இனி ஃபோல்டபிள் போன்லயும் தத்ரூபமான போட்டோஸ்! சாம்சங் Z Fold 8-ன் மிரட்டலான கேமரா சிறப்பம்சங்கள் கசிந்தது

ஃபோல்டபிள் போன் உலகத்துல ராஜா அப்படின்னு சொன்னா அது சாம்சங் தான். இப்போ அவங்க அடுத்த லெவலுக்கு ரெடியாகிட்டாங்க. 2026-ஆம் ஆண்டு ஜூலை மாசம் அறிமுகமாகப்போற Samsung Galaxy Z Fold 8 பத்தின சுவாரஸ்யமான கேமரா தகவல்கள் இப்போ கசிஞ்சிருக்கு. பொதுவா ஃபோல்டபிள் போன்கள்ல டிசைனுக்கு கொடுக்கிற முக்கியத்துவத்தை கேமராவுக்கு கொடுக்க மாட்டாங்கன்னு ஒரு குறை உண்டு. ஆனா, சாம்சங் இப்போ அதை உடைக்க முடிவு பண்ணிட்டாங்க. லேட்டஸ்டா வந்திருக்கிற தகவல்படி, Z Fold 8-ல மூணு முக்கியமான கேமரா மாற்றங்கள் இருக்கப்போகுது.

சாம்சங் பெரிய ட்விஸ்ட்

முதல்ல, இதோட மெயின் கேமரா. ஏற்கனவே Z Fold 7-ல இருக்குற அதே 200MP சென்சார் தான் இதுலயும் வரப்போகுது. இது ஒரு நல்ல விஷயம்தான், ஏன்னா அந்த சென்சார் ஏற்கனவே போட்டோ குவாலிட்டில பட்டைய கிளப்பிட்டு இருக்கு. ஆனா, மத்த ரெண்டு கேமராக்கள்ல தான் சாம்சங் பெரிய ட்விஸ்ட் வச்சிருக்காங்க.

இதோட அல்ட்ராவைடு (Ultrawide) கேமரா இதுவரைக்கும் 12MP-யா தான் இருந்துச்சு. இப்போ அதை அப்படியே 50MP-க்கு மாத்தப்போறாங்க. இதனால வைடு-ஆங்கிள்ல போட்டோ எடுக்கும்போது டீடைல்ஸ் இன்னும் தெளிவா இருக்கும். அடுத்து, ஜூம் பண்றதுக்காக இருக்குற டெலிஃபோட்டோ லென்ஸ். இது 10MP-ல இருந்து 12MP-க்கு மாறப்போகுது. இதுல 3x ஆப்டிகல் ஜூம் வசதி இருக்கும். இது அநேகமாக கேலக்ஸி S26 சீரிஸ்ல வர்ற அதே கேமராவா இருக்கலாம்னு சொல்லப்படுது.

செல்ஃபி கேமராவை பொறுத்தவரை, போனோட கவர் ஸ்க்ரீன்ல ஒரு 10MP கேமராவும், உள்ளே ஒரு 10MP கேமராவும் இருக்கும். இதுல பெரிய மாற்றங்கள் இல்லைனாலும், சாப்ட்வேர் மூலமா குவாலிட்டியை அதிகப்படுத்த வாய்ப்பு இருக்கு.

பெர்பார்மன்ஸ்

பெர்பார்மன்ஸ்னு பார்த்தா, இதுல Snapdragon 8 Elite Gen 5 அல்லது சாம்சங்கோட சொந்த Exynos 2600 சிப்செட் வரலாம். 12GB அல்லது 16GB RAM ஆப்ஷன்ஸ் இருக்கும்னு எதிர்பார்க்கப்படுது. இவ்வளவு பெரிய அப்டேட் வர்றதுனால, இதோட விலை கண்டிப்பா கொஞ்சம் அதிகமா தான் இருக்கும்.

மொத்தத்துல, "எனக்கு மடிக்கிற போனும் வேணும், அதே சமயம் S25 அல்ட்ரா ரேஞ்சுக்கு கேமராவும் வேணும்" அப்படின்னு நினைக்கிறவங்களுக்கு இந்த Z Fold 8 ஒரு சரியான வேட்டையா இருக்கும்.