Vivo V50 சீரியஸ் மற்றும் Vivo Y29 4G செல்போன் பட்டாசு கிளப்ப போகுது

விவோ விரைவில் உலக சந்தைகளில் பல ஸ்மார்ட்போன்களை அறிமுகப்படுத்த தயாராகி வருகிறது. Vivo V50 தொடரின் இரண்டு மாடல்கள் உட்பட மூன்று செல்போன் மாடல்கள் அறிமுகப்படுத்தப்பட உள்ளது. Vivo V40 வரிசையின் அடுத்த கட்ட மாடலாக Vivo V50 செல்போன் சீரியஸ் இருக்க போகிறது. Vivo நிறுவனத்தின் சமீபத்திய மாடல் செப்டம்பர் 25 அன்று அறிமுகப்படுத்தப்பட்டது என்று ஒரு அறிக்கை கூறுகிறது. மேலும் Vivo Y29 4G செல்போனும் பட்டியலிடப்பட்டுள்ளதாக தெரிவிக்கப்பட்டுள்ளது.

Vivo V50 செல்போன் சீரியஸ் வெளியீடு

MySmartPrice வெளியிட்ட அறிக்கையின்படி Vivo V50 மற்றும் Vivo V50e ஆகியவை முறையே V2427 மற்றும் V2428 மாதிரி எண்களுடன் EEC தரவுத்தளத்தில் காணப்பட்டன. இதற்கிடையில் Vivo Y29 4G ஆனது V2434 என்ற மாடல் எண்ணைக் கொண்டிருந்ததாக கூறப்படுகிறது.

IMEI எனப்படும் சர்வதேச மொபைல் கருவி அடையாள தரவுத்தளத்தில் Vivo V50 மற்றும் Vivo V50e ஆகியவற்றின் பட்டியல வந்துள்ளது. இருப்பினும், பட்டியல்கள் மேலே குறிப்பிட்டுள்ள செல்போன்களின் விவரங்கள் வெளியிடப்படவில்லை. ஸ்மார்ட்ஃபோன்கள் அவற்றின் முந்தைய மாடல்களான Vivo V40 மற்றும் Vivo V40e செல்போன்களில் அறிமுகப்படுத்தப்பட்ட அம்சங்களை காட்டிலும் சற்று மேம்பட்டதாக இருக்கும் என கூறப்படுகிறது.

Vivo V40 மற்றும் Vivo V40e அம்சங்கள்

Vivo V40 ஆனது 6.78-இன்ச் முழு-HD+ AMOLED டிஸ்ப்ளேவை கொண்டுள்ளது. இது 120Hz புதுப்பிப்பு வீதம் மற்றும் 4,500nits உச்ச பிரகாசத்துடன் உள்ளது. இது 4nm Qualcomm Snapdragon 7 Gen 3 SoC சிப்செட் மூலம் இயக்கப்படுகிறது. 12GB வரை ரேம் மற்றும் 512GB வரையிலான மெமரியுடன் இணைக்கப்பட்டுள்ளது. கேமரா பொறுத்தவரையில் Zeiss நிறுவனத்துடன் இணைந்து வடிவமைக்கப்பட்ட இரட்டை பின்புற கேமரா அமைப்பு பொருத்தப்பட்டுள்ளது. இதில் 50-மெகாபிக்சல் பிரதான கேமரா ஆப்டிகல் இமேஜ் ஸ்டெபிலைசேஷன் (OIS) மற்றும் ஆட்டோ-ஃபோகஸ் (AF) மற்றும் 50 மெகாபிக்சல் வைட்-ஆங்கிள் கேமரா ஆகியவற்றைக் கொண்டுள்ளது. 5,500mAh பேட்டரி மூலம் இயங்குகிறது.

மறுபுறம், Vivo V40e ஆனது 6.77-இன்ச் முழு-HD+ 3D வளைந்த AMOLED திரையை கொண்டுள்ளது. இது 120Hz புதுப்பிப்பு வீதம், HDR10+ ஆதரவு மற்றும் SGS குறைந்த நீல ஒளி சான்றிதழுடன் வருகிறது. இது ஹூட்டின் கீழ் 4nm MediaTek Dimensity 7300 சிப்செட் மூலம் இயக்கப்படுகிறது, 8GB LPDDR4X ரேம் மற்றும் 256GB வரை UFS 2.2 மெமரியுடன் இணைக்கப்பட்டுள்ளது. கேமரா பொறுத்தவரையில் கைபேசியில் 50 மெகாபிக்சல் சோனி ஐஎம்எக்ஸ்882 முதன்மை சென்சார் ஆப்டிகல் இமேஜ் ஸ்டேபிலைசேஷன் (ஓஐஎஸ்) சப்போர்ட் மற்றும் ஆரா லைட் யூனிட்டுடன் 8 மெகாபிக்சல் அல்ட்ரா-வைட் ஷூட்டர் உள்ளிட்ட இரட்டை பின்புற கேமரா அமைப்பைக் கொண்டுள்ளது. Vivo V40e ஆனது 80W வயர்டு ஃபாஸ்ட் சார்ஜிங்கிற்கான சப்போர்ட் 5,500mAh பேட்டரியைக் கொண்டுள்ளது.

இரட்டை 4G VoLTE, 5G, Wi-Fi, GPS, Bluetooth, Glonass, QZSS மற்றும் USB Type-C போர்ட் அகியவை, விவோவின் புதிய போனின் இணைப்பு ஆப்ஷன்கள் ஆகும்.