. 

கூடுதலாக ஃபிங்கர் பிரின்ட் சென்சார், 4,045 எம்.ஏ.எச் பேட்டரி, டூயல் சிம் சப்போர்ட், 4ஜி எல்.டி.இ, வைட்வைன் L1 இணைப்பு ஆகியவற்றை ரியல்மி 3 ப்ரோ கொண்டுள்ளது.