மின்னல் வேக சூப்பர் பாஸ்ட் சார்ஜிங் உடன் வந்திருக்கும் Realme Neo 7

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது Realme Neo 7 செல்போன் பற்றி தான்.

Realme Neo 7 அதன் நியோ தொடரில் நிறுவனத்தின் சமீபத்திய மாடலாக சீனாவில் அறிமுகப்படுத்தப்பட்டது. இதனை தொடர்ந்து நிறுவனம் விரைவில் 8000mAh பேட்டரியுடன் புதிய போனை அறிமுகம் செய்யுமென்று தகவல் வெளியாகியுள்ளது. இது MediaTek Dimensity 9300+ சிப்செட்டில் இயங்குகிறது. 50 மெகாபிக்சல் பிரதான சென்சார் கேமரா கொண்ட இரட்டை பின்புற கேமரா அமைப்பை பெற்றுள்ளது. Realme Neo 7 ஆனது Realme GT Neo 6 செல்போனின் அடுத்த மாடலாக அறிமுகமாகிறது. ஆனால் அதில் GT பிராண்டிங் இல்லை. இது 80W வேகமான சார்ஜிங் ஆதரவுடன் 7,000mAh பேட்டரியைக் கொண்டுள்ளது. மூன்று வண்ண வழிகளில் கிடைக்கிறது. Realme Neo 7 ஆனது தூசி மற்றும் நீர் எதிர்ப்பிற்கான IP68 மற்றும் IP69 மதிப்பீட்டைக் கொண்டுள்ளது.

Realme Neo 7 விலை

Realme Neo 7 ஆனது 12GB + 256GB ரேம் மற்றும் மெமரி மாடல் விலை ரூ. 24,000 என்பதில் ஆரம்பம் ஆகிறது. மேலும் 12GB + 512GB, 16GB + 512GB, மற்றும் 16GB + 1TB மாடல்களிலும் வருகிறது. இது Meteorite Black, Starship மற்றும் Submersible வண்ண விருப்பங்களில் கிடைக்கிறது.

Realme Neo 7 அம்சங்கள்

Realme Neo 7 ஆனது டூயல் நானோ சிம் ஆப்ஷன் கொண்டுள்ளது. ஆண்ட்ராய்டு 15 அடிப்படையிலான Realme UI 6.0 மூலம் இயங்குகிறது. 6.78-இன்ச் 1.5K 8T LTPO டிஸ்ப்ளே கொண்டுள்ளது. இது 6,000நிட்ஸ் பீக் பிரைட்னஸ், 2,600Hz டச் மற்றும் 900Hz 900 ஹெர்ட்ஸ் டச் திறனை கொண்டுள்ளது. 1Hz முதல் 120Hz வரையிலான புதுப்பிப்பு வீதத்தை டிஸ்ப்ளே தருகிறது. இது ஆக்டா-கோர் மீடியாடெக் டைமன்சிட்டி 9300+ சிப்செட்டில் 16ஜிபி ரேம் மற்றும் அதிகபட்சம் 1டிபி சேமிப்பகத்துடன் இயங்குகிறது. கைபேசி 12ஜிபி வரைரேமை சப்போர்ட் செய்கிறது.

Realme Neo 7 ஆனது இரட்டை பின்புற கேமரா யூனிட்டைக் கொண்டுள்ளது. இதில் OIS சப்போர்ட் உடன் 50 மெகாபிக்சல் Sony IMX882 கேமரா மற்றும் 8 மெகாபிக்சல் இரண்டாம் நிலை வைட்-ஆங்கிள் கேமரா உள்ளது. செல்ஃபிக்களுக்கு, 16 மெகாபிக்சல் முன்பக்க கேமரா உள்ளது. மேம்பட்ட நெட்வொர்க் இணைப்புக்கான ஸ்கை கம்யூனிகேஷன் சிஸ்டம் 2.0 அம்சத்தை இந்த கைபேசி கொண்டுள்ளது. 7,700மிமீ சதுர VC வெப்பச் சிதறல் பகுதி பின்புறம் இருக்கிறது. கேம் விளையாடும் போது செல்போன் சூடாவதை இது தடுக்கிறது. இணைப்பு விருப்பங்களில் 5G, Beidou, Bluetooth 5.4, GPS, Galileo, GLONASS, QZSS, NavIC, NFC, Wi-Fi 802.11 a/b/g/n/ac/ax/be ஆகியவை அடங்கும். அகச்சிவப்பு ரிமோட் கண்ட்ரோல் மற்றும் திரையின் கீழ் கைரேகை சென்சார் ஆகியவை உள்ளது.