Bose தரத்தில் இப்போ Noise ஹெட்ஃபோன்கள்! Noise Master Buds Max இந்தியாவில் வெளியானது

இந்தியாவின் முன்னணி அணியக்கூடிய (Wearable) தொழில்நுட்ப பிராண்டுகளில் ஒன்றான Noise, தனது Master Buds வரிசையின் கீழ் புதிய Noise Master Buds Max என்ற ஓவர்-இயர் (Over-Ear) ஹெட்ஃபோனை அறிமுகப்படுத்தியுள்ளது. இந்த புதிய ஹெட்ஃபோன் ஆனது, உலகளவில் புகழ்பெற்ற ஆடியோ நிறுவனமான Bose-ன் சிறப்பு ஆடியோ டியூனிங்கைப் பெற்றிருப்பது இதன் மிக முக்கியமான சிறப்பம்சமாகும்.Noise Master Buds Max ஹெட்ஃபோனின் அசல் விலை ₹11,999 ஆக நிர்ணயிக்கப்பட்டுள்ளது. இருப்பினும், நிறுவனம் இதனை அறிமுகச் சலுகை விலையாக ₹9,999-க்கு விற்பனை செய்து வருகிறது. இந்த புதிய ஹெட்ஃபோன்கள் Titanium, Onyx, மற்றும் Silver ஆகிய மூன்று வண்ணங்களில் கிடைக்கின்றன. இதை Noise நிறுவனத்தின் அதிகாரப்பூர்வ இணையதளம், அமேசான் மற்றும் Reliance Digital, Croma போன்ற சில்லறை விற்பனைக் கடைகளிலும் வாங்கலாம்.

முக்கிய அம்சங்கள் மற்றும் விவரக்குறிப்புகள்:

• Sound by Bose: இந்த ஹெட்ஃபோன்கள் Bose நிறுவனத்துடன் இணைந்து மிகத் துல்லியமான, ஸ்டுடியோ-தர ஆடியோ அனுபவத்தை வழங்குவதற்காக டியூன் செய்யப்பட்டுள்ளன. இது தெளிவான குரல்கள் (Vocals), மிருதுவான ட்ரெபில் (Treble) மற்றும் ஆழமான பாஸ் (Bass) ஆகியவற்றுக்கு உத்தரவாதம் அளிக்கிறது.
• Audio Drivers: இதில் 40mm அளவுள்ள டைனமிக் Drivers பயன்படுத்தப்பட்டுள்ளன. இது LHDC 5.0 கோடெக்-க்கு ஆதரவு அளிக்கிறது, இதன் மூலம் Hi-Res தரத்திலான வயர்லெஸ் ஆடியோவை அனுபவிக்க முடியும்.
• Active Noise Cancellation (ANC): Noise Master Buds Max ஆனது, 40dB வரை இரைச்சலைக் குறைக்கக்கூடிய Adaptive Active Noise Cancellation (ANC) அம்சத்தைக் கொண்டுள்ளது. இது சுற்றுப்புறத்தின் ஒலியைப் பொறுத்து தானாகவே சத்தத்தைக் குறைக்கும் திறனைக் கொண்டது. இதுமட்டுமல்லாமல், சுற்றுப்புற ஒலிகளைக் கேட்க உதவும் Transparency Mode-ம் இதில் உள்ளது.
• Dynamic EQ: இந்த ஹெட்ஃபோன் ஒரு Dynamic EQ அம்சத்துடன் வருகிறது. இது நாம் கேட்கும் ஒலியின் அளவைப் பொறுத்து (Volume Level) பாஸ் மற்றும் ட்ரெபில் ஆகியவற்றைத் தானாகவே சரிசெய்து, அனைத்து ஒலிகளிலும் தெளிவான அனுபவத்தை உறுதி செய்கிறது.
• Battery Life: Battery திறன் என்பது இந்த ஹெட்ஃபோனின் மற்றொரு மிகப்பெரிய பலமாகும். ANC இல்லாமல், இது 60 மணிநேரம் வரை நீடித்த Playtime-ஐ வழங்கும் என Noise நிறுவனம் தெரிவித்துள்ளது. மேலும், வெறும் 10 நிமிடங்கள் சார்ஜ் செய்தால் 10 மணிநேரம் வரை பயன்படுத்தக்கூடிய Fast Charging வசதியும் இதில் உள்ளது.

பிற அம்சங்கள்: இதில் அழைப்புகளின்போது சத்தத்தைக் குறைப்பதற்காக

Environmental Noise Cancellation (ENC) கொண்ட ஐந்து மைக்ரோஃபோன்கள், Spatial Audio ஆதரவு, Dual-device pairing, Bluetooth 5.4 இணைப்பு மற்றும் வியர்வை மற்றும் லேசான நீர்த் திவலைகளிலிருந்து பாதுகாக்கும் IPX4 Rating ஆகிய அம்சங்கள் அடங்கும். இதன் எடை 262 கிராம் மற்றும் மிருதுவான Vegan Leather குஷன்ஸ் நீண்ட நேரம் அணியும்போதும் சோர்வு ஏற்படாமல் பார்த்துக் கொள்ளும்.