iQOO Neo 10R பட்ஜெட் விலையில் படு அம்சமான செல்போன்! வெளியான அப்டேட்

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட கேட்ஜெட் எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். செல்போன் தாண்டி மற்ற தொழில்நுட்ப தகவல்களும் உங்களை வந்து சேரும். இப்போது நாம் பார்க்க இருப்பது iQOO Neo 10R செல்போன் பற்றி தான்.

iQOO Neo 10R மார்ச் 11 ஆம் தேதி இந்தியாவில் அறிமுகப்படுத்தப்படும் என தெரிவிக்கப்பட்டுள்ளது. இப்போது ஸ்மார்ட்போனின் விலை மற்றும் AnTuTu மதிப்பெண் வெளியாகி இருக்கிறது. சரியான விலை வெளியிடப்படவில்லை என்றாலும், இந்த செல்போன் எந்த விலைப் பிரிவைச் சேர்ந்தது என்பதை நிறுவனம் குறிப்பிட்டுள்ளது. குறிப்பாக, நியோ தொடரின் முதல் R-பிராண்டட் சாதனமான iQOO Neo 10R, Snapdragon 8s Gen 3 SoC சிப்செட் உடன் வருவது உறுதிப்படுத்தப்பட்டுள்ளது.
X பதிவில் , iQOO இன் அதிகாரப்பூர்வ தகவல்படி iQOO Neo 10R "மிகவும் சக்திவாய்ந்த ஸ்மார்ட்போன்" என்று குறிப்பிடப்பட்டுள்ளது. iQOO Neo 10R செல்போன் ரூ.30,000க்கும் குறைவான விலை பிரிவில் வரும் என கூறப்பட்டுள்ளது. இந்த ஸ்மார்ட்போன் அதன் விலைப் பிரிவில் 1.7 மில்லியனுக்கும் அதிகமான புள்ளிகளைப் பெற்று அதிக AnTuTu மதிப்பெண்களைப் பெற்றதாக iQOO கூறுகிறது.

இது தவிர, நிறுவனம் சமீபத்தில் அறிவிக்கப்பட்ட மூன்நைட் டைட்டானியம் கலர் மாடலையும் காட்சிப்படுத்தியது. இது பளபளப்பான பூச்சுடன் வெள்ளி அல்லது சாம்பல் நிறத்தில் தெரிகிறது. iQOO நியோ 10R ரேஜிங் ப்ளூ நிறத்திலும் கிடைக்கும். iQOO Neo 10R ஆனது TSMC இன் 4nm செயல்முறை தொழில்நுட்பத்தில் கட்டமைக்கப்பட்ட ஒரு சிப்செட் ஆன Snapdragon 8s Gen 3 சிப்செட்டால் இயக்கப்படுகிறது என்பதும் உறுதிப்படுத்தப்பட்டுள்ளது. இது 12GB வரை RAM மற்றும் 256GB மெமரியுடன் இணைக்கப்படலாம். முந்தைய அறிக்கைகளின் அடிப்படையில் , ஸ்மார்ட்போனில் 144Hz புதுப்பிப்பு வீதத்துடன் 6.78-இன்ச் OLED டிஸ்பிளே இடம்பெறக்கூடும்.

கேமராவைப் பொறுத்தவரை iQOO Neo 10R செல்போனில் சோனி LYT-600 சென்சார் கொண்ட 50 மெகாபிக்சல் முதன்மை கேமரா மற்றும் 8 மெகாபிக்சல் அல்ட்ராவைடு கேமரா இருக்கும் என்று தகவல் பரவியுள்ளது. முன்பக்கத்தில், இது 16 மெகாபிக்சல் செல்ஃபி கேமராவைக் கொண்டிருக்கலாம். வினாடிக்கு 4K 60 பிரேம்களில் (fps) வீடியோ பதிவை ஃபோன் சப்போர்ட் செய்யும் என்று மற்றொரு அறிக்கை கூறுகிறது. இதற்கிடையில், அதன் கேமிங் செயல்திறன் 90fps ஆக இருக்க முடியும். Funtouch OS 15 சார்ந்த ஆண்ட்ராய்டு 15 இயங்குதள வசதியுடன் இந்த ஐக்யூ நியோ 10ஆர் போன் அறிமுகமாகும் என்று கூறப்படுகிறது. iQOO Neo 10R ஆனது 80W வயர்டு சார்ஜிங் சப்போர்ட் உடன் 6,400mAh பேட்டரி மூலம் இயக்கப்படும் என்றும் கூறப்படுகிறது.