DoT-இன் SIM Binding விதி என்ன? – மெசேஜிங் ஆப்ஸ் மற்றும் பயனர்களுக்கு இதன் தாக்கம்

இந்தியாவின் Department of Telecommunications (DoT), மெசேஜிங் தளங்களுக்கு கடுமையான சரிபார்ப்பு முறையை அறிமுகப்படுத்தும் வகையில் SIM Binding என்ற புதிய விதியை டிசம்பர் 1 அன்று அறிவித்தது. இந்த உத்தரவின் படி, மெசேஜிங் தளங்களுக்கு இந்த மாற்றங்களை நடைமுறைப்படுத்த 90 நாட்கள் கால அவகாசம் வழங்கப்பட்டது. அந்த அறிவிப்புக்கு பிறகு மூன்று மாதங்கள் கடந்துவிட்டன.

இந்த விதியின் முக்கிய நோக்கம், மெசேஜிங் ஆப் கணக்குகள் எப்போதும் செயலில் இருக்கும் SIM கார்டுடன் இணைக்கப்பட்டிருக்க வேண்டும் என்பதாகும். இதன் மூலம் அதிகரித்து வரும் டிஜிட்டல் மோசடி, நிதி மோசடி, ஆன்லைன் ஏமாற்றுகள் மற்றும் அடையாளத் தவறான பயன்பாடு போன்ற பிரச்சினைகளை கட்டுப்படுத்த அரசு முயற்சி செய்கிறது.

ஆனால், Internet Freedom Foundation என்ற இணைய உரிமைகள் அமைப்பு இந்த SIM Binding கட்டாயத்தை திரும்பப் பெற வேண்டும் என்று DoT-யை கேட்டுக் கொண்டுள்ளது.

SIM Binding என்றால் என்ன?

இந்த புதிய உத்தரவு Department of Telecommunications மூலம் Telecommunication Cyber Security (TCS) Rules, 2024 விதிகளில் திருத்தமாக வெளியிடப்பட்டுள்ளது. புதுப்பிக்கப்பட்ட விதிகள் Telecommunication Cyber Security (TCS) Amendment Rules, 2025 என்ற பெயரில் அறிவிக்கப்பட்டுள்ளன.

இந்த சட்டத்தின் படி:

ஒரு மெசேஜிங் ஆப்பில் பதிவு செய்த போது பயன்படுத்திய SIM கார்டே தொடர்ந்து செயல்பாட்டில் இருக்க வேண்டும். பயனர் கணக்கு அந்த SIM கார்டுடன் இணைந்திருக்க வேண்டும். சேவை வழங்குநர்கள் தொடர்ச்சியான SIM சரிபார்ப்பு (continuous SIM validation) செய்ய வேண்டும். இந்த விதி Telecommunication Identifier User Entities (TIUEs) எனப்படும் மெசேஜிங் சேவைகளுக்கு பொருந்தும்.

இதில் அடங்கும் பிரபல ஆப்கள்:

WhatsApp, Telegram, Signal, Snapchat, Messenger, SIM Binding மூலம், ஒரு கணக்கின் பதிவு செய்யப்பட்ட தொலைபேசி எண் டெலிகாம் சந்தாதாரர் பதிவுகளுடன் எப்போதும் சரிபார்க்கக்கூடியதாக இருக்கும். DoT கூறுவதற்கின்படி, சில குற்றவாளிகள் SIM நீக்கப்பட்ட பிறகும் அல்லது SIM செயலிழந்த பிறகும் மெசேஜிங் ஆப்புகளை பயன்படுத்தும் வசதியை பயன்படுத்தி மோசடிகள் செய்து வருகின்றனர்.

Internet Freedom Foundation எழுப்பிய கவலைகள்

Internet Freedom Foundation (IFF) இந்த விதி நடைமுறையில் சிக்கல்களை உருவாக்கும் என்று கூறியுள்ளது. அவர்கள் குறிப்பிட்ட சில பிரச்சினைகள்: வெளிநாடு செல்லும் பயனர்கள் international roaming pack வாங்க வேண்டிய நிலை ஏற்படலாம். SIM கார்டு சேதமடைந்தால், பயனர்கள் அவர்களின் chat history-ஐ அணுக முடியாமல் போகலாம். SIM இல்லாமல் அல்லது SIM மாற்றிய பிறகும் பயன்படுத்தும் வசதி குறையலாம்.

SIM Binding எப்படி வேலை செய்யும்?

DoT விளக்கத்தின் படி, SIM Binding என்பது: பயனர் மெசேஜிங் கணக்கை. ஸ்மார்ட்போனில் உள்ள செயலில் இருக்கும் SIM கார்டுடன் இணைப்பது. இதன் மூலம்: பதிவு செய்யப்பட்ட தொலைபேசி எண் செயலில் உள்ளதா என்பதை சரிபார்க்கலாம். மெசேஜிங் ஆப்கள் தொடர்ச்சியான சரிபார்ப்பு சோதனைகள் செய்ய வேண்டும் மேலும், சேவை வழங்குநர்கள்:

SIM கார்டு நீக்கப்பட்டால் அல்லது மாற்றப்பட்டால், பயனர் கணக்கிற்கு அணுகலை கட்டுப்படுத்த வேண்டியிருக்கும். பயனர்களுக்கு ஏற்படும் தாக்கம், இந்த விதி குறிப்பாக கீழ்கண்ட பயனர்களுக்கு பாதிப்பு ஏற்படுத்தலாம்:

அடிக்கடி மொபைல் சாதனம் மாற்றுபவர்கள், SIM கார்டு மாற்றுபவர்கள், வெளிநாடு பயணம் செய்யும் பயனர்கள், ஒரே கணக்கை பல சாதனங்களில் பயன்படுத்துபவர்கள், மெசேஜிங் ஆப்களை தொடர்ந்து பயன்படுத்த: கணக்கு பதிவு செய்த போது இருந்த அதே SIM கார்டு செயல்பாட்டில் இருக்க வேண்டும். எண் மாறினால், பயனர்கள் மீண்டும் பதிவு செய்ய அல்லது மறுசரிபார்ப்பு செய்ய வேண்டியிருக்கும். மெசேஜிங் ஆப்களுக்கு ஏற்படும் மாற்றங்கள்

இந்த விதிகளின் படி:

secondary devices (உதாரணம்: laptop, tablet) தானாக logout செய்யப்படலாம். மீண்டும் பயன்படுத்த primary smartphone மூலம் authentication செய்ய வேண்டும். உதாரணமாக: WhatsApp Web பயனர்கள் ஒவ்வொரு 6 மணி நேரத்திற்கும் மீண்டும் login செய்ய வேண்டிய நிலை ஏற்படலாம். இதே போன்ற மாற்றங்கள் Telegram Desktop போன்ற சேவைகளுக்கும் வரலாம். தற்போது பயனர்கள் SIM மாற்றிய பின்னரும் அல்லது network மாற்றிய பின்னரும் ஆப்களை பயன்படுத்த முடிகிறது.

WhatsApp ஏற்கனவே தயாராகிறது

தகவல்களின் படி, WhatsApp இந்தியாவில் இந்த விதிக்கு ஏற்ப புதிய அம்சங்களை உருவாக்கத் தொடங்கியுள்ளது. புதிய அம்சத்தின் மூலம்: பயனர்களுக்கு அவர்களின் SIM கார்டு ஸ்மார்ட்போனில் இருக்கிறதா என்பதை சரிபார்க்க வேண்டும் என்று ஆப் அறிவிக்கும். இது அரசு விதிகளை பின்பற்றும் நோக்கத்திற்காக இருக்கும்.