அடுத்த வாரம் இந்திய சந்தையில் சியோமியின் ‘ரெட்மி 7’..!?

சியோமி நிறுவனம் தனது ரெட்மி Y3 போனை அடுத்த வாரம் 24 ஆம் தேதி இந்திய சந்தையில் அறிமுகம் செய்ய உள்ளது. அதே நாளில் சியோமி நிறுவனம் இன்னொரு ஸ்மார்ட் போனையும் வெளியிட்டு அதிர்ச்சி கொடுக்கலாம். அந்த போன் ரெட்மி 7 ஆக இருக்கும் எனவும் கூறப்படுகிறது. சியோமி நிறுவனத்தின் துணைத் தலைவர் மனு குமார் ஜெயின் சமீபத்தில் ட்விட்டரில் பகிர்ந்த ஒரு படத்தில் இது குறித்து துப்பு கொடுக்கப்பட்டுள்ளது. இதை வழிமொழியும் வகையில், பிரபல போன் வல்லுநர் இஷான் அகர்வாலும், ‘விரைவில் ரெட்மி 7 இந்திய சந்தைக்கு வரும்' என்று கூறியுள்ளார். இதையெல்லாம் வைத்துப் பார்க்கும்போது, சியோமி நிறுவனம் ரெட்மி 7 போனை அடுத்த வாரம் வெளியிட வாயுப்புள்ளதாக தெரிகிறது. 

ரெட்மி 7 போன், சீனாவில் ஏற்கெனவே வெளியாகியுள்ளது. அங்கு நல்ல வரவேற்பை அந்த போன் பெற்றுள்ளது. இந்தியா, சியோமியின் மிகப் பெரிய மார்க்கெட் என்பதால் இங்கும் ரெட்மி 7 சீக்கிரம் வெளியாகும் என்பதை யூகிக்க முடிகிறது. 

போன் வல்லுநர் அகர்வால், ‘ரெட்மி 7 இந்தியாவில் சீக்கிரம் வெளியிடப்படும். அதேபோல ரெட்மி 7A மற்றும் ரெட்மி Y3 ஆகிய போன்களும் இந்திய சந்தைக்கு விரைவில் வரலாம்' என்றுள்ளார். முன்னதாக சியோமி நிறுவனம், ரெட்மி நோட் 7 ப்ரோ போனை வெளியட்ட அதே நாளன்று ஆச்சரியப்படும் வகையில் ரெட்மி நோட் 7 போனையும் வெளியிட்டது. இதேபோல இந்த முறையும் நடக்கலாம் என்று நாங்கள் எதிர்பார்க்கிறோம். 

ரெட்மி 7 சிறப்பம்சங்கள்:

ரெட்மி 7-ல் 6.36 இன்ச் எச்.டி+ திரையும் அதைப் பாதுகாக்க கொரில்லா க்ளாஸ் 5 அமைப்பும் கொடுக்கப்பட்டுள்ளது. ஸ்னாப்டிராகன் 632 எஸ்.ஓ.சி-யால் பவரூட்டப்பட்டுள்ள ரெட்மி 7, 4 ஜிபி ரேம் திறனை கொண்டுள்ளது. 12 மெகா பிக்சல் முதன்மை கேமரா மற்றும் அதனுடன் 2 மெகா பிக்சல் டெப்த் சென்சார் பொருத்தப்பட்டுள்ளது. செல்ஃபிகளுக்காக 8 மெகா பிக்சல் கேமரா வடிவமைக்கப்பட்டுள்ளது. 4,000 எம்.ஏ.எச் பேட்டரி மூலம் ரெட்மி 7 பவரூட்டப்பட்டுள்ளது.